Charles Chaplin foi un magnífico actor, director e compositor das bandas sonoras das súas propias películas. No filme “O grande dictador” hai unha escena onde Chaplin, barbeiro, arránxalle a cara a un cliente seguindo o ritmo e os temas da Danza húngara nº 5 de Brahms.
Xenial…!!!

A comezos de 1845, Robert Schumann estaba empeñado en mellorar a súa escritura contrapuntística. O resultado deste esforzo son varias obras: os estudos op 56 en forma de canon para piano con pedal, Esquisses op 58, seis fugas sobre o nome de Bach op 60 para órgano e as catro fugas op 72  para piano a catro mans.

O piano con pedal foi un instrumento ideado por Johannn Gottlieb Wagner que consistía en equipar un piano cunha pedaleira que en 1840 xa estaba bastante perfeccionado. Estaba pensado para estudar órgano en casa…

Os Estudos op 56 son obras en forma de canon.  Están cheos de inspiración e de música maravillosa. Como exemplo, esta xoia: o estudo nº 4, magníficamente interpretado por Thomas Murray.

Unha melodía sinxela e emotiva cun acompañamento ao estilo barroco soan nesta peza Á Chloris composta polo músico nado en Venezuela pero con formación francesa Reynaldo Hahn. A voz de Susan Graham móstrase no seu grande esplendor. Que fermosa voz e que grande cantante é!

Non é raro que os compositores utilicen en varias obras a mesma melodía, claro, con certas diferenzas para que se acomoden ao carácter e temática da obra. Haendel tamén recorre a este procedemento. Un exemplo moi ilustrativo. A célebre melodía “Lascia ch’io pianga” de Rinaldo, tamén aparece en “Almira” coma unha “Sarabanda” e en “Lascia la spina“.

Lascia la spina

Almira

Lascia ch’io pianga

A tecnoloxía musical e as TIC poden facer isto: posibilitar a interpretación da mesma peza por varios músicos en lugares distintos do planeta. “Playing for Change” é un movemento multimedia creado para inspirar, conectar e traer a paz ao mundo coa música como ferramenta. Vexan a proba: esta versión de Stand by me comeza en Santa Mónica (USA) e pouco a pouco vanse sumando a ela músicos e intérpretes de diferentes zonas do mundo. A disfrutar! Podemos cambiar o mundo? A linguaxe da música é universal…

O gran compositor belga Cesar Franck, ademais de grande organista, adicou a súa atención á combinación instrumental violín-piano compoñendo unha fantástica Sonata en La maior. Cunha inspiración romántica, unha forma novedosa de tipo cíclico e cun tratamento virtuosístico do conxunto instrumental e de cada instrumento por separado, nunca lle dá a espalda á expresión dos sentimentos e á esencia musical. O primeiro movemento comeza dun xeito misterioso e chega no medio a unha cima expresiva moi inspirada. O último movemento é, quizais o máis novedoso, coa presentación dun canon entre os dous instrumentos que semella non deterse nunca e sen resolución pero que ao final resólvese.

Ofrecemos unha versión histórica con Yehudi Menuhin ao violín e unha pianista extraordinaria.

Primeiro movemento

Cuarto movemento

]]> http://caixademusicas.wordpress.com/2008/09/11/beim-schlafengehen-richard-strauss/ Thu, 11 Sep 2008 18:09:30 +0000 musiescola http://caixademusicas.wordpress.com/2008/09/11/beim-schlafengehen-richard-strauss/

Richard Strauss é un compositor moi interesante xa que pertence ao post-romanticismo e aínda que non está no camiño da ruptura da tonalidade ten unha linguaxe a medio camiño entre a tradición máis pura e a vangarda.

Os “Catro últimos lieders” amosan variedade de atmosferas sonoras dentro do xénero da canción con orquestra. O tratamento orquestral é fermoso e cheo de momentos de grande expresividade tímbrica que contrastan con momentos melódicos apaixoados, tenebrosos ou cheos de calma. Para nós, o outono, a sombra, a morriña, a paixón, a resignación incluso… son algunhas imaxes e sentimentos que albiscamos nestas catro pezas.

Im Abendront trata sobre o solpor, sobre a soidade nesta hora que sinte unha parella, sobre a paz e a serenidade desta hora, e unha pregunta eríxese ao final: será a morte?.  Renee Fleming interpreta este lied neste vídeo. Fíxense que o título da páxina onde está aloxado o vídeo non é o correcto.

Schubert é un compositor no que a inventiva melódica e o tratamento harmónico cobran unha grande viveza e expresividade extraordinarias. Entre os recursos que o compositor domina e sácalle o mellor partido está a modulación.

Os lieders de Schubert constitúen un auténtico corpus da canción tripartita romántica. Este que lles presentamos posúe unha singularidade chamativa. Titúlase “O pastor na rocha” ou “Der Hirt auf dem Felsen”. A singularidade é a distribución tímbrica, para piano, clarinete e soprano (caso pouco frecuente), o papel importante do clarinete e o papel secundario do piano.

Poden ampliar información e escoitar varias versións do mesmo nesta páxina de Cantan ellas

Por outra banda, poden disfrutar da partitura nestes dous xeniais vídeos:

Va pensiero, da ópera Nabucco de Verdi, vén sendo case o segundo himno italiano, peza coral moi coñecida en todo o mundo. Aquí lles ofrecemos unha versión co Orfeón Donostiarra como protagonista.

Mozart foi un dos compositores que lle adicou un papel relevante ao clarinete como instrumento solista, como integrante dun conxunto de cámara ou coma un instrumento que forma parte da orquestra. Exemplos témolos dabondo: o concerto para clarinete, o clarinete en A Frauta Máxica ou este quinteto que hoxe brindámoslles para degustar.

O quinteto KV 581 para clarinete e cordas é un exemplo clarísimo de empaste dun instrumento de vento madeira como o clarinete cun cuarteto de cordas. Ademais, a grande riqueza melódica que ofrece é outro exemplo da grande inventiva e inspiración do compositor. Por outra banda, non debemos esquecer o significado simbólico que para Mozart posuía o clarinete.

Pois nada, a gozar con este quinteto, no seu primeiro movemento, Allegro, con Sabine Meyer ao clarinete e o cuarteto Hagen, intérpretes de luxo…

En Nos vemos en el Blog, a profesora Marian tráenos un traballo sobre as Cantigas a Santa María de Alfonso X O Sabio. Ilustra o mesmo cunha audición sobre a cantiga que fai de prólogo onde o trovador pídelle permiso á Virxe María para trovar…

Isidro Vidal, no seu sitio Hitzez, segue a sorprendernos con preciosas presentacións con música. Este vez o tema é a chuvia, coa música do segundo movemento do concerto para violín de Vivaldi, O Inverno. Neste tema, os pizzicatos da corda quere asemellar o repeniques das gotiñas de auga no cristal da fiestra, mentres que o violín solista interpreta unha belísima melodía chea de morriña…

En 1977, o animador italiano Bruno Bozzetto estrenou Allegro ma non troppo, unha película do estilo de Fantasía de Disney, pero con claro sabor europeo… Poden ver este vídeo coma mostra cunha versión da “Danza eslava nº 7 Op. 46” de Antonin Dvorak :

Para máis referencias de vídeos, consultar o artigo de Retroklang titulado Fantasía italiana

BO NADAL!

O profesor Isidro Vidal, no seu sitio web Hitzez felicítanos o Nadal cunha montaxe espectacular en imaxes e música (Aleluia-Mesías-Haendel).

Este cuarteto de frautas de pico interepreta xenialmente unha versión baseada, á vez, na versión que J.S. Bach realizou para órgano do terceiro movemento do Concerto grosso para violín en re menor RV565 de Vivaldi.

A música de órgano de Bach oscila entre o recollemento e a meditación da meirande parte dos seus corais e a grandiosidade e espectacularidade dos seus preludios e fugas.

Hoxe traemos a CaixadeMusicas un coral marabilloso: Nun komm der Heiden Heiland, BWV 659, a dous teclados e pedal. Pertence á colección de Leipzig. Nesta peza, o compositor vai desenvolvendo a melodía do coral por frases cun estilo imitativo adornado. Aquí soa a versión de T. Koopman, no órgano construido por Silbermann en 1714 de Saxony, Alemaña…

Agora semella que avanzamos no tempo e situámonos nunha época contemporánea. Que soa? Un reloxio? Un violonchelo? Unha guitarra? Si, pero… non. É un piano… pero preparado. Poden gozar desta auténtica mostra de como sacar o máximo partido a un piano, instrumento de corda percutida… A obra titúlase Entrad, de Stephen Scott.

A marimba é un instrumento de percusión, de láminas, de son determinado, idiófono. Pódese interpretar unha melodía con el e tamén facer polifonía. Observen neste vídeo a grande musicalidade do intérprete nunha versión da fuga en re menor para violín de J.S. Bach.

Polifonía significa varias melodías que soan á vez. Comezou a desnvolverse na Idade Media, a partires do Canto Gregoriano, e alcanzou cotas de perfección impensables no Renacemento e no Barroco.

Nos seus inicios, os creadores de música polifónica partían dun canto gregoriano á que lle engadían unha melodía paralela por cuartas, quintas ou oitavas. Era o que se coñecía co nome de organum.

Un exemplo claro, feito no século XX, sería este magnífico vídeo de Les Luthiers…

Levamos algunhas horas de outono, esa estación morriñenta, na que a luz diminúe e a vexetación cambia a fermosas cores ocres.

Isidro Vidal acaba de realizar unha magnífica presentación baseándose no tema do Concerto para Violín en Fa maior O Outono de Vivaldi e nunhas fotografías de dominio público. É unha gozada escoitar a música e ver esta montaxe. ¡A disfrutar!

Hai uns días que notamos a súa ausencia, aínda que a súa presencia nos medios siga a deixar pegadas na nosa memoria. O que máis me gusta del, falo en presente porque afortunadamente quédannos as súas gravacións, é o precioso timbre de voz con que a natureza o dotou e que puliu co seu traballo e tamén a facilidade para cantar.

Coma homenaxe, traemos a este espazo un SlideCast moi ben feito por Isidro Vidal e publicado na súa páxina.

A Arlesiana constitúe unha obra excepcional para adentrarse nos praceres da boa música. Das dúas suites de Bizet, escollemos o Minueto da Suite nº 2.

Comeza cun tema suxestivo, moi suave, a cargo da frauta e da harpa. Segue un tutti orquestral. Volve a aparecer logo o tema coa frauta, o fagote e a harpa nun segundo plano.

Interesante para recoñecer os timbres destes tres instrumentos así como a estructura ternaria, tres seccións, ABA’.

Hoxe, día 21 de xuño, celébrase en toda Europa o Día da Música. Ademais, hoxe, aproximadamente ás 21 h. comeza o verán.

Unindo as dúas celebracións, eliximos un peza musical para festexalas. Trátase de “En bateau” (En barco) da Pequena Suite para Orquestra de Debussy. Música tranquila, agradable, relaxante, evocadora de suaves ondas e sons mariños…