Ceapóg é seo a chum Dónal Ó Liatháin agus atá bunaithe ar sean scéal a bhíodh á insint ag Amhlaoibh Ó Luinse, an seanchaí iomráiteach ó Chúil Aodha, trath dá raibh. Ba iad Áine Uí Chúill agus Eibhlín Ní Lionaird a dhéanfadh an cheapóg seo ag ocáidí éagsúla ar nós an Féile Náisiúnta Dramaíochta agus Oireachtas na Gaeilge. Seo iad á chur i láthair ag an ocáid in Aras Eamoinn Mhic Suibhne i gCúil Aodha i gcuimhne ar Dhónail.

Tá’s againn go bhfuilimíd i ndúlaíocht an Gheimhridh nuair a thosnaítear ag caint ar an Éigse.   Éigse Dhiarmuid Uí Shúilleabháin nó Éigse Dhiarmuidín atá i gceist agus beidh sé á reachtáil anseo i gCúil Aodha, áit dhúchais an amhránaí a cailleadh i dtimpist taca an ama seo i 1990, agus i mBaile Bhuirne ar an 4ú-5ú-6ú Nollaig.

Deireadh seachtaine ceoil agus amhráin, cuimhní cinn agus léachtanna agus go leor leor eile a bheidh ag titim amach i mbliana.   Tosnóidh sé ar an 4ú Nollaig i Halla Chúil Aodha – Aras Éamoinn Mhic Suibhne – leis an oscailt oifigiúil ag Seán O Liatháin, sean chara le Diarmuidín agus a leathbhadóir i luibíní is a leithéid.   An oíche céanna seolfar feilire 2010 Coiste Litríochta Mhúscraí agus beidh léacht ann faoin Dochtúir O Loingsigh, a shaol agus a shaothar, ag Dónal O hÉalaithe.   Beidh ceol agus rínce sna tabhairní is ostáin áitiúla – seisiún ceoil sa Mhuileann agus oíche rínce seiteanna in Ostán Ghobnatan/Abbey Hotel.

Ar an Satharn a reachtáilfear na ranganna do lucht foghlamtha ceoil  agus tá cuid de na ceoltóirí, rínceoirí is amhránaithe is fearr sa tir ann chun barr snáis a chur ar do chuid scileanna.  Paudie O’Connor (bosca ceoil), Diarmuid O’Brien (fidil), Eamonn Cotter (feadóg mhór), Gay McKeown (píob uileann), Máire Ní Cheilleachair(amhránaíocht sean nóis), Dainní Maidhcí O Suilleabháin (Bailéadaí Béarla) agus Máire Aine Ní hIarnáin (rínce ar an sean nós).

Beidh seisiún ceoil i Mhuseam an Mhuilinn agus taispeantas rínce le cois san iarnóin.  An oíche sin beidh Coirm Ceoil na hÉigse sa Halla i gCúil Aodha agus is liosta le h-áireamh iad na ceoltóirí a bheidh ar an ardán.    Orthu sin nach bhfuil luaite go dtí seo, tá Martin Hayes, laoch fidil Oirthear an Chláir, Caoimhín O Raghallaigh, Gabriel McArdle, Patsy agus Pauline Hanley, Charlie Harris, John Kelly, Eamon McGivney, Peadar O Riada agus Cór Chúil Aodha,  Muireann Ní Dhroighneáin a bheidh ina bhean a’ tí ag an ocáid.

Tuilleadh seiteanna ina dhiaidh sin in Ostán Ghobnatan, beidh cruinniú na n-amhránaithe sa Mhuileann agus Club na Féile sa Mhuseam.

An maidin dar gcionn beidh Aifreann na hÉigse i gCúil Aodha ag 11rn.  Craolfar seo ar RTÉ Raidió na Gaeltachta, áit ar chaith Diarmuidín seal fada ag obair agus é in chlár reachtaire/iriseoir ann.    Ina dhiaidh sin, ag mean lae,  beidh ocaid an speisialta sa tsean teampall i Reilg Ghobnatan le Martin Hayes, Caoimhín O Raghallaigh agus Peadar O Riada – agus is é Gabriel McArdle a bheidh ag canadh na n-amhrán.

Idir 1in agus 7.000in sa Mhuseam sa Mhuileann tá imeacht ana spéisiúil á reachtáil.  Séard atá i gceist leis an Amhránathon ná seisiún amhránaíochta gan stop agus beidh aos óg na h-áite go h-áirithe páirteach ann.  Tá an imeacht á reachtáil ar mhaithe le h-airgead a chnuasú do Aisling Gheal, an scéim áitiúil amhránaíocht ar an sean nós.     Tá sé rí thabhachtach go mbeadh maoiniú á dhéanamh ar seo nó is é seo an scéim ceannródach atá ag cur chun cinn amhránaíocht ar an sean nós go h-áitiúil.

Cuirfear clabhsúr ceolmhar leis an deireadh seachtaine sa ‘cosy spot, the Top of Coom’ nuair a bheidh Eibhlís Uí Thuama ina bhean a tí ar sheisiún amhránaíochta san iar nóin.

Agus, ansan arís, tuilleadh ceoil in Ostán Ghobnatan an iar nóin sin,  Jimmy Doyle agus a chairde.

Tá Múscrai ar fad feistithe i mbratacha deaerg agus bán agus gasra laidir ón gceantar páirteach i bhfoireann Chorcaí a bheidh ag imirt i gCraobh na hÉireann sa pheil Dé Domhnaigh seo chugainn. 

Seo píosa ealaín ar thaobh an bhóthair i Múine Beag, Cúil Aodha.   Peadar  O Riada a rinne.   Beidh a thuilleadh íomhánna againn ó Mhúscraí sna laethannta romhainn. 

Tá ár dtacaiocht ag Nollaig O Laoire agus Antaine O Loingsigh atá ainmnithe ar an bhfoireann agus le Peadar O hÉalaithe atá ina thraenálaí ar an bhfoireann.

Bhí malartú róil de short i gceist ag Scoil Chúil Aodha le seachtain anuas.  Nó bhí múinteoirí ó Mhúscraí agus iarthar Chorcaí ar fad ag freastal ar chúrsa speisialta a bhí á reachtáil ag Aisling Gheal, an scéim amhránaíochta do Mhúscraí, le cuidiú a thabhairt do mhúinteoirí agus iad ag iarraidh ceol agus, go h-áirithe, amhráin dúchasacha i nGaeilge a mhúineadh dá ndaltaí.

I measc na múinteoirí bhí príomh oide na scoile i gCúil Aodha, Cathal  O Riada, Seán O Múineacháin is Máire Ní Cheilleachair, an amhránaí sean nóis iomráiteach.

Thugas caint ghairid ann inné agus thaispeanas an bhealach go mbeadh an idirlíon ina acmhainn do mhúinteoirí.   Thíos atá an scannán Youtube a rinneamar le taispeaint do mhúinteoirí eile toradh saothar na múinteoirí seo.

Deirtear liom go mbeidh cúrsa dá leithéid ann arís an bhliain seo chugainn.

An comhlacht ardteicneolaíochta Somex Teo ag dul i mbun gnó ar Pháirc Thionscail Údarás na Gaeltachta i mBaile Bhuirne Tá ionad nua bunaithe ag Somex Teo, soláthraí réitigh uathoibrithe a bhíonn ag plé go sonrach le dearadh agus le forbairt trealamh tástála saotharlainne, ar eastát tionscail Údarás na Gaeltachta i mBaile Bhuirne, Co. Chorcaí.

Bhunaigh Brian O’Keefe agus Michael Wall an comhlacht, a bhí lonnaithe i Maigh Chromtha roimhe seo, sa bhliain 2000 agus theastaigh foirgneamh níos mó le bheith in oiriúint do na pleananna fáis agus forbartha a bhí acu. Le cúnamh agus tacaíocht ó Údarás na Gaeltachta, dhear agus d’fhorbair an comhlacht foirgneamh nua d’ardteicneolaíocht ar pháirc thionscail an Údaráis le hinfheistíocht iomlán de €0.75milliún.

Déanann Somex Teo réitigh thástála pacála agus táirge don earnáil dí agus tá comhlachtaí móra idirnáisiúnta ar nós PepsiCo, Coca-Cola, Carlsberg agus C&C mar chliaint acu. Lena chois sin, cuireann an comhlacht sainréitigh dearadh agus uathoibrithe ar fáil do na hearnálacha cógaisíochta, leighis, plaistigh agus leictreonacha.

Tá ochtar fostaithe sa chomhlacht faoi láthair agus tá pleananna acu seachtar eile a earcú thar na trí bliana atá romhainn. Faoi láthair, is céimithe tríú leibhéal iad an fhoireann go léir ag a bhfuil saineolas sna réimsí dearadh meicniúil, dearadh uathoibrithe agus forbairt bogábhar. Tá i gceist go mbeidh cáilíocht den chineál céanna ag daoine a earcófar sa todhchaí.

Agus é ag fógairt leathnú an chomhlachta go Baile Bhuirne, dúirt Pádraig Ó hAoláin, Príomhfheidhmeannach Údarás na Gaeltachta “Tá áthas orainn go bhfuil ar ár gcumas tacú leis an chomhlacht Somex Teo leathnú go Baile Bhuirne. Is comhartha é cinneadh an chomhlachta, gnó atá chomh sofaisticiúil agus chomh fada chun cinn ó thaobh na teicneolaíochta de a lonnú anseo, go bhfuil muinín acu as an bhfoireann oibre agus as an gceantar go ginearálta.

Is sampla é an fhorbairt seo de chur i bhfeidhm pholasaí an Údaráis tionscail ardteicneolaíochta atá ag fostú daoine le hard cháilíochtaí i gceantair atá in ann foirgnimh fheiliúnach gnó, foireann oibre oilte agus infreastruchtúr a chur ar fáil.” Cuireann Somex Teo béim mhór ar thaighde agus ar fhorbairt agus tá siad i láthair na huaire ag obair leis an gColáiste Ollscoile, Corcaigh ar phróisis nuálach le tástáil a dhéanamh ar dheochanna agus táthar ag súil go mbeidh buntáiste mór anseo don tionscail dí go domhanda.

Dúirt Brian O’Keeffe agus Michael Wall, stiúrthóirí Somex Teo go gcuirfeadh an áis nua deis fháis agus acmhainní breise ar fáil do chustaiméirí nua agus reatha as seo amach. “Tá i gceist ag Somex Teo leanúint ar aghaidh ag díriú ar nuálaíocht sa mhargadh tionscail agus dá réir sin, ag soláthar taithí fhairsing agus deiseanna dá chuid fostaithe. Tá an tacaíocht agus an spreagadh a fuaireamar ón Údarás le linn dúinn a bheith ag leathnú chuig ár bhfoirgneamh nua agus ag an am céanna muid ag iarraidh fás a chothú laistigh dár ngnó, thar a bheith luachmhar. Ba mhaith linn ár mbuíochas a ghlacadh le gach duine san Údarás a chabhraigh linn agus táimid ag tnúth le dea-thodhchaí i nGaeltacht álainn Bhaile Bhuirne”, a dúirt siad.

Mo Scéal Féin – Caibidil 3

Seo an tríú chaibidil ó dhirbheathaisnéis an Athar Pheadair Uí Laoghaire.  Tá sé á léamh anseo ag Máiréad Uí Lionaird agus is é David Webb ó Phortsmouth, Sasana, a rinne an taifead le linn do bheith ar chuairt anseo le déanaí.

seo an dara caibidil de Mo Scéal Féin, dírbheathaisnéis an Athar Pheadair Uí Laoghaire agus tá sé á léamh anseo ag Máiréad Uí Lionaird. Táimíd thar a bheith buioch do David Webb, teangeolaí ó Phortsmouth, Sasana, as an taifeadadh a dhéanamh.
Mo Scéal Féin – leis an Athair Peadar Ó Laoghaire – Caibdil II

Tá clú agus cáíl ar an leabhar ‘Mo Scéal Féin’ ó pheann an Athar Pheadair Uí Laoghaire a foilsíodh ag tús an chéid seo chaite. Tá taifeadadh déanta ag fear léinn, David Webb, den leabhar seo agus é á léamh ag Mairéad Uí Lionaird agus tá sé iarrtha orainn é a fhoilsiú anseo, rud atá á dhéanamh againn anois agus athás orainn amhlaidh a dhéanamh.

Inniu a bheidh an chéad chaibidil ar fáíl – agus beidh na caibidil eile anseo de réir a chéile. Go raibh maith agaibh, David, Mairéad agus, gan amhras, a Athair Pheadair as ucht an seod seo ó litríocht na hÉireann agus litríocht Mhúscraí.

Mo Scéal Féin

Seo an chéad mhír de chaint a thug Príomh FheidhmeannachUdarás na Gaeltachta, Pádraig  O hAoláin, ag cruinniú phoiblí a reachtáíl an eagras i Múscraí aréir, oíche Dé Máirt, 19 Bealtaine, mar chuid de shraith chruinnithe atá á reachtáil le pobal na Gaeltachta a chur ar an eolas faoi thodhchaí an Udaráis i ré na ngiorrú.

Beidh an chuid eile de chaint an Phríomh Fheidhmeannaigh agus míreanna eile ón oíche, léamh litir ó ghrúpa atá buartha faoi thodhchaí an Ionaid Aise i Reidh na nDoirí de bharr phlean an Aire Ghnóthaí Pobail, Tuaithe agus Gaeltachta, Éamonn O Cuív, san áireamh, le feiscint anseo de réir a chéile  inniu agus amarach.

Na slite is fearr chun forbairt phobail a chur chun cinn i gcomhthéacs na dúshláin atá romhainn an téama a bheidh ag cruinniú poiblí atá á reachtáil ag Udarás na Gaeltachta i mBaile Mhúirne an tseachtain seo chughainn.    Beidh príomh fheidhmeannach an Udaráis i láthair ag an cruinniú a bheidh á reachtáil in Ostán Ghobnatan ar an Máirt, 19ú Bealtaine, ag 7.30in. 

Tá fáílte roimh chach ag an gcruinniú tabhachtach seo, ceann de shraith cruinnithe atá á reachtáil ag an Udarás ar fuaid na nGaeltachtaí ar fad.

Beidh Aonach Ceoil Bhaile Mhúirne 2009 ar siúl  idir  30ú Aibreán – 4ú Bealtaine.

Seolfaidh Con Ó Drisceóil (Buaiteoir Gradam TG4 Cumadóir na Bliana 2009) Aonach Ceoil Bhaile Mhúirne sa Mhuileann ar an Aoine 17ú Aibreán ag 10.00in Seolfaidh Con Ó Drisceóil (Buaiteoir Gradam TG4 Cumadóir na Bliana 2009) Aonach Ceoil Bhaile Mhúirne sa Mhuileann ar an Aoine 17ú Aibreán ag 10.00in

Beidh imeachtaí ar siúl an deireadh seachtaine sin do phobal na Gaeltachta – ceolchoirmeacha, ceardlanna, comórtais amhránaíochta agus seisiúin ceoil & amhránaíochta. Osclóidh Pádraig Ó Sé, Raidió na Gaeltachta, an Aonach ar an Déardaoin 30ú ag an seisiún seachtainiúil sa Mhuileann. Beidh an t-amhránaí & cumadóir Jimmy Mac Carthy ar stáitse san Ionad Cultúrtha ar an Aoine. Maidir leis na Ceardlanna Ceoil, Rince agus Amhránaíochta, beidh ceoltóirí & amhránaí den scoth ag múineadh sna ceardlanna seo arís i mbliana Richard Lucey (bosca ceoil), Geraldine O Callaghan (fidil), Conal Ó Gráda (fliúit), Cormac de Barra (cruit), Muireann Nic Amhlaoibh (amhránaíocht ar an sean-nóis) & Seosamh Ó Neachtain (rince ar an sean-nóis). Beidh siad go léir ar stáitse le chéile ag ollcheolchoirm an Aonaigh ar an Satharn. Beidh Comórtas Amhránaíochta ar an sean-nóis os cionn 18 bliain d-aois - Corn an Dochtúra Uí Loingsigh ar siúl arís againn i mbliana. Chomh maith le sin, beidh comórtas nua á reáchtáil againn ag Aonach Ceoil na bliana seo – ‘sé sin Corn Uí Fhlannagáin - Comórtas Amhráin Nua-Chumtha.

Is iad na moltóirí a bheidh againn don dá chomórtas seo ná Con Fada Ó Drisceóil (Gradam TG4 Cumadóir na Bliana 2009), Muireann Ní Dhuighneán, & Eilís Maidhcí Uí Shúilleabháin.

Rud nua eile a bheidh ann i mbliana ná Siúlóid an Aonaigh – chun deis a thabhairt do dhaoine áilleacht an cheantair a fheiscint.

*********************************************************************************************************************************

Aonach Ceoil Bhaile Mhúirne 2009 takes  place 30th April – 4th May

Con Ó Drisceóil  (Winner of the Gradam TG4 Composer of the Year 2009) will launch this year’s Aonach  at the Mills on Friday 17th April at 10.00pm

This year’s Aonach Ceoil promises to be yet another great one for the locality and for visitors alike. Pádraig Ó Sé of Radio na Gaeltachta will officially open the Aonach at the regular Thursday evening session in the Mills on the Thursday April 30th. The Ionad Cultúrtha will be the venue on Friday night for the long-awaited concert by Macroom singer Jimmy Mc Carthy. Central to the Aonach are  the workshops – with classes on the Saturday from 11.00- 4.00  followed by a session with the participants and the tutors. Saturday evening’s concert will host all the workshop tutors - Geraldine O Callaghan (fiddle), Conal Ó Gráda (flute), Richard Lucey (box), Cormac de Barra (harp), Muireann Nic Amhlaoibh (sean-nós singer) and Seosamh Ó Neachtain (sean-nós dancer). Again this year, we will hold a sean-nós singing competition.‘ Corn an Dr Ó Loingsigh’ for over 18’s. There will also be a new competition this year  - for newly composed songs – ‘Corn Uí Fhlannagáin’.  These two competitions will be held on Sundayafternoon from 1.00 – 4.00. The Allow Céilí Band will have everyone dancing for the Sunday pm Céilí from 5.00 – 8.00. There will be, of course, plenty of music to be heard in the local bars that week-end – with arranged and impromptu sessions and singing taking place. New to the Aonach this year is the Walk on Monday 4th from 12.00 - 3.00 weather permitting, naturally! People can then warm themselves up with soup and sandwiches at the end of their walk sometime in the afternoon in the Abbey Hotel, where no doubt, more tunes will be heard!

Grúpa ildánach iad Na Cábóga a bhaineann úsáid as drumaí agus an Ghaoluinn féin chun ceol nuálach a chruthú.  Seo iad ag imeacht speisialta a reachtáladh ag Leabharlann Bhaile Mhic Ire le déanaí mar chuid d’imeachtaí Sheachtain na Gaeilge.    Baill iad na drumadóirí d’óg eagrais ar fuaid Ghaeltacht Mhúscraí agus is tionscnamh é Na Cábóga de chuid Oige na Gaeltachta.

Seo taifead a deineadh anuraidh i gCíll Airne nuair a bronnadh Gradam Ceoil TG4 ar Pheadar  O Riada as é bheith ainmnithe mar Chumadóir na Bliana.   Tá oráid deas ann agus tá’n Cóir freisin ag canadh ‘Aoibhinn Crónán’, amhrán gleoite, dán de chuid an Chraoibhín Aoibhinn, Dúbhglás de hIde. 

Agus mar bhónas beag ag deireadh an dara mhír, tá píosa le Martin Hayes, Ceoltóir Traidisiúnta TG4 do 2008.

Tá suíomh nua idlrlíne ag an BBC i dtuaisceart na hÉireann agus orthu san atá faoi chaibidil ann tá Diarmuid agus Colm O Meachair ó Dhoire’n Chuiling i gCúil Aodha.    Bhí an bheirt seo ag glacadh páirte san Agallamh Beirte Faoi 12 ag an Oireachtas i gCorcaigh i mí Dheireadh Fómhair anuraidh agus d’eirigh leo an dara h-áit a bhaint amach.

Seolfar Cumann Scannáin Dhoire’n Chuillling i Múscraí go luath nuair a bheidh an chéad taispeantas ag an gcumann ag an Ionad Chultúrtha i mBaile Mhuirne.  Is é an scannán iomráiteach is ceannródaíoch, Caoineadh Airt Uí Laoghaire, atá roghnaithe chun tús a chur le séasúr gairid scannáníochta roimh theacht an tSamhraidh. 

Agus beidh stiúrthóir an scannáin, Bob Quinn, i láthair ar an oíche chun an scánnán a chur i láthair.   Mar is eol do dhaoine, deineadh Caoineadh a scannánú timpeall Mhúscraí sna luath 70í.  Meabhróidh siad freisin go mbaineann an scánnán le laoch mhór ó Mhúscraí, Art  O Laoghaire. 

Tá aithne mhaith ar O Laoghaire mar gheall ar an dán chlúiteach a chum a bhaintreach, Eibhlín Dubh Ní Chonaill, dán grá chomh cumhachtach inniu is a bhí sé an lá a cumadh é ag deireadh an 18ú aois. 

Le déanai chum Peadar  O Riada coiriú ceoil don dán agus tá sé á cheol ó shin ag Cór Ban Chúil Aodha…..

An Cuireadh

Fáilte agus fiche go Dáimhscoil Mhúscraí

Roimh baird agus éigis lucht léinn is filí

Fágaíg bhúr mbuartha, bhúr mbrón is imní

Is bíodh caidreamh bhúr gcarad ag ardú bhúr gcroí 

Fáilte roimh an ógra , cáilíní agus buachaillí 

Fáilte roimh an ngasra ó Chathair Chorcaí 

Fáilte roimh an geaingiléirí ó Contae Chiarraí 

Fáilte roimh na sluaite ó bhailte Mhúscraí

Beidh ceist chrosta chealgánta ó pheann an rúnaí 

Le suaitheadh, le fregairt, le h-áiteamh teasaí

Cé ná beidh baol an go raghfar chun dlí

Agus sé breitheamh an aighnis an scairteadh gáirí

Beidh lucht ráidió agus páipéar is an uair seo TV

Ag scaipeadh is ag alpadh dánta is dréachtaí

Beidh Betsy is an bhantracht ag réiteach cóir bídh

A shásóidh gach éinne gan bhagairt gardaí

An Monsignor Pádraig  Ó  Fiannachta

An tUachtarán

Sa mhír seo tugann Dónal Ó hÉalaithe, file agus Saoi ó Acadamh Fódhla, chun cuimhne a chara, Dónal  Ó Liatháin, a cailleadh i mí na Samhna.  I mblianta roimhe seo bhí iarrachtaí Dhónail Uí Liatháin i measc na mbuaic phointí ag an Dáímh Scoil. 

Is é seo an freagra a thug Concubhar  O Liatháin ar an gceist a bhí curtha ag Peadar O Liatháin, Cléireach na Dáímhe, agus an fhógra chuig filí, rannairí is locht rocháin á sheoladh roimh Nollaig.

Focail nua atá curtha aige ar an Sean Bhean Bhocht, focail atá, b’fheidir, in oiriúint do ghéarchéim an lae inniu.

Reachtáladh Dáimhscoil Mhúscraí Uí Fhloinn oíche Dé Satharn agus, mar is ghnáth, bhí slua mór filí is rannadóirí, agus lucht éisteachta le cois, i láthair don bhféasta bhliantúil filíochta is craic seo. 

In Ostán Ghobnatan i mBaile Mhuirne a tionóladh an t-aon chúirt filíochta de reir an sean thraidisiún atá fagtha sa tír.  Tá sé á reachtáil gan stad ó 1925 agus bhí cúirt filíochta á reachtáil roimhe sin i Múscraí ag deireadh an 18ú aois, trath go mbíodh leitheidí Aodhgán O Rathaille ag freastal ar an gcúirt a bhíodh ag Múintir Iarfhlaithe i mBaile Mhuirne. 

I mbliana bhí cuireadh an Uachtaráin, caointe orthu san a cailleadh le linn na bliana, ina measc Dónal O Liatháin agus Treasa Ní Mhúineacháin, agus an ceist cealganta ó Chléireach na Dáimhe, Peadar O Liatháín. 

Chomh maith le sin, bhí dánta agus amhráin nach iad ann agus is sampla maith é seo an amhrán seo ó Eílis Maidhcí Uí Shúilleabháin faoi turas a thug sí ar Bharcelona lena fearcéile. 

Beidh tuilleadh míreanna ón Dáímhscoil le feiscint anseo sna laethannta romhainn.

Tá tús á chur anocht le sraith nua ar TG4, leagan feirmeoireachta ‘X Factor’.

Agus i dteannta leis an iar Aire Talamhaíochta, Alan Dukes, beidh Seán Ó Lionaird ó Ghort na Scairte, ar an dteorainn idir Chúil Aodha is Baile Mhuirne, ina mholtóir ar an gclár. 

Tá dosaen feirmeoirí ag iarraidh an príomh dhuais a bhaint ar an gclár – Landrover Discovery agus beidh orthu go leor tascanna feirmeoireachta a chur i gcrich le féachaint cé acu an feirmeoir leis an ‘feirm factor’. 

Beidh an chéad chlár á chraoladh an oíche anocht ar TG4 ag 9.30in.

Dáimh Scoil Mhúscraí: Gael na nGael, An Suibhneach Meann, Dómhnall Ó Ceocháin agus eile

Is mír é seo ó chlár de chuid RTÉ Raidió na Gaeltachta a craoladh Dé Domhnaigh mar chomóradh ar Dháimhscoil Mhúscraí Uí Fhloinn.  Aindrias  O Gallchóir a chur an clár i láthair, tuairisc ar Dháimhscoil Mhúscraí i 1959 maraon le sliochtaí ó chuirí agus ceisteanna a cuireadh sna blianta roimhe sin.   

Cloistear glórtha ón sean ré, glórtha An Suibhneach Meann – Pádraig Mac Suibhne, Gaedhal na nGaedhal, Dómhall O Ceocháin, Seán Eoin O Suilleabháin agus Peadar O Liatháin. 

Sa bhlian 1959 atá an Dáimhscoil seo suite – agus cloistear glór ann atá fós linn.  Is é sin glór Pheadair Uí Liatháin a bhí  ina Chléireach i 1959 nuair a bhí sna 20í.  Nuair a thionólfar an Dáimhscoil Dé Satharn seo chughainn in Ostán Ghobnatan, beidh a ghlór le clos aris agus é fós ag cur na ceiste…

I 1959 bhí siad ag caint ar an Sputnik – i mbliana tá an cheist dírithe ar an mbealach a chaitheann rialtais is bainc ár gcuid airgid.