Tags » Disaster News

भारतमा पहिरोले पुरिएर एक नेपालीको मृत्यु, एक घाइते

भारतमा पहिरोले पुरिएर एक नेपालीको मृत्यु भएको छ भने एक घाइते भएका छन्।

पिथौरागढ जिल्लाको पाङ्गला बयालघारमा पहिरोले पुरिएर बैतडीका सोभानसिंह बोहराको मृत्यु भएको प्रहरीले जनाएको छ।

घाइते हुनेमा बेलापुर–९ डडेल्धुराका राजेश खड्का रहेको भारतीय प्रहरीलाई उद्धृत गर्दै जिल्ला प्रहरी कार्यालय दार्चुलाले जनाएको छ।

भारतीय व्यापारी सुरेन्द्रसिंह बोहराको सामान लगेर मालपा जाँदै गरेको अवस्थामा दार्चुला सदरमुकामसँगै रहेको दार्चुलाबाट ३२ किलोमिटरको दुरीमा रहेको बयालघारमा माथिबाट पहिरो आएर उनीसँगै अन्य भारतीय पाँचजनाको पनि मृत्यु भएको छ।

भारतीय पक्षले कालापानीसम्म डोबल सडक विस्तार गरिरहेकाले केही वर्षदेखि त्यहाँ नियमित पहिरो आउने गरेको छ। दार्चुला तथा बैतडीका धेरै नेपालीहरु आफ्नो गुजारा चलाउनका लागि भारतीय व्यापारी तथा सेनाको सामान ढुवानी गर्ने गर्छन्। रासस

Disaster News

विमान बंगलादेशको विमानको चक्कामा आगो लाग्यो, यात्रु सकुशल काठमाडौं, साउन १२(सेतोपाटी)

त्रिभुवन अन्तराष्ट्रिय विमानस्थलमा अवतरणका क्रममा विमान बंगलादेशको विमान विमान बंगलादेशमा आगलागी भएको छ।
विमानको पछाडिको दायाँ चक्कामा आगो लागेको प्रहरीले जनाएको छ। अग्नी नियन्त्रण टोलीले विमानमा लागेको आगो तत्काल नियन्त्रणमा लिएकाले कुनै क्षति नभएको प्रहरीले जनाएको छ।
विमानमा सवार सबै यात्रु सकुशल छन् ।
ढाकाबाट आएको प्लाटइ नम्बर बी ए ७०१ विमान अवतरण गर्ने क्रममा दिउँसो १ बजेर ५४ मिनेटमा विमानस्थलमा आगलागी भएको हो।

ल्यान्ड गर्ने क्रममा फोर्स बढी भएका कारण विमानबाट धुवाँ आएको अग्नि नियन्त्रकहरुले निभाइहालेका कारण दुर्घटना हुनबाट जोगिएको विमानस्थलका कायमुकायम उपमहानिर्देशक वीरेन्द्रप्रसाद श्रेष्ठले जानकारी दिए।

उनका अनुसार विमानमा रहेका सबै यात्रु सकुशल रहेका छन्। विमानमा कति यात्रु थिए भन्ने बारेमा केही खुल्न सकेको छैन्। श्रेष्ठका अनुसार विमान अहिले ग्राउन्डेड भएको छ। भोलि बंगलादेशबाट प्राविधिकहरु आएर विमान मर्ममत संभार गर्ने उनले बताए ।

जहाज धावनमार्गमा कुदिरहँदा टायरमा आगो देखिएको थियो।

Disaster News

भूकम्प प्रतिरोधात्मक तरिका नअपनाए होटलमा विदेशी पर्यटक नआउन सक्छन्

यदि तपाइँ कुनै होटलका लागि भवन निर्माण गर्दै हुनुहुन्छ ? भवनका लागि भूकम्प प्रतिरोधात्मक तरिका अपनाउन तपाइँले ध्यान दिनुभएको छ ? यदि ध्यान दिनुभएको छैन भने विदेशी पर्यटक तपाइँको होटलमा नआउन सक्छन् ।
नेपालमा भित्रिने विदेशी पर्यटक सुविधासम्पन्न साथै आफूले बुक गरेको होटल भूकम्प प्रतिरोधात्मक छ कि छैन भन्ने कुरा पनि हेर्न थालेका छन् । नेपालका ठूला होटलहरू याक एण्ड एती, एभरेस्ट, हायात, ‍र्‍याडिसनलगायतका होटल भूकम्प प्रतिरोधात्मक क्षमता भएका हुनाले त्यहाँ विदेशी पर्यटकहरू पनि बस्न रुचाउने गरेको भूकम्प प्रविधि राष्ट्रिय समाज–नेपाल (एनसेट) ले जनाएको छ ।

नेपाल भूकम्प जोखिमको दृष्टिकोणले विश्वको ११ औँ स्थानमा छ । त्यसमा पनि राजधानी काठमाडौँ भूकम्पीय जोखिमको हिसाबले सबैभन्दा बढी जोखिम मानिएको छ । काठमाडौँमा झन्डै ५० लाख मानिसको बसोबास रहेको छ । । अहिले काठमाडौँमा भएका होटलमा ४० प्रतिशत मात्रै भूकम्प प्रतिरोधात्मक छन् ।

“पाहुनालाई सुरक्षा दिनु होटल व्यवसायीको धर्म हो”, भोजनगृहका सञ्चालक भरत बस्नेतले भने, “भूकम्प आएको बेलामा होटलमा आएका पाहुनाको जीउ, धनको संरक्षण गर्नुपर्छ ।” पाँचतारे होटलदेखि लिएर स–साना होटल पनि भूकम्प प्रतिरोधात्मक तरिकाले बनाउनुपर्छ भन्नेमा उनी सहमत छन् ।

“होटल बनाउन लगानी धेरै गर्नुपर्छ, लगानी गरेपछि भूकम्प प्रतिरोधात्मक तरिकाले नै बनाउँदा राम्रो हुन्छ,” होटल व्यवसायी सङ्घका महासचिव तथा एयरपोर्ट होटलका सञ्चालक विनायक शाहले आफ्नो होटल बनाउँदाको अनुभव सुनाए ।

विदेशी पर्यटक नेपाल आउँदा आफू बस्ने होटल भूकम्प प्रतिरोधात्मक प्रमाणपत्र छ कि छैन भनेर हेर्ने गरेको समेत उनले बताए
एनसेट नेपालका कार्यकारी निर्देशक डा आमोदमणि दीक्षितले होटलको भवन भूकम्प प्रतिरोधात्मक तरिकाले निर्माण गरेर, भूकम्प गइरहेको बेलामा पनि आफ्नो व्यवसाय राम्ररी चलाउन सक्नुपर्छ भने ।
उनले नेपालमा ७० देखि ८० वर्षको बीचमा ठूलो भूकम्प जाने गरेको र यसबारेमा होटल व्यवसायीहरु पनि सचेत रहन आग्रह गरे ।

भूकम्प प्रतिरोधात्मक होटलको भवन भएमा भूकम्प आउँदाको तयारी गरी होटलका पाहुनालाई सेवा प्रदान गर्न सकिन्छ । जुन कुरामा होटल व्यवसायीहरूले ध्यान दिनुपर्छ ।
गाउँ–घरमा भूकम्प जाँदा सर्पले आफ्नो स्थान छोडेर जान्छ । चराहरू कराउँछन् । कुकुर भुक्छ । घोडा हिनहिनाउँछन् । काग कराउँछन् भन्ने खालको विश्वास छ । तर अहिलेसम्म प्रयोग गर्न सकिने खालका भूकम्पको लक्षण दिने खालको वैज्ञानिक खोज हुन सकेको छैन । रासस

Disaster News