reintegratas « WordPress.com Tag Feed

'Gallego do pueblo'... e que?

alema — Fri, 04 Jul 2008 22:00:25 +0000

Este artigo e os seus comentarios foron trasladados a alema.org, concretamente aquí.

Non se poden escribir novos comentarios aquí, pero si en alema.org. Desculpade as molestias.

Os dez mandamentos do reintegracionismo [adminístrese con cariño e sentido do humor]

alema — Thu, 03 Jul 2008 22:00:23 +0000

Este artigo e os seus comentarios foron trasladados a alema.org, concretamente a esta páxina. Desculpen as molestias.

Berto Yáñez, ex-reintegrata: "O principal non é 'escapar' ortograficamente do español; hai que facer outras moitas cousas antes"

alema — Sun, 29 Jun 2008 22:00:05 +0000

Esta entrevista e os comentarios que xerou (unha chea, por certo) foron trasladados a alema.org. Se queres vela, preme aquí.

Máis educados pero algo máis clasistas tamén

alema — Sat, 28 Jun 2008 22:00:42 +0000

Este artigo e os seus comentarios foron trasladados a alema.org. Se queres velos, preme aquí.

Que pasa, rapacito?

alema — Mon, 23 Jun 2008 22:00:44 +0000

O contido deste artigo está agora en alema.org. Desculpen as molestias.

Malditos lisboetas!

alema — Sun, 22 Jun 2008 22:00:47 +0000

O contido deste artigo está agora en alema.org. Desculpen as molestias.

A infancia perdida pola 'colonizaçom espanhola'

alema — Fri, 20 Jun 2008 22:00:33 +0000

O contido deste artigo está agora en alema.org. Desculpen as molestias.

Proximamente... a infancia perdida por culpa da 'colonizaçom espanhola'

alema — Mon, 16 Jun 2008 22:00:15 +0000

Amor non correspondido

alema — Fri, 13 Jun 2008 22:00:55 +0000

Así di a wikipedia:

Un amor non correspondido é amor non recíproco, aínda cando esa reciprocidade é profundamente desexada.

O amor non correspondido pode durar décadas e desencadear nun comportamento obsesivo tal como o axexo ou a persecución, ata pode traducirse en hostilidade cara ao obxecto de desexo se o amor é rexeitado.

Este tipo de comportamentos poden levar a estas persoas a ser vistas como pervertidas ou ‘miróns’. Na maior parte dos casos, con todo, o amor non correspondido é un sentimento que pasa totalmente desapercibido para os demais.

A cantidade de sufrimento que se pode a chegar a adquirir é realmente frustrante, unha persoa pode chegar a quedar “bloqueada totalmente” ou ata sufrir unha forte depresión e chegar a enfermar.

Con todo, só a aprendizaxe diaria e o respecto cara a un mesmo e cara ao obxecto que non corresponde o sentimento, fai que as barreiras de ansiedade e euforia poidan ser superadas.

A lusofonía nin nos coñece, nin sabe que existimos, nin nos quere, nin se preocupa por nós,… é un amor non correspondido.

Así que… aínda estás a tempo: se non queres sufrir, non te fagas reintegrata. E se xa o es, xa sabes: “o respecto cara a un mesmo” é fundamental para superalo.

Outro dicionario portugués inclúe pexorativos co galego

alema — Fri, 06 Jun 2008 08:11:29 +0000

Agora vén da man do dicionario infopedia.pt, que afortunadamente non inclúe a acepción de ‘fraco’, ‘ordinario’ e ‘de pouco valor’ na definición de ‘galego’, pero que inclúe este termo:

galegada

nome feminino

1. grupo de galegos

2. acção ou dito próprio de galego

3. pejorativo; linguagem apressada e pouco compreensível

Pois xa vedes, non só somos ‘ordinarios’ e de ‘pouco valor’, senón que non nos entenden porque falamos, disque, ás présas…

Ten sentido o '.gal' co reintegracionismo?

alema — Thu, 05 Jun 2008 22:00:10 +0000

Seguindo os pasos dos cataláns, os internautas galegos embarcámonos nunha loita sen cuartel por conseguir un dominio propio para o noso idioma, o tan famoso ‘.gal’. De momento non o conseguimos, pero cabe preguntarse… Pagará a pena tanto esforzo? Se o que se defende é a nosa reintegración na lusofonía, non habería que tirar a toalla e procurar outro sufixo?

Non sei… se cadra habería que reclamar agora o ‘.lus’… [Home, habíanos de recordar iso de "que ten moita lus, moita claridá", pero é o primeiro que se me ocorre...]. Ou que tal ‘.pti’ (portugués internacional)? ou o .gpt (galego-portugués)? Mmm. Había que pensalo.

Desde que xurdiu a iniciativa, unha morea de institucións e cidadáns particulares adheríronse á campaña do puntogal para crear o noso propio dominio… E eu pregunto:

Alguén desde este ou desde o outro lado da raia moveu un dedo para impedilo? Que fará o reintegracionismo se finalmente se consegue o .gal? Empregarao e exportarao despois ao resto da lusofonía? A lusofonía vai admitilo? Asumirao como propio? Quererannos copiar? Conseguiremos tolear o ICANN?

Boicot ao Priberam, o dicionario de portugués que nos chama "ordinarios" e "de pouco valor"

alema — Tue, 03 Jun 2008 22:00:46 +0000

Confírmase a miña teoría de que aos galegos nolas dan polos dous lados. Cando non esqueceramos aínda a polémica polo feito de que o dicionario da RAE sinala entre as acepcións de “gallego” a de “tonto”, vou ao dicionario online Priberam, un dos máis importantes en lingua portuguesa, e encontro esta definición de galego.

s. m.,: indivíduo da Galiza;
: dialecto da Galiza;
adj.,: da Galiza;
fig.,: ordinário;
: fraco;
: de pequeno valor;
Lisboa,: moço de fretes;; moço de esquina.

Pero isto que é? Como é posible que nos chamen ordinarios, fracos (que en portugués non signfica “delgado” senón “covarde”, “frouxo”, “insignificante”, segundo o mesmo dicionario), en definitiva “de pequeno valor”… E non só iso, senón que consideran que o que falamos aquí é un “dialecto“. Ata os lisboetas chegan a usar a palabra galego para referirse aos “mozos dos recados”.

E como é que ninguén protesta? Como é que permitimos ser insultados desta maneira coa que se supón que é a nosa lingua irmá maior, á que teoricamente debemos someternos sen protestar? Hai dúas varas de medir? Suponse que isto non é novo. Ninguén organizou ningunha campaña de boicot a estas alturas? Os que máis defenden a nosa reintegración na lingua portuguesa non son os que máis tiñan e teñen que protestar? AGAL pronúnciate já.

A síndrome do 'primo/curmán de Zumosol'

alema — Mon, 02 Jun 2008 12:42:04 +0000

Un dos argumentos que máis soan por aí para xustificar unha submisión total ao sistema lingüístico do portugués está baseado no número de falantes que ten esa lingua. Agora parece que todo se mide en función das cifras macro-lingüísticas.

Antes estabamos asoballados polo castelán (os españois considerábannos un “dialecto” da lingua deles), criticabamos o “imperialismo” da lingua castelá… E que solución lle damos a iso? Caer no mesmo erro.

Pasamos do imperalismo dun lado ao imperialismo do outro cando negamos a idiosincrasia, a personalidade deste idioma que falamos máis de dous millóns de persoas. Unha cantidade ridícula para moitos, pois con frecuencia necesitan recorrer ao primo/curmán de Zumosol en busca de axuda cando se senten asoballados polo avance do castelán.

Mesmo chega a asegurarse que o galego é unha lingua falada por máis de 200 millóns de persoas (!) nunha clara competición por ver quen a ten máis grande. Se a un portugués ou a un brasileiro lles din que o que falan en realidade é “galego”, escachan de risa… porque nin eles senten que estean a falar o noso idioma e o que é peor, a maioría aquí tampouco cremos que falamos unha variante máis do portugués.

Pero iso non importa. O relevante aquí é destacar que somos unha chea… burro grande ande ou non ande. Coma se outras linguas que non teñen a carón un primito de Zumosol (o euskera, ocórreseme, por exemplo, ou as linguas nativas asoballadas polo portugués nas súas ex-colonias) non tivesen dereito a ser potenciadas do mesmo xeito. Implicitamente créase no subconsciente a idea de que hai linguas de primeira (a nosa, que ten unha manchea de falantes) e linguas de segunda (as que, como non teñen un gran número de falantes, teñen que estar condenadas a desaparecer). Ou o que é o mesmo, sen o portugués non valemos un carallo.

Pois diso nada. O galego pode e debe sobrevivir perfectamente sen a tutela constante dunha major lingüística. Pode crecer coas súas características propias sen ser literalmente absorbida polo peixe grande. O cal non quita que sexa vergonzoso que non teñamos a posibilidade de vermos aquí as televisións portuguesas ou que se ensine menos portugués en Galicia ca en Estremadura. O saber non ocupa lugar, sempre e cando poidamos manter o que nos legaron os nosos antepasados a pesar dos séculos de atrancos.

Os 'tacos' reflicten a túa afinidade coa lingua

alema — Sat, 31 May 2008 22:00:07 +0000

Un amigo meu sostén a teoría de que, en sociedades bilingües, canto menos vulgares che parecen os ‘tacos’ dunha determinada lingua, máis afinidade tes con ela. Un exemplo: a palabra ‘cona‘ (galego) e a palabra ‘coño‘ (castelán). Unha deberíache soar máis vulgar ca a outra, non? Repara niso. Pois ben, se che parece máis vulgar ‘cona‘, segundo esta teoría, entón o teu subconsciente ten máis afinidade co castelán, e viceversa. O xogo é bastante divertido: proba a contrapoñer ‘polla‘ con ‘carallo‘, ‘joder‘ con ‘foder‘, ‘mierda‘ con ‘merda‘, ‘mear‘ e ‘mexar‘ e así un longo etcétera.

A min desde logo parécenme moitísimo máis vulgares e malsoantes as expresións en castelán ca as galegas (onde vai parar!), pero teño as miñas dúbidas. Non será en realidade que a idiosincrasia do galego admite mellor ese tipo de palabras ca o castelán? (de aí as protestas dalgúns castelánfalantes, que se preguntan por que hai tantos ‘tacos’ nas pelis dobradas ou subtituladas ao galego). E eu diría máis: non será que os que ven máis vulgares as palabrotas en galego teñen interiorizado un maior sentimento de auto-odio? Non o sei.

O caso é que, postos a trollear un pouco neste primeiro artigo, ocórreseme tamén que na cuestión dos ‘tacos’ é onde máis se confirman as miñas teses non-reintegracionistas. Hai algo máis popular, máis arraigado nunha lingua que as palabras malsoantes? Vedes posible que un galegofalante asuma como propias expresións lusistas como ‘bicha‘, ‘levar na bunda‘, etc. que xa teñen unha equivalencia en galego desde hai anos ou mesmo séculos?

E iso por non falarmos dos falsos amigos… En Portugal non lle pidas un ‘bico’ a alguén que non coñezas moito porque ‘bico‘ alí significa literalmente “unha mamada”; os ‘tomates‘ son os collóns (os ‘ovos’ ou ‘ghuevos’, vaia), e tampouco se debe dicir que fulana está tola ‘coma unha cabra’ simplemente porque alí ‘cabra‘ quere dicir ‘puta’.

Durante todo este tempo, estiven empregando o termo ‘taco’ para referirme ás palabras consideradas vulgares neste idioma. Pero xórdenme unhas dúbidas: É correcto dicir ‘taco’? A palabra ‘taco’ é un castelanismo? ‘Palabrota’ é un castelanismo? ‘Palabrón’ (do portugués ‘palavrão‘ sería un lusismo? Señores da Real Academia Galega, aclárenseme.

Tamazight das Canárias

post — Sat, 06 Jan 2007 20:33:12 +0000

As Canárias fôrom a primeira fronteira da colonizaçom ultramarinha espanhola e, igual que aconteceu no continente americano, a língua própria do arquipélago desapareceu por causa do “contacto” com os colonizadores, a partir do século 15. A dia de hoje, do guanche só ficam alguns topónimos e quatro palavras adaptadas aos particulares corunhos das Ilhas. Via Carabassa, descubro que agora há pequenos sectores, independentistas e reintegracionistas sui generis, que fazem esforços por introduzirem o tamazight, a língua bérber do norte da África que se considera emparentada com o antigo guanche.

E nom só querem recuperar a língua tamazight, mas também o seu antiquíssimo alfabeto, o tifinagh: