Tags » Ethiopians

የአውሮፓ ኅብረት ሰብዓዊ መብት ኮሚቴ አንዳርጋቸው ጽጌ የተያዙት ዓለም አቀፍ ሕግ ተጥሶ ነው አለ

‹‹ምንም የሕግ ጥሰት አልተፈጸመም በእስር ላይም ሰብዓዊ መብታቸው እንደተጠበቀ ነው›› የኢትዮጵያ መንግሥት

የአውሮፓ ኅብረት የሰብዓዊ መብት ንዑስ ኮሚቴ ባለፈው ሳምንት ረቡዕ በብራሰልስ ባካሄደው ጉባዔ፣ ኢትዮጵያ ዓለም አቀፍ ሕግ ጥሳ የእንግሊዝ ዜግነት ያላቸውን አቶ አንዳርጋቸው ጽጌን አግታለች ሲል ወቀሰ፡፡

በውይይቱ ላይ የተገኙት የኢትዮጵያ የአውሮፓ ኅብረት ዲፕሎማት ግን ወቀሳውን አጣጥለውታል፡፡

የአውሮፓ ኅብረት የአቶ አንዳርጋቸውን መያዝ ተከትሎ ወደ ኢትዮጵያ አጣሪ ቡድን ልኮ የነበረ ሲሆን፣ የዚህ ቡድን ሰብሳቢ ባለፈው ረቡዕ በነበረው የኅብረቱ ንዑስ ኮሚቴ ስብሰባ ላይ ሪፖርታቸውን አቅርበዋል፡፡

የአቶ አንዳርጋቸውን ጉዳይ ላለፉት ሦስት ወራት ሲከታተሉት እንደነበር የተናገሩት የኅብረቱ ተወካይ፣ ግለሰቡ በሕጋዊ መንገድ ከተባበሩት ዓረብ ኤምሬትስ ወደ ኤርትራ በመጓዝ ላይ እንደነበሩና በየመን ሰንዓ አውሮፕላን ማረፊያ በነበራቸው ትራንዚት መያዛቸውን አስረድተዋል፡፡

ለሁለት ሙሉ ሳምንታት እስከ ሰኔ 30 ቀን 2006 ዓ.ም. አቶ አንዳርጋቸው የት እንዳሉ የእንግሊዝ መንግሥትም ሆነ ቤተሰቦቻቸው እንደማያውቁ፣ ከዚያ በኋላ ግን የኢትዮጵያ መንግሥት ግለሰቡን በቁጥጥር ሥር እንዳዋላቸው ይፋ አድርጓል በማለት ለኅብረቱ ንዑስ ኮሚቴ አስረድተዋል፡፡

አቶ አንዳርጋቸው በኢትዮጵያ በቁጥጥር ሥር እንደሚገኙ የኢትዮጵያ መንግሥት ቢገልጽም፣ የት እስር ቤት እንደሚገኙ ለቤተሰቦቻቸውም ሆነ ለእንግሊዝ መንግሥት እንዳላሳወቀ የተናገሩት ተወካይዋ፣ ባለፉት ሦስት ወራት ውስጥ በኢትዮጵያ የእንግሊዝ አምባሳደር አንድ ጊዜ ብቻ እንደጐበኟቸው ጠቁመዋል፡፡

‹‹አቶ አንዳርጋቸው በአሁኑ ወቅት መሠረታዊ የሆኑትን ሰብዓዊ መብቶቹን ተነፍጓል፡፡ የኤምባሲ ካውንስለሮች እንዲጐበኙት አይፈቀድም፡፡ ቤተሰቦቹ፣ የሕግ አማካሪዎችም ሆነ ገለልተኛ የሕክምና አገልግሎትም አልተፈቀደለትም፤›› ሲሉ ተወካይዋ በሪፖርታቸው ገልጸዋል፡፡

በሰኔና በሐምሌ ወራት ውስጥ አቶ አንዳርጋቸው በኢትዮጵያ ቴሌቪዥን ለሁለት ጊዜ መቅረባቸውን የሚያስረዱት የአውሮፓ ኅብረት ተወካይዋ፣ ቪዲዮዎቹ ኤዲት የተደረጉ ቢሆንም አቶ አንዳርጋቸው በጥሩ የጤንነት ሁኔታ ላይ እንዳልሆኑ ለመገመት እንደሚቻል ገልጸዋል፡፡

ሁለቱንም ቪዲዮዎች የእንግሊዝ የአዕምሮ ሕክምና ባለሙያዎች (ሳይካትሪስቶች) በመመልከት ግምገማ እንዳደረጉና የአቶ አንዳርጋቸው የአዕምሮ ሁኔታ እየተበላሸ ነው የሚል ድምዳሜ ላይ መድረሳቸውን ተወካይዋ ገልጸዋል፡፡ ‹‹ለእንደዚህ ዓይነት የአዕምሮ ሁኔታ መቃወስ በእስር ቤት እየተፈጸመበት ያለ ግርፋት (ቶርቸር) ሊሆን እንደሚችል ባለሙያዎቹ ገምተዋል፤›› ብለዋል፡፡

ሪፖርቱን ለኅብረቱ ንዑስ ኮሚቴ ያቀረቡት ተወካይ ከላይ የተጠቀሱት ሐሳቦች ሙሉ በሙሉ በመረጃ ላይ የተመሠረቱ እንዳልሆኑ፣ ለዚህም ምክንያቱ አቶ አንዳርጋቸውን ለማግኘት ባለመቻሉ ነው ብለዋል፡፡

አቶ አንዳርጋቸው በሌሉበት ከዚህ ቀደም በኢትዮጵያ ፍርድ ቤት የሞት ቅጣት የተወሰነባቸው በመሆኑ፣ የእንግሊዝ መንግሥትን እንዳሳሰበውና በዚህ ረገድም የኢትዮጵያ መንግሥትን ቢጠይቅም ምንም ዓይነት ማስተማመኛ አለመስጠቱን አስረድተዋል፡፡

‹‹በመሆኑም አቶ አንዳርጋቸው የኢትዮጵያ መንግሥት በፈጸመበት እገታና ሕግን ያልጠበቀ እስር ጉዳት እየደረሰበት ነው፤›› ብለዋል፡፡ የአውሮፓ ኅብረት አቶ አንዳርጋቸው ጽጌ የሚለቀቁበትንና ከቤተሰቦቻቸው ጋር የሚቀላቀሉበትን ሁኔታ ለማመቻቸት ከእንግሊዝ መንግሥት ጋር ተባብሮ እየሠራ ቢሆንም፣ የኢትዮጵያ መንግሥት የመተባበርና የሚቀርቡለትን ጥያቄዎች በመመለስ ረገድ ቸልተኛ ሆኗል ሲሉ ተችተዋል፡፡

በዚህ የኅብረቱ የሰብዓዊ መብት ንዑስ ኮሚቴ ጉባዔ ላይ በ1997 ዓ.ም. የአውሮፓ ኅብረት የኢትዮጵያ ምርጫ ታዛቢ ቡድን መሪ የነበሩት አና ጐሜዝ ተገኝተው፣ በከፍተኛ ተቃውሞ የኢትዮጵያ መንግሥትን የሰብዓዊ መብት አያያዝ ሲወቅሱ፣ እንዲሁም የአውሮፓ ኅብረት አባል አገሮች እንግሊዝን ጨምሮ በአቶ አንዳርጋቸው ጽጌ አያያዝ ላይ ቸልተኞች ናቸው ሲሉ በምሬት ሲናገሩ ተስተውለዋል፡፡

ኅብረቱ በጉባዔው ላይ በብራሰልስ የኢትዮጵያ ኤምባሲ ዲፕሎማቶችን በጋበዘው መሠረት አንድ ዲፕሎማት ተገኝተው ምላሽ ሰጥተዋል፡፡ በኢትዮጵያ ሕገ መንግሥት የዜጐች ሰብዓዊ መብት የተረጋገጠ መሆኑን በጠቅላላው ከገለጹ በኋላ ወደ አቶ አንዳርጋቸው ጉዳይ የገቡት ዲፕሎማቱ፣ አቶ አንዳርጋቸው የኢትዮጵያን ሕገ መንግሥታዊ ሥርዓት ለማፍረስና መንግሥትን ለመገርሰስ እየተንቀሳቀሱ መሆኑን በግልጽ ያወጁና ለተመለመሉ ቡድኖች በኤርትራ ወታደራዊ ሥልጠና እየሰጡ እንደሚገኙ ገልጸዋል፡፡

‹‹አቶ አንዳርጋቸው የሚመራው ግንቦት 7 በኢትዮጵያም ሆነ በውጭ የሚገኙ የኢትዮጵያ መንግሥት ተቋማትን እንደሚያጠቃ በቅርቡ ገልጿል፡፡ አቶ አንዳርጋቸው የእንግሊዝ ዜግነት ቢኖረውም የኢትዮጵያን መንግሥት ለመናድና መንግሥትን ለማውረድ ወታደሮችን በኤርትራ እያሠለጠነ ነው፤›› ብለዋል፡፡

‹‹በመሆኑም ይህ ግለሰብ ወደ ኤርትራ ለመግባት የመን ላይ ትራንዚት ሲያደርግ ኢትዮጵያና የመን ባላቸው ስምምነት መሠረት በድኅንነት ሠራተኞች ተይዞ በዕለቱ ለኢትዮጵያ ተላልፎ ተሰጥቷል፡፡ ስለዚህ ምንም የተፈጸመ የሕግ ጥሰት የለም፤›› በማለት ድርጊቱን አስረድተዋል፡፡

አቶ አንዳርጋቸው በጥሩ ሁኔታ ላይ እንደሚገኙ የገለጹት ዲፕሎማቱ፣ በቪየና ኮንቬንሽን መሠረትም በእንግሊዝ መንግሥት ጥያቄ የኮንስለር ጉብኝት መፈቀዱን ተናግረዋል፡፡ አቶ አንዳርጋቸው በኢትዮጵያ ቴሌቪዥን የቀረቡትም በራሳቸው ፍላጐት መሆኑን የተናገሩት ዲፕሎማቱ፣ በአሁኑ ወቅትም ሰብዓዊ መብታቸው ተጠብቆ እንደተያዙ ገልጸዋል፡፡

ከዚህ ቀደም የሞት ፍርድ የተፈረደባቸው ቢሆንም አፈጻጸሙን የሚወስኑት የአገሪቱ ፕሬዚዳንት መሆናቸውን ገልጸዋል፡፡ ፕሬዚዳንት ዶ/ር ሙላቱ ተሾመ በ2007 ዓ.ም. መግቢያ ላይ ለታራሚዎች የሰጡትን ምሕረት አስመልክቶ በሰጡት ጋዜጣዊ መግለጫ፣ አቶ አንዳርጋቸው ማንኛውም ፍርደኛ የሚደረግለትን እንክብካቤ እያገኙ መሆኑን መግለጻቸውን መዘገባችን ይታወሳል፡፡

የአውሮፓ ኅብረት በአቶ አንዳርጋቸውና በሌሎች የኢትዮጵያ መንግሥት የሰብዓዊ መብት አያያዞች ላይ ተወያይቶ ከሁለት ወራት በኋላ የሚኖረውን ለውጥ ለመገምገም ስምምነት ላይ ደርሷል፡፡

Addis Ababa

ኢቦላም እንደ ኤች አይ ቪ…


የተባበሩት መንግስታት ድርጅት ቢያንስ 3 700 ያህል ሕጻናት በጊኒ፣ ላይቤሪያ እና ሴራሊዮን በኢቦላ ሳቢያ ወላጆቻቸውን እንዳጡ ገልጿል፡፡ ሁኔታውን አሳዛኝ ያደረገው ደግሞ ሕጻናቱ ጤነኛነታቸው ተረጋግጦ እንኳ በሽታውን ያጋቡብናል በሚል የተሳሳተ አመለካከት መገለላቸው ነው ብሏል ድርጅቱ፡፡

አንድ እንዲሁም ሁለቱንም ወላጆቻቸውን በኢበላ ሳቢያ ያጡት እነዚህ ሕጻናት እንክብካቤ ያሻቸዋል ብሏል ዩኒሴፍ፡፡

አንዳንዶቹ ወላጅ አልባ ሕጻናት ወላጆቻቸው በኢቦላ ሳቢያ በሞቱበት ሆስፒታል ውስጥ ያለተንከባካቢ በሀዘን ተቆራምደውና የሚያስጠጋቸው አጥተው መገኘታቸው እጅጉን አሳዛኝ ተብሏል፡፡

Addis Ababa

UNHCR: global humanitarian funding in 2013 at a record high of US$22 billion

 

የተባበሩት መንግስታት ድርጅት የስደተኞች ጉዳይ ከፍተኛ ኮምሽነር አንቶኒዮ ገተርስ በያዝነው የፈረንጆቹ ዓመት በዓለም ዙሪያ በተከሰቱ ግጭቶች ሳቢያ የተፈናቀሉትን 51.2 ሚሊየን ሰዎች ፍላጎት ለማሟላት ድርጅቱ እያዳገተው መምጣቱን ተናግረዋል፡፡

በዚህ ዓመት በተከሰቱ ግጭቶች ሳቢያ ከቤት ንብረታቸው የተፈናቀሉ ሰዎች ቁጥር 51.2 ሚሊየን መሆኑን አስመልክተው ክስተቱን ከሁለተኛው የዓለም ጦርነት በኋላ የተከሰተ ትልቅ ሰብዓዊ አደጋ ብለውታል፡፡

ከዚህ በፊት በተከሰቱት እና እስካሁንም መቋጫ ባላገኙት የአፍጋኒስታን፣ የዲሞክራቲክ ሪፐብሊክ ኮንጎ እና የሶማሊያ ግጭቶች ላይ የቅርብ ጊዜዎቹ የአፍሪካ እና የመካከለኛው ምስራቅ ግጭቶች ሲታከሉበት የድርጅቱ አቅም ከመጠን በላይ እንደተፈተነ ተናግረዋል ኮምሽነሩ፡፡

በአጠቃላይ ኮምሽነሩ ድርጅቱ እያገኘ ያለው የገንዘብ ድጋፍ እና የችግሩ መጠን ፈጽሞ አልተመጣጠነም ብለዋል፡፡

Addis Ababa

በህወሃት “የትግራይ ኩራት ተነክቷል” ባዮች አይለዋል

2014

የሰሞኑ የጠቅላይ ሚኒስትር ሃይለማርያም ደሳለኝ ካቢኔያቸውን “ከኋላ” አስከትለው ከፕሬዚዳንት ባራክ ኦባማ ያካሄዱት የፊት ለፊት ንግግር ያስደሰታቸውና ያስኮረፋቸው ክፍሎች አሉ። “በህወሃት መንደር ኢትዮጵያን በዓለም አቀፍ መድረክ የመወከል ባለጊዜው ህወሃት ነው። ህወሃት የኢትዮጵያ ምልክትና ተምሳሌት ነው” የሚሉት ወገኖች ቀደም ሲል ሲሰማ የነበረውን “የትግሬ ኩራት ተነክቷል” ስሜት በገሃድ ሲያንጸባርቁ ታይቷል።

አስገድደው ከሚመሩት ህዝብ ይልቅ ለውጪው ዓለም በመስገድና በማጎብደድ ወደር እንደሌላቸው የሚነገርረላቸው አቶ መለስ ሰሞኑን አቶ ሃይለማርያም ያገኙትን ዕድል አላገኙም። ከታላቋ አሜሪካ መሪ ጋር በግል የፊት ለፊት ወግ አላደረጉም። በተለያዩ መድረኮች ላይ በጅምላ ተገኝተው ከመጨባበጥና ውስን ቃላቶችን ሲለዋወጡ ከመታየቱ ውጪ ያላገኙትን ይህንን ዕድል አቶ ሃይለማርያም ማግኘታቸው ቅር ያሰኛቸው ክፍሎች “መለስ ከመሬት በታች ሆነው የዲፕሎማሲውን ስራ ሰርተው መድረኩን እንዳመቻቹ አስመስለው በተለያዩ መንገዶች መግለጻቸው የዚሁ የኩራታችን ተነካ ስሜት ነጸብራቅ ነው” የሚሉ ወገኖች አሉ።

ስብሰባው በኋይት ሃውስ እልፍኝ ወይም በተባበሩት መንግስታት ሳሎን ውስጥ አልነበረም የተካሄደው። ዓለምአቀፉ ሒልተን በሚያስተዳድረው የኒውዮርኩ ዋልዶርፍ አስቶሪያ ሆቴል አንድ ክፍል ውስጥ የአሜሪካ “ባንዲራ” እና የኢህአዴግ አርማ እንዲሰቀል ተደርጎ ንግግሩ መደረጉን ያወሱ ክፍሎች፣ ፕሬዚዳንት ኦባማ ምርጫ እየተቃረበ መሆኑንን ጠቁመው “የሲቪል ማኅበረሰቡ እንዴት መንቀሳቀስ እንዳለበት መታየት አለበት” በማለት ያነሱት ሃሳብ ከስብሰባው በላይ ሚዛን አንስቷል። ኢህአዴግ የመያዶች ህግ በሚል በማተም የዘጋውን የሲቪል ማኅበረሰቡን ተሳትፎ አስመልክቶ ኦባማ ማንሳታቸው ውሎ አድሮ የሚመነዘሩ ጉዳዮችን እንደሚያስነሳ አመላክቷል።

ውጭ ጉዳይ ሚኒስትር ቴድሮስ አድሃኖም በፌስቡካቸው የለጠፉት የዚሁ የሆቴል ክፍል ስብሰባ በርካታ አስተያየት ተሰንዝሮበታል። “ቀጣዩ ጠቅላይ ሚኒስትር አንተ መሆን አለብህ” ከሚሉት የስጋና የደም አስተያየት ጀምሮ የዚሁ የፊት ለፊት ንግግር የቀድሞው “ባለ ራዕይ” መሪ “ራዕይ” ፍሬ አጎምርቶ የመታየቱ ብስራት ተደርጎ ተወስዷል፤ ታምኗል። ክብሩና ታሪኩም ለመለስ መቃብርና አጽም ህይወት ማላበሻ የአበባ ጉንጉን በረከት ሆኖላቸዋል።

የመለስ ሞት ዱብዳ የሆነበት ህወሃት፣ ከዱብዳው ማግስት ጀምሮ መርዶውን ሚስጥር ያደረገው የርዕሰ መንበሩ ወንበር ለይስሙላም ቢሆን እንዳይወሰድ አስፈላጊውን ዝግጅት ለማድረግ እንደሆነ በወቅቱ ብዙ የተባለበት ጉዳይ ነው። የመለስን የጥድፊያ ሞት “የግፍ ዋጋ፣ የአምላክ ቅጣት” በማለት ጮቤ የረገጡ ቢኖሩም፣ በህወሃት መንደር ግን ዜናው መሬት የተደረመሰ ያህል ስሜታቸውን ያራደ፣ ከሞት ጋር እልህ የተጋቡ የሚመስሉ፣ በዚሁ እሳቤ መለስ ቢሞቱም ያሉ ለማስመሰል የተደረገውና እየተደረገ ያለው ግብ ግብ “አምልኮ መለስ” ማስረጃ እንደሆነ ብዙዎች ተችተዋል።

ከዩኒቨርሲቲ የዲንነት በርጩማቸው ጀምሮ የሚያውቋቸው ሃይለማርያምን “የቆረጣ አካሄድን የተካነ” ሲሉ ይገልጹዋቸዋል። የሲዳማን ብሄረሰብ ለማስደሰት ከክልል ፕሬዚዳንትነታቸው ተነስተው አቶ መለስ ኢህአዴግ ቢሮ የተዛወሩት ጠቅላይ ሚኒስትር ሃይለማርያም፣ በብሄር ውክልና ማመጣጠን ሰበብ ምክትል ጠ/ሚ ከመባላቸው ሌላ መለስ ቢሮ ለመጠጋት የሳቸው ሚና የለበትም። እንዳው አጋጣሚ ነው በሚል የሚከራከሩ ሃይለማርያም በኦባማ አስተዳደር ጫና ወንበሩን እንዲይዙ ከተደረገበት ጊዜ አንስቶ ህወሃቶች ውሳኔው “የትግሬዎችን ኩራት የነካ” መሆኑንን በመግለጻቸው በተደጋጋሚ መመከራቸውን ለጉዳዩ ቅርብ የሆኑ ዲፕሎማቶች ይገልጻሉ።

ጎልጉል ቅርብ የሆኑ የአሜሪካ ዲፕሎማት ሰሞኑን እንደጠቆሙት ህወሃቶች “በኩራታችን ተወሰደ” ስሜት ሃይለማርያም ደሳለኝን በቀጣዩ ምርጫ በራሳቸው ሰው ለመተካት እየሰሩ መሆናቸውን አመልክተዋል። በተለያዩ ሚዲያዎች ቴድሮስ አድሃኖም ቀጣዩ ጠ/ሚ/ር ይሆናሉ ስለመባሉ ለተጠየቁት “ቴድሮስ የግራውን መስመር የማያውቁ በመሆናቸው አምባገነን፣ ፈላጭ ቆራጭ መሪ ሊሆኑ አይችሉም፤ መስፈርቱን አያሟሉም በሚል ፈተናውን ሊያልፉ የማይችሉ ተደርገው ስለመወሰዳቸው መረጃው አለኝ” ብለዋል።

“የህወሃት የስለላው ማሽን” የሚባሉትና በፈላጭ ቆራጭነቱ አግባብ ግንባር ቀደም እንደሆኑ የሚነገርላቸው “ዶ/ር” ደብረጽዮን ሌላው እጩ ናቸው። ለመጀመሪያ ጊዜ ጎልጉል ስማቸውን ጠቅሶ ለጠ/ሚኒስትርነት ህወሃት ወደ ግንባር እያቀረባቸው መሆኑንን መግለጹ አይዘነጋም። የመረጃችን ምንጭ የሆኑት እኚሁ ዲፕሎማት፣ “ዶ/ር” ደብረጽዮን አምባገነንና ፈላጭ ቆራጭ በመሆን መስፈርቱን የሚያሟሉ ቢሆኑም ዓለምአቀፍ እውቅና የሌላቸውና ለዚያ የሚበቁ እንደማይሆኑ በራሳቸው በህወሃት ሰዎች መታመኑን ጠቁመዋል።

በቀጣዩ ምርጫ ህወሃቶች ዋናውን “የኢትዮጵያ ውክልና” የሚባለውን ወንበር መልሶ የመያዝ እቅድ እንዳላቸው በቂ መረጃ አሜሪካ እንዳላት የጠቆሙት ዲፕሎማት፣ ከህወሃት ቁልፍ ሰዎች መካከል ሃይለማርያም ደሳለኝ ምክንያት ተፈጥሮ በቀጣዩ ምርጫ እንዳይወዳደሩ የማድረግ ዕቅድ ስለመኖሩ መስማታቸውን ጠቁመዋል። “ለጊዜው መረጃው ጥሬ ነው” ሲሉም ዝርዝር ውስጥ ለመግባት እንደማይችሉ አመልክተዋል።

የመለስ ሞት ይፋ በሆነበት ቅጽበት አቶ ሃይለማርያምን ከህወሃት እውቅና ውጪ ያነገሱት በረከት ስምዖን “የወንበሩ የወቅቱ ባለንብረት ህወሃት ነው” በሚሉት ክፍሎች ጥርስ ተነክሶባቸው እንደነበር ምንጭ እየጠቀሱ በርካታ ሚዲያዎች መዘገባቸው አይዘነጋም። በመተካካት ከኢህአዴግ መንበር ይወገዳሉ ወይም ተወግደዋል የሚባሉት አንጋፋ የድርጅቱ መሪዎች ጥላቸውና እጃቸው መዋቅሩን ነክሶ በመያዙ አሁንም በቀጣዩ ምርጫ የሃይለማርያም ጉዳይ በነዚሁ ሰዎች እጅ እንደሆነ የሚጠቁሙ አሉ።

Addis Ababa

14ቱ የሰማያዊ አመራሮችና አባላት ለጥቅምት 3 ቀጠሮ ተሰጠባቸው

ሰማያዊ ፓርቲ ሚያዚያ 19 ቀን 2006 ዓ.ም በአዲስ አበባ ሰላማዊ ሰልፍ ባደረገበት ወቅት ሰላማዊ ሰልፉን በተመለከተ በራሪ ወረቀት ሲበትኑ በቁጥጥር ስር ውለው በየካ ፖሊስ ጣቢያ በነበሩበት ወቅት ጣቢያ ውስጥ ደንብ ተላልፋችኋል በሚል በቀበና ፍርድ ቤት ክስ የተመሰረተባቸው 14 የፓርቲው አመራሮችና አባላት ለጥቅምት 3 ቀን 2007 ዓ.ም የቀረበባቸውን ክስ ይከላከሉ ወይስ አይከላከሉ በሚል ውሳኔ ለመስጠት ቀጠሮ ተስጥቷል፡፡

አቃቢ ህግ 14ቱ የፓርቲው አባላት በፖሊስ ጣቢያ እያሉ ‹ፍትህ የለም›፣ ‹ዴሞክራሲ የለም›፣…በማለት ጮክ ብለው ድምጻቸውን በማሰማት የጣቢያውን ደንብ እንደተላለፉ በክሱ ላይ ተመልከቷል፡፡

በሌላ በኩል በሽብርተኝነት ተጠርጥረው በእስር ላይ የሚገኙት የሰማያዊ ፓርቲ ብሄራዊ ምክር ቤት ምክትል ሰብሳቢ አቶ የሺዋስ አሰፋን ጨምሮ የአንድነትና የአረና ፓርቲዎች አመራሮች ሀሙስ መስከረም 22 ቀን 2007 ዓ.ም በአራዳ ምድብ ችሎት ይቀርባሉ፡፡ በቀጣዩ ቀን መስከረም 23 ቀን ደግሞ የሰማያዊ አርባ ምንጭ አመራሮች በተመሳሳይ ችሎት እንደሚቀርቡ ይጠበቃል፡፡

Addis Ababa

ህወሃቶች “አቅም ግንባታ” የሚሉት፤ እኛ ደግሞ “አቅም አድክም” የምንለው ሂደት

ህወሃት የመምህራንን፤ የከፍተኛ ትምህርት ተቋማት ተማሪዎችንና የመንግስት ሠራተኞችን ”አቅም እገነባለው” ብሎ ተነስቷል። ለዚህ “አቅም ግንባታ” እያሉ ለሚጠሩት አሰለቺ እና አደንቋሪ አቅም አድክም ፕሮፖጋንዳ እየወጣ ያለው ወጪ ለሌላ ተግባር ውሎ ቢሆን ኑሮ የተሻለ ይሆን ነበር። የተሻለ ነገር በህወሃቶች መንደር ይሠራል ብሎ መጠበቅ ግን ሞኝነት ነው። ህወሃት የተፈጠረው አገርን ለማፍረሰና ህዝብን ለማስጨነቅ እንጂ የተሻለ ሥራ ሠርቶ ህዝብን ለማስደስት አይደለም።

ህወሃቶች በአፍቅሮተ ንዋይ አብደው አቅላቸውን የሳቱ፤ ለእውቀትና ከእነርሱ በተሻለ ደረጃ ለሚያውቅ ቅንጣትም ታክል ክብር የሌላቸው፤ ውሸት የመኖሪያቸው ድንኳን ሁኖ ለብዙ ዘመን ያኖራቸው ቡድኖች ናቸው። በዚህ ሁኔታ ራሳቸውን የገነቡ ቡድኖች የሌሎችን አቅም እንገነባለን ብለው የመነሳታቸው ነገር አገራችን የገባችበትን የውርደት አዘቀት ፍንትው አድርጎ የሚያሳየን ነው።

የንዋይ ፍቅር የክፋቶች ሁሉ መሠረት ነው። ህወሃቶች በዚህ በክፋት ሁሉ መሠረት በሆነው በንዋይ ፍቅር ያበዱ በመሆናቸው ህወሃቶችን ከክፋት፤ ክፋትን ደግሞ ከህወሃት ለይቶ ለማየት የማይቻልበት ደረጃ ላይ ተደርሷል። እነዚህ ቡድኖች በአፍቅሮተ ነዋይ አብደው ለእብደታቸውም መድሃኒት ጠፍቶ እኛ ከሌለን አገሪቷን እንበትናታለን በሚል ቅዥት ውስጥ እንደሚኖሩም የታወቀ ነው። ህወሃቶች ገንዘብ ሊያሰገኝ የሚችለውን ማንኛውንም ዓይነት ወንጀል ለመፈፀም የሚያቅማሙ አይደሉም። ህዝቡን በሙሉ በገንዘብ የሚገዛ ቢያገኙ ህዝቡን በሙሉ ለመሸጥ ወደ ኋላ ይላሉ ብሎ ማሰብም አይቻልም። ይህን በመሰለ የሞራል ውደቀት ውስጥ የሚገኙ ህወሃቶች የህዝቡን አቅም እንገነባለን ሲሉ ትንሽም አለማፈራቸው አገራችን ከደረሰችባቸው የሞራል ውደቀቶች መካከል አንዱ ሁኖ ሊጠቀስ የሚችል ዓቢይ ጉዳይ ነው።

ህወሃቶች ለእውቀትና ከእነርሱ በተሻለ ደረጃ ማሰብ ለሚችል ሰው ያላቸው ጥላቻ ወደር የለውም። ለዚህም ነው ከእነርሱ መካከል ይሄ ነው ተብሎ ሊጠቀስ የሚችል የተመሰገን የተማረ ሰው የማይገኘው። ለህወሃቶች የተማረ ማለት ሲጠሩት አቤት ሲልኩት ወዴት እያለ ለሆዱ ያደረ እንጂ ለአገሬ፤ ለህዝቤ፤ ለወገኔ ምን በጎ ተግባር ልፈፀም የሚል አስተሳሰብ ያለው ሰው አይደለም። የህወሃቶች ዋነኛው ችግር የተማረ ሰው መጥላታቸው ብቻ ሳይሆን ሁሉንም እኛ እናውቃለን ማለታቸውም ጭምር ነው።ሁሉን እኔ አውቃለሁ ማለት ደግሞ የድንቁርና ታላቅ ምልክት ነው። ከዚህ ድንቁርና ራሱን ማላቀቅ ያልቻለ ቡድን የዜጎችን አቅም እገነባለው ብሎ መነሳቱ ከአስገራሚ በላይ ሁኖብናል።

ውሸት ጥሩ ነገር እንዳልሆነ ከህወሃቶች በቀር ሌላው ሁሉ የሚስማማበት ነገር ነው። ህወሃቶች ግን ውሸትን እንደ ታላቅ የትግል ስትራቴጂ ይቆጥሩታል።ህወሃቶች በግለሰብ ደረጃ ሳይሆን በአገር ደረጃ ሲዋሹ ቅንጣት ታክል እፍረት አይሰማቸውም። እንዲያውም ውሸታቸውን እውነት እንደሆነ አድርገው ያምናሉ። ለምሳሌ ኢኮኖሚው ከ11% በላይ አድጓል ይላሉ። ይሄ አሃዝ እውነት እንዳልሆነ ይታወቃል። ህወሃቶችና የሰበሰቧቸው ኮተታም ካድሬዎች ይሄን ውሸት እውነት ነው ብለው ያምናሉ። በአጠቃላይ ህወሃቶች ስለራሳቸውም ሆነ ስለሚገዙት ህዝብ እውነቱን መናገር ሞኝነት ነው የሚል ፅኑ ዕምነት አላቸው። ይሄን ከመሰለ ፅኑ ደዌ ራሳቸውን ማላቀቅ ያልቻሉ ደካሞች የሌላውን አቅም እንገነባለን ሲሉ አለማፈራቸው ያሳፍራል።

የሰሞኑ አቅም ግንባታ ብለው የሚጠሩት ግርግር ዓላማው እና ግቡ በተሻለ ደረጃ ማሰብ የሚችሉ ዜጎች ልዩ ልዩ አማራጮችን ማየት አቁመው አካሄዳቸውን በሞራልም ሆነ በእውቀት ውዳቂ ከሆነው ከህወሃት ጋር እንዲያደርጉ ለማድረግ ነው። ብዙ ኮተታም ካድሬዎቻቸው ለራሳቸው እንኳ የማይገባቸውን አብዮታዊ ድሞክራሲ የሚባለውን ፍልስፍና አዘረክርከው ይዘው በተማሪዎችና በመምህራን ፊት ያለምንም ዕፍረት ተጎልተው እየዋሉ ነው። እነዚህ ቡድኖች ከእነርሱ በተሻለ ደረጃ የሚያስብውን ኃይል መፍራት ብቻ ሳይሆን ሥር የሠደደ ጥላቻም አላቸው። በዚህ በሚፈሩትና በሚጠሉት ዜጋ መሃል ተገኝተው ለሚጠየቁት ጥያቄ መልስ መስጠት ሲገባቸው ማስፈራራት ዛቻ እና ስድብን የመልሳቸው ማሳረጊያ አድርገውታል።

በመሠረቱ አቅም ግንባታ ሲባል ዜጎች ራሳቸውንም ሆነ አገራቸውን ወደ ተሻለ ደረጃ ሊያደርሱ የሚችሉበትን ሁኔታ በራሳቸው ማመቻቸት የሚችሉበትን አስተሳሰብ እንዲያሳድጉ የሚያስችል ነው። አቅም የሚገነባው የዜጎችን የመጠየቅ እና የመመራመር ችሎታ አዳብሮ የተሻለ አማራጭ እንዲያፈልቁ እንጂ መንግስት የሚለውን ብቻ አምነው እንዲቀበሉ ለማድረግ አልነበረም። የህወሃቶች አቅም ግንባታ ግን ዜጎች ማሰብ አቁመው መጠየቅንም ፈርተው ምንሊክ ቤተ-መግስት ውስጥ ከተተከሉት ዛፎች እንደ አንዱ ሁነው እንዲኖሩ ለማድረግ ነው። እነዚያ ዛፎች መጥረቢያውን ሥሎ ሊገነድሳቸው ለሚያንዥብበው ዛፍ ቆራጭ ገንድሶ እሰከሚጥላቸው ድረስ ጥላ ይሆኑታል። ያ መጥረቢያውን ስሎ የተከለላቸው ሰው ጠላታቸው መሆኑን የማወቅ አቅም ግን የላቸውም። የህወሃቶች የአቅም ግንባታ ግቡ ዜጎች እንደ ዛፉ እንዳያስቡ እና ጠላትን ከወዳጅ የሚለዩበትን አቅም ማዳከም ነው።

ህወሃቶች ከ11% በላይ አድገናል ይላሉ። እደገቱ እውነት ከሆነ ለምን እንራባለን? ለምንስ ዜጎች ስደትን ይመርጣሉ? ለምንስ የጨው፤ የሳሙና፤ የስኳር፤ የቲማቲም እና የሽንኩርት ዋጋ የማይቀመስ ሆነ? ብሎ የሚጠይቅ ዜጋ ጠፍቶ፤ የውሸቱን የ11% እድገት ተቀብሎ የሚኖር ዜጋ የመፍጠር ብርቱ ቅዥት አላቸው።በዚህ ቅዥት ውስጥ እንዳይኖሩ የሚያጋድቸው የለም፤ ውሸታቸውንም አምኖ መኖር የእነርሱ ችግር ነው። የእነርሱ ውሸት አምኖ መኖር አገር የሚያፍረሰው እና ዜጎችን የሚያሰጨንቀው የእኛን ውሸት እመኑ ብለው ወደ ማስገደድ ደረጃ ሲደርሱ ነው። አሁንም እያደረጉ ያሉት ይሄንኑ ነው። የመንግስት ሠራተኞች፤ መምህራንና ተማሪዎች ተገደው የህወሃቶችንን ውሸት እየተጋቱት ይገኛሉ። ኢትዮጵያዊያን ህወሃቶችን ማመን ካቆሙ ብዙ ዘመን ተቆጥሯል። ህወሃቶች በእንግሊዘኛው “ፓቶሎጂካል ላየርስ” ተብለው የታወቁ ናቸው። ይሄ ደግሞ በሽታ ነው። የህወሃቶች ውሽት ወደ በሽታ የተሸጋገረ ስለሆነ በማንኛውም መድረክና ሁኔታ የሚናገሩትን ማመን አይቻልም።ለምሳሌ የአዜብን ስታይል እንመልከት በስልክ ከጋዜጠኛ ሲሳይ አጌና ጋር ስትነጋገር መጀመሪያ “አዎን እኔ አዜብ ነኝ” አለች ከአንድ ደቂቃ በኋላ ተመልሳ ደግሞ “አይ እኔ አዜብ አይደለሁም“ አለች። ይሄ እንግዲህ ውሸት ወደ በሽታ ተሸጋግሮባቸው የመኖሪያቸው ድንኳን መሆኑን ያሰየናል። እንግዲህ ዜጎች የህወሃቶችን ውሸት አንሰማም፤የእናንተንም አቅም ግንባታ አንፈልግም ማለት የሚችሉበት አገር የላቸውም። ዜጎች ይሄን እሰማለሁ፤ ያንን ደግሞ መስማት አልፈልግም የሚባል መብታቸው በህወሃቶች ተገፏል። ይህ የዜጎችን የመምረጥ መብት የገፈፈ ገዥ ቡድን እያደረገ ያለው የዜጎችን አቅም ማዳከም እንጂ የዜጎችን አቅም መገንባት አይደለም።አቅም በግዴታ አይገነባምና።

ህወሃቶች የሙስና ምንጮች መሆናቸው የታወቀ ነው።ከህወሃት መንደር ከሌብነት የፀዳ ባለስልጣን አይገኝም።ሁሉም ሌቦች፤ ሁሉም ሥነ-ምግባር የጎደላቸው ሰው ምን ይለኛልን የማያውቁ ናቸው። እነዚህ ቡድኖች የሚፈፅሙትን ሙስና ማስቆም አገሪቷ ከገጠሟት ፈተናዎች መካከል አንዱ ቢሆንም መቆም ይኖርበታል። ይሄን ሙስና የማስቆም ኃላፊነት ከህወሃቶች እና ከኮተታም ካደሬዎቻቸው ውጪ ያሉ ዜጎችን ሁሉ ትብብር የሚጠይቅ ነው። በዚህ ረገድ መምህራኑና ተማሪዎች ለህወሃቶች ያነሷቸው ጥያቄዎች ተጠናክረው መቀጠል ይኖርባቸዋል። ህወሃቶች በሙስና መጨማለቃቸውን ከሌቦቹ ህወሃቶች በቀር ሁሉም ያውቃል። ህወሃቶች ከእንቅልፋቸው ሲነቁ በሚሊዮን የሚቆጠር ሃብት በእጃቸው ሲገባ የትግሌ ውጤት ይላሉ እንጂ ሰርቄ ነው የሚል አስተሳሰብ በአእምሯቸው ዝር አይልም። የህወሃቶች ትልቁ ችግር የሚፈፅሙትን ዝሪፊያ ሁሉ የትግላችን ውጤት ነው ይገባናል ብለው ከልባቸው ማመናቸው ነው። በዚህ ዓይነት አስተሳሰብ የተቃኘ ቡድን የዜጎችን አቅም ለመገንባት በሚል እያካሄደ ያለው አደንቋሪ ስልጠና ተብየው የዜጎችን አቅም ያዳክም እንደሆነ እንጂ በምንም መሠፍረት የማንንም አቅም አይገነባም።

እነዚህ ቡድኖች ያለ ምንም ዕፍረት ሙስናን እንታገላለን ይላሉ። በሙስና የተጨማለቁ ባላስልጣናት ሙስናን እንዋጋለን ብለው በድፍረት ሲናገሩም ይደመጣል።በሙስና የተዘፈቁ ባላስልጣናት መኖራቸው እየታወቀ ለምን ህግ ፊት አይቀርቡም ተብለው ሲጠየቁ መልስ የላቸውም። ኢታማዦር ሹሙ ሳሞራ የኑስ ዋና ሌባ መሆኑ ይታወቃል፤ በዘረፈው የህዝብ ሃብት የባንክ ቤት ባለድርሻ እሰከመሆን ደርሷል። መላኩ ፈንቴን እንዲታሠር የበየነው ህግ ሳሞራ የኑስን አይነካም። ሁሉም ኢትዮጵያዊ በህግ ፊት እኩል ነው ቢባልም ሳሞራ የኑስና መላኩ ፈንቴን እኩል የሚያይ ህግ በኢትዮጵያ የለም። በዚህ ዓይነት የሞራል ዝቅጠት ውስጥ የሚገኝ ቡድን የሚገነባው አቅም ምንድ ነው? ዜጎችን በምን አቅጣጫ ወደየት ለመውሰድ ያለመ ስልጠና ነው እየተሰጠ ያለው ተብሎ ቢጠየቅም የሚገኘው መልስ ዜጎች ሁሉ እንደ ህወሃት በጎጥ አስተሳሰብ ተተብትበው፤ ሰው ምን ይለኛል ማለትን ረስተው፤ እግዚአብሄርን መፍራት ትተው፤ ግራና ቀኝ ማየትን አቁመው ከአንድ ማሰብ ከማይችል እንስሳ ሳይለዩ እንዲኖሩ ማድረግ ነው።

የግንቦት ሰባት የፍትህ፤ የነፃነትና የዴሞክራሲ ንቅናቄ ህወሃት የተባለውን ዘረኛና ዘራፊ ቡድን ከተቆናጠጠበት የሥልጣን ኮርቻ ላይ አውርዶ አገሪቷን የሁሉም ለማድረግ የሚችለውን እያደረገ ነው። ለኢትዮጵያ ህዝብ አሁን ባለው ተጨባጭ ሁኔታ ከህወሃት የበለጠ ጠላት የለም። ህወሃት ዋነኛው የኢትዮጵያ ሕዝብ ጠላት መሆኑ ሊሠመርበት የሚገባ ነጥብ ነው። ይሄን ጠላት ሳያቅማሙ በሁሉም መስክ መታገል ግዜው የሚጠይቀው ከዜጎች የሚጠበቅ ተግባር ነው።

ተከብሬ የምኖርበት አገር ያስፈልገኛል የሚል ሁሉ ንቅናቄያችንን እንዲቀላቀል ዛሬም ደግመን የትግል ጥሪያችንን እናቀርባለን። እኛ አገር ያሳጡንን ቡድኖች በሚገባቸው ቋንቋን ለማነጋገር ሳንቅማማ የትግሉን ባቡር ተሳፍረናል። የትግሉን ባቡር አሁኑኑ ተሳፈሩና ለሁላችንም የትሆን አገር እንፍጠር።

Ethiopian People

Secret Service detains possible shooter after gunshots heard at Ethiopian Embassy Read more: http://www.wjla.com/articles/2014/09/one-in-custody-after-shots-heard-at-ethiopian-embassy

By ABC 7 News

September 29, 2014 – 02:33 pm

WASHINGTON (WJLA) – The U.S. Secret Service detained a possible shooter after a report that shots were fired on Monday near the Ethiopian embassy in Washington, a spokesman for the agency said. 92 more words

ESAT