Israel Armstrong er ein ven av meg! Løgn! Israel Armstrong er den fiktive hovudpersonen i romanane til  Ian Sansom om bokbussbibliotekaren:

Bokbussdetektiven og mysteriet med dei forsvunne bøkene
Israel Armstrong reiser frå London til Nord-Irland for å starte        draumejobben som sjefsbibliotekar, men biblioteket er nedlagt når han kjem og han må ta til takke med ein gamal bokbuss der alle bøkene attpåtil er stolne. Borte er dei i alle høve. Men kvar? Det får det bli Israel si oppgåve  å finne ut. Ei oppgåve han tek på seg svært motvillig og med lita glede. Eg som lesar derimot, følgjer gladeleg med på Israel sine stadige kulturkollisjonar  med det nordirske samfunnet, og merkar at eg vert meir og meir glad i denne figuren dess særare han vert etter kvart som romanen skrider fram.

Det store forsvinningsnummeret
Israel Armstrong kan ikkje venta med å kome seg vekk og tilbake til London. Eg kan ikkje vente med å lese neste bok (takk for julegåva, Atle!). Israel klarer å rote det til for seg att. Same morgon som han skal setje opp ei utstilling han har laga i lokala til kjøpmannen Mr. Dixson,  er den same kjøpmannen forsvunnen. Israel klarer å setje sine eigne fingeravtrykk på alle dei gale plassane, og han gjer seg til mistenkt nummer ein, ei plassering han er særs misnøgd med. Skal han reinvaskast må han gjere det sjølv og han legg ut på vegen att, denne gongen med god støtte frå bokbuss-sjåføren Ted Carson.
Marit Gro Berge

Bøkene om bokbussbibliotekaren:1. Bokbussdetektiven og mysteriet med dei forsvunne bøkene. Baskerville, 2007

2. Det store forsvinningsnummeret. Baskerville, 2008.

3. The Delegates’ Choice. HarperCollins Publishers, 2008. (Ikkje omsett enno.)

4. Bok nr. 4 kjem ut på engelsk i år.