小楊離港在即,今日就同佢出街拍下拖!下午到屋企附近的伯大尼修院呢個古蹟遊覽。一直聽過好多人係呢度行禮結婚, 話好靚,雖然小楊曾經幫過人係度影BIG DAY, 但我未去過,所以想入去睇下,但要入去教堂裡面,原來係要參加導賞團的, 結果我同小楊就係外圍兜。

點知行行下,有人係教堂出來——仲要係識得GE!原來係小楊行家將會係呢度行禮結婚,今日來睇場!負責招呼的職員都好好人,話既然係識GE, 就一齊參觀!嘩!實在太好彩了!!真係要買六合彩~

多得行家, 我可以入去教堂參觀, 一入去, 嘩!真係好靚好靚好靚好靚好靚!D相都反映唔到有幾靚, 因為你置身其中,感覺到elegancy同solemnity得來, 又有一種好cozy的寧靜, 係呢度行禮結婚, 真係會畢生難忘!可惜……我已經結左婚了……>.< 我同小楊講:「唉……總之係度結婚!」 佢話:「咁, 結多次?!」哼!俾佢激死~~

之後,我地行去隔離的L HOTEL。L HOTEL其實係俾VTC學生訓練的酒店, 我之前係電視節目見到介紹,話有個位好靚, 對海可以睇日落,就同職員(學生)講, 佢好好客, 帶我地上去餐廳參觀。一去到, 真係好靚, 無敵大海景的相伴下,你可以HIGH TEA或飲酒。我睇下MENU, 一D都唔貴!一杯酒都係HKD 22!當我同小楊想話坐低,一邊飲酒一邊欣賞日落時,個職員先話係要入會。…… 年費HKD 888,太貴!最後走人~ 7 more words