O San Xoán, a mellor festa do ano. Lume, paganismo, música, luz, comida, bebercio… calor e alegría. Este ano cadroume en San Xoán de Poio, así que a festa foi grande. Ademais das fotos, recollín testemuñas de certo pensamento masculino e do amor de mai que non imos tomar pola tremenda, senón coas ganas de rir que se reforzan neste gozoso tempo de verán.

Na cola das sardiñas, conversa entre o que pide e o que dá:

Diante da fogueira, amor de mai:

P.d. Poucas veces me custou tanto escoller as fotos para publicar, así que desta volta van moitas, e coas do lume e as ánimas que se congregaron ao seu redor fixen un vídeo, que está ao final do post. Procurei non usar flash, por iso moitas fotos están movidas e é aí cando aparecen as ánimas que saltan o lume.

E aquí o vídeo, se pulsas en HQ podes velo con alta calidade.

No YouTube mírase nun tamaño algo maior, non dei feito para insertado no blog así. Clica  aquí para velo.

Esta noite é a noite de San Xoan. A máis curta do ano… a máis máxica… (polo menos para os galegos…)

Esta noite centos de fogueiras salpicarán terra e area, como se as estrelas que nos protexen no ceo baixasen ó chan… Noite de desexos novos e vellos, noite para queima-lo malo de todo o ano e comezar de novo… Noite de conxuros, de amuletos, de herbas máxicas, de meigas, da santacompaña… Noite ancestral de mans entrelazadas, se saltar sobre as lapas, de fontes e augas….

Amencer de augas novas para limpa-la cara, para lava-la alma, para purificar o corpo e o fogar… E unha veliña para que nun ano nos protexa e nos dea forzas…

Para os curiosos…… máis sobre o San Xoan e xa sabedes tres veces… “Salto a fogueira de San Xoan para que non me morda nin cadela nin can“

O San Xoán non incluirá este ano no seu programa a corrida de touros que organiza desde fai 30 anos o empresario Juan Santos.

O motivo polo que non haberá este espectáculo é unicamente económico. O organizador solicita o apoio do Concello e os responsables municipais non están dispostos a achegar ningún diñeiro, aínda que si lle darán os correspondentes permisos para celebrar a corrida se os solicita e asume o risco.

Juan Santos afirma que na pasada edición o Concello só tivo que asumir unhas perdas de 1.516 euros, cantidade que até no Concello estarían dispostos a asumir. As condicións doutros anos é que empresa e administración local asumían os gastos de organización ao 50% e repartían o despacho de billetes. Se había perdas o diñeiro saía das arcas municipais.

A última posibilidade será cando Juan Santos visite Sarria a finais deste mes para falar novamente con membros do equipo de goberno e intente convencelos de que manteñan os acordos de anos precedentes, pero o acordo é agora mesmo case unha utopía.

A relación de Juan Santos con Sarria iniciouse en 1978 cunha corrida na que participaron Emilio Muñoz (actual comentarista taurino de Canal plus), David Luguichano e o rejoneador Fernando Sanmartín. Desde ese día sempre se encargou de organiza o festexo taurino no San Xoán.

O desembolso máis importante no caso de Sarria é montar toda a infraestrutura da praza portátil ao carecer a localidade dun recinto fixo. «Obríganos a desprazar a tres camións de grande tonelaxe máis todo o que custa montala. O gasto supón máis de 6.000 euros», afirma Juan Santos, que engade que non ten este problema en localidades como Benavente, León, Astorga ou A Coruña. Con unha praza fixa si sería posible que organizase o festexo sen necesidade do respaldo municipal.

Juan Santos afirma que nos últimos días recibiu chamadas de peñas de toda Galicia para reservar entradas. A máis numerosa é a de Cartelle (Ourense), cuxo presidente, Jaime Sousa, manifestoulle que este ano estaban dispostos a acudir en tres autobuses.

O empresario tamén manifesta que realizou numerosas visitas a Sarria para entrevistarse con membros do equipo de goberno e que en varias ocasións non lle recibiron. Esta acusación foi rexeitada polo tenente de alcalde, Pablo López, que manifestou que nunca solicitara unha reunión con el e que se o facía estaba disposto a concederlla sen ningún tipo de problema.

vía: la voz de galicia