ni: John Clifford E. Sibayan

http://balita.ph/wpress/wp-content/uploads/2011/05/CHED.jpg

Lohika ng CHED sa Pagsasara ng mga Kurso

Noong nakaraang taon, humarap ang Commission on Higher Education (CHED) sa samu’t saring reaksyon dahil sa kontrobersiyal na mga tindig nito hinggil sa pagsasara ng mga kurso at kolehiyo na sa pagsusuri nito’y (1) mga substandard na programa at eskwelahan na hindi umaabot sa pamantayan ng kahusayan (laluna sa global na parametro), (2) lumalabag sa mga guideline ng CHED tulad ng sa pamantayan ng kalidad ng kaguruan at pasilidad, at (2) mababa ang performans at pagpasa ng mga graduate sa licensure examinations ng Professional Regulatory Commission (PRC).

Maanghang at matapang ang pagpapahayag ng CHED hinggil sa mga rekomendasyon at hakbangin nito ng pagsasara o pag-phase out ng mga partikular na kurso, programa at maging mga paaralan. Sa artikulo ni Tarra Quismundo, sinabi ni CHED Executive Director Julito Vitriolo na ang kanilang crackdown sa mga eskwelahan ay bahagi ng kanilang “power to monitor schools and recommend the closure or phase out of substandard programs. We’re taking it seriously because there are already too many substandard schools.”

Sa partikular, noong Oktubre 2011 ay anim na kurso sa Harvardian College sa San Fernando City, Pampanga ang ipinag-utos na ipasara ng CHED dahil sa patuloy nitong hindi pagsandig sa mga pamantayan ng komisyon. Lima sa anim na kursong ito ay nasa undergraduate na programa (education, elementary education, political science, English at commerce) at isa ay nasa programang masterado (education).

Sa parehong buwan rin, nauna sa pagsasara ng mga kurso sa Harvardian College, ay ipinag-utos ng CHED ang pagsasara ng dalawang degree programs ng Philippine Maritime Institute (PMI) Colleges sa mga kampus nito sa Manila at Quezon City. Isa sa maraming dahilan ng CHED sa pagsasara ng dalawang programa (BS Marine Transportation at BS Marine Engineering) ay mababang performans ng pagpasa ng mga graduates sa licensure exams. Halimbawa, ayon sa artikulo ni Jeffrey Tiangco, “CHEd data showed that the percentage of graduates of maritime schools who passed the PRC-administered exams have gradually declined from a high of 73.47 percent in 2002 to 62.02 percent in 2003, 42.35 in 2004, 45.52 in 2005, 48.18 in 2006, 47. 88 in 2007 and 51.41 in 2008.”

Kaugnay nito, matatandaan rin na noong panahon ng panunungkulan ni dating CHED Chair Emmanuel Angeles ay ipinasara ng CHED ang pitong “non-performing law schools” sa bansa dahil walang itong nailuwal na mga “bar examination passers” sa loob ng sampung taon

Lumalabas sa mga paliwanag ng CHED, kung gayon, na tila lohikal naman at makatarungan ang mga hakbangin ng CHED at ang mga pahayag ni Vitriolo patungkol sa pagsasara o phase out ng mga kurso, programa at eskwelahan. May rekognisyon o pagkilala ang CHED na maraming nagsusulputan na mga paaralan at programang pang-edukasyon sa Pilipinas na hindi naman talaga pumapasa sa mga pamantayan.

Ngunit may Ngunit

Ngunit ang mga ito’y ginagawa ng CHED nang may hindi isinasaalang-alang na mga usapin: Una, ginagawa ito ng CHED, madalas, sa kalagitnaan ng akademikong taon, tulad ng pag-uutos nitong isara ang mga kurso sa PMI Colleges para sa ikalawang semestre. Ang ganitong hakbangin ay naglalagay sa alanganin, higit sa kanino pa man, sa mga mag-aaral ng nasabing mga programa.

Ikalawa, hindi naman isinasaalang-alang ng CHED ang tunay na dahilan kung bakit mayroong paglobo ng ganitong klase ng mga kurso at paaralan sa bansa. Hindi kritikal na sinusuri ng CHED na ang dahilan naman talaga sa pagdami ng mga substandard na programa at eskwelahan at substandard na mga graduate ay dahil sa dikta ng negosyo. Oo, isang malaking negosyong nais pagkakitaan lamang ng mga eskwelahan (na korporasyon na mismo) ang mga estudyante at mamamayan.

Ikatlo, kaugnay ng ikalawa, talaga bang pamantayan ng de-kalidad na edukasyon o pamantayan ng global na merkado ba ang tunay na pamantayang sinusundan ng CHED? Kulang na naman sa suri ang CHED sa aspektong ito, sapagkat tulad nang mababasa sa ibaba, ito’y umaayon lamang sa dikta ng globalisasyon. Na ang ganitong substandard na mga programa, kurso at eskwelahan ay nakatali sa pangkalahatang pang-ekonomiyang kalagayan ng bansa, na nakatali naman sa global na ekonomiya ng mga dayuhang korporasyon.

http://www.yourdemocracy.net.au/drupal/files/images/america%20can%20do%20anything%20......preview.jpg

Kasaysayan ng Interes ng Iilan

Ang kasaysayan ng mga kurso, programa at digri sa edukasyon na binubuksan at sinasarhan ay kasaysayan ng tunggalian ng mga interes.

Sa kasaysayan ng bansa ay mayroong malaking puwang sa pagitan ng mamamayan at sistemang pang-edukasyon mula pa noong kolonyalismong Kastila hanggang sa kasalukuyang neokolonisasyon ng Estados Unidos. Kung babalikan ang ating kasaysayan, bago tayo sakupin ng mga Kastila, maraming mga komunidad ng mga sinaunang Pilipino ang may hawak ng edukasyon. Komunal ang tipo ng edukasyon na kung saan ang lahat na kasapi ng komunidad, bata man o matanda, lalaki man o babae ay kapwa guro at estudyante na natututo sa isa’t isa.

Ngunit ang komunal at pangkomunidad na katangian ng edukasyon ay marahas na kinuha mula sa mamamayan. Naimbudo ito sa kamay ng mga dayuhan at ng iilan na nasa kapangyarihan. Nasa kontrol ito noon ng mga Katilang prayle hanggang sa mapasailalim ang bansa sa kolonyal na pampublikong edukasyon ng mga Amerikano.

Sa kasalukuyan, masakit mang isipin, ang edukasyon sa Pilipinas ay sunod sa agos ng dikta ng globalisasyon. Ang kahingian ng mga pribadong dayuhang korporasyon ang sinusunod ng kurikulum ng sistema ng ating edukasyon sa Pilipinas. Kasabay ng taon-taong pagkakaltas sa badyet ng edukasyon ay ang pagbebenta ng mga kursong tinatambuli ng globalisasyon.

Sa katunayan, ang edukasyon sa bansa ay naaayon sa dayuhan at pribadong interes ng gobyerno at negosyo. Halimbawa, ang layunin ng pagkakatatag ng Pamantasang Normal ng Pilipinas noong 1901 ay upang maging lunduyan ng mga bagong guro noong panahon ng kolonyalismong Amerikano sa bansa. Noon namang 1908 ang Unibersidad ng Pilipinas ay itinatag upang maging lunduyan ng mga bagong “Technocrats”. At ang Politeknikong Unibersidad ng Pilipinas na dating Philippine College of Commerce noong 1912 ay magiging lunduyan ng mga bagong negosyante. Ibig sabihin itinatag ng mga Amerikano ang mga pampublikong institusyong ito para sa pangangailangan nila.

Sa pag-usad ng kasaysayan, sa patuloy na malaking impluwensya ng Estados Unidos sa Pilipinas, ang global na merkado ang nagdidikta ng mga lakas-paggawa at propesyunal na dapat iluwal ng mga pamantasan. Noong 1960s, nagkaroon ng mataas na demand para sa mga inhinyero kung kaya’t ito ang panahon ng pag-usbong ng napakaraming bilang ng mga paaralang pang-inhinyero. Medical schools naman ang dumagsa noong 1970s upang lumikha ng mga doktor dahil ito ang demand ng mga dayuhang kumpanya at gobyerno.

Ang inubasyong pangteknolohiya ng kompyuter at internet ang siyang naging tuon naman ng edukasyon noong 1980-1990 kung kaya’t nagsulputang parang mga kabute ang mga Computer at Information Technology schools. At ito ngang ika-21 na siglo, Caregiver at Nursing schools ang bumaha sa bansa. Sa katunayan noong 2004 ay tinatayang 85% ng mga Pilipinong nars na may trabaho ay nasa ibang bansa (mahigit 150,000).

Ang pinakabago at palasak ay ang pagtataguyod ng Call Center courses maging sa mga state universities and colleges (SUC) tulad ng Eulogio Amang Rodriguez Institute of Science and Technology (EARIST), Batangas State University (BSU), at Cavite State University (CSU).

Konklusyon

Mula rito ang kasaysayan ng mga kurso, programa at digri sa edukasyon na binubuksan at sinasarhan ay kasaysayan ng tunggalian ng mga interes. At makikita rin na kung hindi na kailangan ng global na merkado ang mga gradweyt ng mga nasabing kurso ay isinasara na ito ng mga paaralan.

Samakatuwid, kung nais ng CHED na magsara ng mga programa at magpataas ng kalidad ng mga paaralan, kailangang magkaroon ng pagbabago sa pangkabuuang pagtingin sa edukasyon – at kasamang kailangang baguhin rito ay mismong ang mga programa at palisiya ng CHED – na kailangang lisanin na ang anino ng mga dayuhan at pribadong negosyo at magtaguyod ng isang makabayang edukasyong maglilingkod sa bayan.

Sanggunian:

n.a. “CHED orders closure of 7 law schools.” Retrieved February 10, 2012, mula sa http://www.commuterexpress.ph/viewstory.php?id=382&section=tbl_nation

Commision on Higher Education. “CHED’s Statement on the Closure of the BSMT and BSMarE programs of PMI Colleges.” Retrieved February 10, 2012, mula sa http://www.facebook.com/notes/phched/cheds-statement-on-the-closure-of-the-bsmt-and-bsmare-programs-of-pmi-colleges/304339522917454

Hernando-Malipot, Ina. “CHEd closes school’s six courses.” Retrieved February 10, 2012, mula sa http://www.mb.com.ph/articles/339140/ched-closes-schools-six-courses

Quismundo, Tarra. “CHEd closes failing schools.” Retrieved February 10, 2012, mula sa http://newsinfo.inquirer.net/84191/ched-closes-failing-schools

Tiangco, Jeffrey. “CHEd orders closure of 2-degree programs of PMI Colleges.” Retrieved February 10, 2012, mula sa http://www.journal.com.ph/index.php/news/national/15887-ched-orders-closure-of-2-degree-programs-of-pmi-colleges

he official list of Professional Electronics Engineer Exams passers was released Friday by the Professional Regulatory Commission (PRC), announcing 16 new Professional Electronics Engineers, namely:

1. BENGCO, EDISON MENDOZA
2. CABATAY, JOSEPH TOREJA
3. CABUNIAG, EDGARDO ORTIZ
4. CADUNGOG, JAMES GAGA
5. CANONIGO, EMERSON JR BACUS
6. LIM, ISAGANI SAN PASCUAL
7. MAGTAJAS, JONAH ARANDELA
8. MORAL, MAUREEN RAMOS
9. MUYALDE, CRISTOBAL ABEDES
10. NAVARRO, VICTOR CHANCO
11. QUEDDENG, GODFREY QUESEA
12. QUERO, ABELARDO JR RICO
13. REYES, YOLANDO MENDOZA
14. SOLIJON, RONIE ASUPRE
15. STA MARIA, EDWIN ATANACIO
16. VERA CRUZ, LUDGERIO JR URBANO

The commission also said 1,131 out of 4,322 hopefuls passed the Electronics Engineer Licensure tests given in the cities of Manila, Cebu and Baguio in October.

Here are the names of the top 10 successful examinees:

1. Rizaldo Blanco Fuentes - Cebu Institute of Technology, 91.10 percent;
2. Danny Raquel Supnet - University of the East – Caloocan, 90.50;
3. Jared Go Noynay - University of Cebu in Lapulapu and Mandaue, 90.40;
4. Teosseth Alto Altar - Pamantasan ng Lungsod ng Maynila, 89.80;
5. Leo Angelo Arejola Rull - Ateneo de Naga niversity, 88.30;
6. Mark Sible Cayubit - Rizal Technological University, 88.10.
7. Charlie Nino Pandialan Pasahol - De La Salle University, Lipa, 88.10;
8. Jan Claudio Miranda Javier - University of Santo Tomas, 87.70;
9. Julius Jr. Vibo Olandria – Mindanao State University – General Santos City, 87.20;
10. Joebert Baccay Basco – Polytechnic University of the Philippines – Main, Santa Mesa Manila, 87.10.

The oath-taking ceremony of the successful examinees as well as the previous ones who have not taken their oath will be held on December 10, 9 a.m. at the SMX Convention Center, Mall of Asia complex in Pasay City. In Cebu City, the ceremony will be held on December 6 while the date and venue will be announced later for Davao City.

The PRC said registration for membership with the Institute of Electronics and Communications Engineers of the Philippines will start on November 9, 2009.

For the complete list of passers, please click the link below:

http://pinoygroundzero.blogspot.com/2009/11/prc-releases-list-of-professional.html