“Серијата убиства и меѓусебни пресметки само во последниот период го вклучи на силно црвено алармот за очигледната неспособност на одговорните во државните институции”, вака портпаролот на СДСМ, Петре Шилегов, ја започна денешната прес-конференција.

Шилегов претпоставува дека ова е резултат на организираниот криминал кој што е заштитен од власта, како и последица на економската состојба во земјата. Споредувајќи ја моменталната ситуација во Македонија со времето на Дивиот Запад тој додаде дека СДСМ е навистина загрижена за безбедноста на граѓаните на Македонија.

“За само еден месец се случија 3 двојни убиства. Од почетокот на оваа година на суров начин згаснаа повеќе од 20 животи. За само неколку месеци во 2014 година достигната е црната бројка на убиства и жртви како во целата 2013 година.”, потенцира портпаролот на СДСМ.