Bu gün Azərbaycan Media Mərkəzində Qafqaz Media Tədqiqatlar Mərkəzi və Kanal 13 İnternet TV Azərbaycan Media Mərkəzi ilə birlikdə debat keçirib. Açıq Cəmiyyət İnstitutu YF-nun dəstəyi ilə baş tutan debatda Azərbaycan Respublikası Prezidenti yanında QHT-lərə Dövlət Dəstəyi Şurasının sədri Azay Quluyev və Demokratik Jurnalistlər liqasının sədri Yadigar Məmmədli üz-üzə gəliblər.
AJAŞ Xəbər Xidmətinin məlumatına görə, debatda QHT-lərə Dövlət Dəstəyi Şurasının fəaliyyəti ilə bağlı cəmiyyətdə və mediada söylənən neqativ fikirlərə aydınlıq gətirilib. QHT-lərə Dövlət Dəstəyi Şurasının üzvləri və Milli Donor təşkilatından qrant almayan bir neçə QHT nümayəndəsinin də iştirak etdiyi tədbirdə Şura sədri Azay Quluyev aprelin 3-də nəticəsi açıqlanan qrant müsabiqəsindən narazı olan bəzi təşkilatların əsaslanmamış faktlarla KİV–də mənfi mövqedən çıxış etmələrinə toxunub. O, təniqdləri nəzərə aldıqlarını desə də, şantajların yolverilməz olduğunu bildirib.
Demokratik Jurnalistlər Liqasının sədri Yadigar Məmmədli isə müsabiqənin şəffaf olmadığını, nəticələrdən narazı qaldığını dilə gətirib. Y.Məmmədli 3 mərhələdən ibarət müsabiqənin iki mərhələsinin ictimaiyyətə açıqlanmamasına irad tutub.. Debatda qrant almayan təşkilatların bir neçəsi məsələylə bağlı Apellyasiya məhkəməsinə müraciət edəcəyini bildiriblər. QHT nümayəndələri etirazlarla yanaşı, təkliflərlə də çıxış ediblər. Qafqaz Media Tədqiqatlar Mərkəzinin rəhbəri Anar Orucov gələcək müsabiqələrdə konkret istiqamətlər üzrə müsabiqə keçirilməsi təklifini edib.
Debat qızğın müzakirə şəraitində başa çatıb.

AJAŞ Xəbər Xidməti

Media layihələrinə ayrılan qrantların dayandırılmasını istəyən yazarlar yeni tədbirlər görməyi planlaşdırırlar. Qrantların dayandırılması üçün beynəlxalq təşkilatlara və səfirliklərə ünvanlanan müraciəti imzalamış yazarlardan Seymur Baycan «Media forum» saytına deyib ki, həmin müraciətdə onlar məsələni qısa şəkildə əks etdirmişdilər: «Səfirliklərdə adətən geniş məktubları oxumurlar, ona görə biz qısa müraciət mətni hazırlamışdıq. Yaxın vaxtlarda bir araya gəlib yeni müraciət yazmağı, media layihələrinə ayrılan qrantları səmərəsiz xərcləyən qeyri-hökumət təşkilatlarının adlarını göstərməyi planlaşdırırıq».

Müraciəti imzalamış digər yazar – Şahvələd Çobanoğlu da «Media forum»a bildirib ki, müraciət müəlliflərinin bir araya gəlməsinə ehtiyac var. Bunu deyəndə Ş.Çobanoğlu əsasən müraciətə donor təşkilatlarının və səfirliklərin lazımınca reaksiya vermədiyini nəzərdə tutub. İndiyədək müraciətə yalnız ABŞ səfirliyi reaksiya verib, səfirlik yazarların etirazının səbəbi ilə maraqlanıb.

Sözügedən müraciət yanvarın 12-də göndərilib. Onu Qan Turalı, Zamin Hacı, Rafiq Tağı, Həmid Herişçi, Xaliq Bahadır, Natiq Güləhmədoğlu, Pərviz, Xalid Kazımlı, Elnur Astanbəyli, Aqşin Yenisey, Seymur Həziyev, Natiq Cavadlı, Ələkbər Əliyev də imzalayıblar.

Açıq Cəmiyyət İnstitutu -Yardım Fondu Azərbaycan

QRANT MÜSABİQƏSİ ELAN EDİR

Açıq Cəmiyyət İnstitutu – Yardım Fondu yerli Qeyri-Hökumət Təşkilatlarını, analitik-araşdırma mərkəzlərini, müstəqil məsləhət və yardım təsisatlarını 2008-ci il ictimai siyasətin inkişafı proqramı daxilində qrant müsabiqəsində iştirak etmək üçün ərizələrini təqdim etməyə dəvət edir.
İctimai siyasət debatlar proqramı cəmiyyət üçün aktual olan mövzular üzrə fərdi və birgə tədqiqatların aparılmasını, həmin tədqiqatların nəticələrini yerli və daha geniş dairədə müzakirəsini və sonradan səmərəli təkliflərin həyata keçirilməsi üzrə ictimai maraqların qorunması tədbirlərin görülməsini məqsəd kimi qoyur.
Vətəndaş cəmiyyətinin fəalları ayrı-ayrı sahələr üzrə inkişaf proseslərinə müsbət təsiri və cəmiyyətin maarifləndirməsində əvəzsiz rolu ola bilər. Bu baxımdan ictimai siyasətin müəyyənləşməsi üzrə milli ekspertlərin və yerli fəalların iştirakı və nəzarətinin gücləndirilməsi bacarıqları, ictimai məlumatlandırma və ictimai siyasət forumların gerçəkləşməsi, habelə vətəndaş cəmiyyəti nümayəndələrinin gedən proseslərə təsir etmək və hər hansı dəyişikliklərə nail olmaq imkanının inkişaf edilməsi hazırkı müsabiqənin əsas məqsədləri daxilindədir.

Müsabiqədə iştirak edəcək tərəflər ictimai fəallığını aşağıdakı sahələrə yönəldə bilərlər:

- informasiya əldə etmək mədəniyyətinin inkişafı;
- ictimai vəsaitlərin xərclənməsinin səmərəliyi;
- ədliyyə-məhkəmə sisteminin islahatları;
- dövlət və özünü idarə islahatları;
- insan haqlarının vəziyyəti ilə bağlı təminatlar;
- ictimai xidmətlərin təmin edilməsi;
- digər vacib ictimai siyasət sahələrini.

Müsabiqə aşağıdakıları dəstəkləmir: siyasi fəaliyyət, ayrı-ayrı fərdlərə maddi yardım, elmi-tədqiqat proqramları, təhsil üçün təqaüdlər.

Ayrılacaq hər bir qrantın məbləği 10.000 ABŞ dollarına qədər, müsabiqənin ümumi fondu – 70.000 ABŞ dollarıdır.

Ərizələr 2008-ci il aprelin 14-dən mayın 8-nə saat 15:00 qədər təqdim oluna bilər. Nəticələr 10 iyun 2008-ci il tarixinə qədər elan ediləcəkdir.

Müsabiqədə iştirakınıza görə əvvəlcədən təşəkkürümüzü bildiririk.

Müsabiqə ilə bağlı daha ətraflı məlumatı müsabiqəyə həsr olmuş məlumat sessiyasında 2008-ci il aprelin 28 saat 17:00-da Açıq Cəmiyyət İnstitutu – Yardım Fondunda əldə edə bilərsiniz.

Qeyd: Layihələr Azərbaycan dilində təqdim edilməli və qeydiyyatdan keçməlidirlər. Müsabiqə ilə bağlı daha ətraflı məlumat Açıq Cəmiyyət İnstitutu – Yardım Fondunda vətəndaş cəmiyyəti proqramında akademik Həsən Əliyev küç. 117 A, Bakı, AZ1110 ünvanında,
Tel: (994 12) 564-34-65,
Faks: (994 12) 564-34-66,
E-mail: office@osi-az.org və ya fsuleymanov@osi-az.org əldə edilə bilər.

************ ********* ********* ****
Vüsal İ. Quliyev

Director
Educational Center for Youth (ECY)
Tel/fax: (+994 12) 434 22 03
Mobile: (+994 55) 252 41 42
(+994 50) 336 95 76
E-mail: vusal@ecy-az.org

“New Media” Qrant müsabiqəsi

Soros Fondu Sizlərə 2008-ci il üçün vətəndaş jurnalistikası və KİV-in inkişafında “New Media”nın imkanları sahəsində Qrant Musabiqəsini təqdim edir.

Elanla əlavə edilmiş faylda tanış ola bilərsiniz :

Yüklə

************ ********* ********* ****
Vüsal İ. Quliyev

Director
Educational Center for Youth (ECY)
Tel/fax: (+994 12) 434 22 03
Mobile: (+994 55) 252 41 42
(+994 50) 336 95 76
E-mail: vusal@ecy-az. org