Parixe estar que o espazio de cuchas en Aragón s’acotoló en as zagueras eleuzions nazionals. Ye de dar que no pienso charrar d’o PSOE, un partíu de zentro que fa tiempo que perdié a suya identidat alternatiba. Entre CHA e IU sólo que zinco deputaus, u siga, 82.499 botos. Ye como tornar á os lumeros d’o 1995. Bels meyos de comunicazión parlan que la soziedat aragonesa chira dica posturas comserbadoras. L’orgasmo d’a Expo tién muita rilazión con ista pax intresata.

Izquierda Unida quiere refirmar o suyo perfil platero de cucha. Un perfil feble dica agora. Parixe que en a esbenidera asambleya nazional (aragonesa) ferán un poder per treballar os alazez territorials. Y no quieren pautar con CHA, creyen que no bi’n ha mayorías reyals de cuchas con istos.

Chunta Aragonesista petena entazaga. Con muitas claus ta gubernar en a pasata lechislatura. Agora ubren una trabesera en o desierto. Rebindicando l’aragonesismo de cuchas. Como siempre. E fendo un poder t’amillorar a perzeuzión d’os mensaches.
Reflesiono en Catalunya, con un tripartit que no funziona tan mal. Ye berdat que ni CHA ye ERC ni IU ye IpC. Aragón ye un país de saputos. Complegar o boto de cuchas ye defízil: muito se quedó en casa pero “no es normal que 33 de cada 100 aragoneses decidan no dedicar 10 minutos de 4 años, 10 de 2.102.400” (como deziba http://sozialista.wordpress.com en o suyo blog). Talmén istos dos partius no paren cuenta en una estratechia a luengo plazo, l’enemigo ye o PSOE…