Dume mankas rakontoj pri IJK far de ĝies partoprenantoj, jen kion raportas Germana televidkanalo ARD.  Ĝuu la elsendon se vi malĉeestas la eventon aŭ – pli bone – rakontu viajn impresojn kiel oni filmis, se vi partoprenis!

La nova televida anonco de bierfabrikanto Estrella Damm estas videoklipo el sveda bando “Billie The Vision & The Dancers“. La kerno de la anonco, registrita en la mirinda insulo de Formentera (apud Ibiza), temas pri juneco kaj la spirito de l’ Mediteraneo.

VIDEO: “Summercat“, Billie the Vision [youtube]

RIMARKO: Kiam IJK okazos tie?

Jen nova antaŭrigardo al la debuta epizodo el la kvina sezono de Lost, kie Jack kaj Ben planas vojaĝi reen al la insulo.

The Hills, la “reality show” de MTV estas televidserio kiu furoras inter adoleskantoj. Ĝi estas registrita, produktita kaj elsendita vere malsame ol aliaj ordinaraj serioj. Unue, male al aliaj televidkanaloj, MTV oferas ĉiujn epizodojn Interrete, senpage, kaj senŝanĝe. Ne estas baroj por ke homoj spektu ĝin; oni simple devas elekti en la retejo, kiun epizodon spekti. Ne nur la paĝaro havas la kompletajn epizodojn, sed ankaŭ intervjuojn, aftershows ktp. Se vi ŝatas la serion sufiĉe, eblas aĉeti DVD-on kun kromaj enhavoj (ekzemple DVD de la unua sezono).

La ideo estas: por fari monon per vendado de DVD, necesas ke multaj admirantoj aĉetu ĝin; sed por havi admirantojn, la plej bona maniero estas permesi, unuavice, ke interesatoj spektu la serion senprobleme. En la ĉapitroj montrataj rete, enestas anoncoj kiuj estas pagitaj aparte far de la anoncantoj. La televidserio eĉ posedas retan katalogon kun la vestaĵoj kiujn uzas la protagonistoj.

En Marto 2008, la unua epizodo de la tria sezono starigis aŭdienc-rekordon (ĉe kabla televido) por la celgrupo aĝa inter 12 ĝis 34 jaroj. Dum la sekva tago, tiu sama ĉapitro estis spektita interrete de preskaŭ 2 milionoj de (aldonaj) personoj. Tio estas bonega maniero krei ‘virusan videon’ – permesi ke homoj spektu “tiun televidserion, pri kiu ĉiuj parolas”. Provu fari tion kun aliaj programoj (House, Heroes, Prison Break…). Se vi maltrafis lastnoktan epizodon… pardonon.

La serio ne povus esti pli banala. Temas pri la vivo de superfluaj knabinoj, ŝiaj koramikoj, ŝiaj laboroj, festoj, la vestaĵoj kiujn ili aĉetas ktp. Estas speco da “Sex in the City” sed kun dudekulinoj de Los Angeles anstataŭ tridekulinoj el Novjorko. Sed ia fantazia Los Angeles tute wasp, sen latinoj, nigruloj aŭ azianoj. Nereala mondo kie knabinoj vivas vivon luksan kaj konsumeman laborante (supozeble) ĉe modo-revuo por junuloj. Ne eblas esti pli falsa. Sed surprize, teorie la serio estas reala, ĉar temas pri “reality show” sen antaŭpreparitaj tekstoj. Ne estas studiaj scenoj nek fonaj ridoj. Estas fantazia realo je reala vivo.

La formato ankaŭ estas tute malsama. Kutime, en televidserioj epizodoj daŭras 1 horon (45 minutoj + anoncoj); en The Hills, la ĉapitroj estas ege mallongaj – nur 15 aŭ 20 minutoj. Dum en tradiciaj formatoj estas 5 aŭ 10 protagonistoj, en la serio de MTV oni havas pli ol 30 ĉefrolulojn kaj CENTOJ da homoj kiuj ĉeestas en nur unu aŭ du epizodoj. Ĉiam kiam iu aperas, ankaŭ aperas surekrane sia nomo por ke ni sciu pri kiu temas (“Jason, eks-koramiko de Lauren”). Ŝajnas ke la televidserio estis kreita por Interreto, ne televido.

Depost la gazetaro, televido estas la medio kiu plej ŝanĝos pro la alveno de Interreto. Malnovaj formatoj, kiuj bone funkciis dum 50 jaroj, iom post iom iĝas malefikaj. Sed por entreprenistoj, la eblecoj estas tre grandaj. “Reality show pri IJK, direktoro?”

Mi hazarde spektis tiun filmeton de la eŭska nacia televido, adaptita al la verda kulturo… Mi tiel ridegis!

Sekvu tiun ĉi ligon por la subtekston en esperanto.

Jen subtekstigita skeĉo de la humura programo Vaya Semanita (Kia Semajno!) de la eŭska televido. La temo de la skeĉo estas la kliŝaj problemoj kun la eŭska lingvo; sed ĝi estas tiel proksima al la esperantistoj, ke mi preferis ne traduki, sed “adapti” ĝin laŭ nia komuna kulturo.

Liberpensantaj kaj liberprogramantaj uloj de Tel-Avivo proponas sian solvon por la palestin-israela konflikto. Dum diplomatiaj iloj ne multe funkcias kaj pac-tenantoj ne ĉiam sukcesas, oni celas interkomprenon kaj pacon pere de lingvo de ĉies bazbezonoj. Sekvante la frapfrazon “Amoru, ne militu“, oni invitas spekti erotikan tv-kanalon “Parpar” , kie aktoras tute pace araboj kaj judoj kune. La nura kondiĉo por aktori kaj aperi en la elsendo: esti naskita en la Sankta Tero. Titoloj de filmetoj estas ĉarme lokaj: “Sekso koŝera“, “La floro de milo kaj unu nokto” kaj klarigas intereson de ambaŭ flankoj. Aliroj al la paĝaro estas registrataj ne nur en Tel-Avivo kaj ĉirkaŭaĵoj, sed ankaŭ ene de araba mondo, kie pro sekureco kaj moralaj normoj ĝi maskas sin per “benzin-provizo“.

Noto: ni publikigas neniun bildon kune kun ĉi-informo, nek donas rektan ligon, malgraŭ la kutimoj de blogoj, ĉar supozeble kelkaj el niaj legantoj ankoraŭ ne atingis 18 jarojn.

La 2-an de majo en 2008 ĉe la retejo http://www.itvc.pl startis nova projekto: “TV – Esperanto” aŭ “Televido-Esperanto” !

Nia celo estas transdoni gravajn informojn por esperantistoj ne nur el Bjalistoko, la naskiĝurbo de la iniciatinto de la internacia lingvo, sed ankaŭ el aliaj partoj de la mondo, kie delonge la ideo de Esperanto estas konata. Ni elsendos programojn pri esperantistoj, iliaj sukcesoj, kluba agado, kongresoj, renkontoj ktp. Ni prezentos la plej interesajn libroeldonaĵojn, Esperanto-teatrojn, muzikajn ensemblojn, filmojn kaj vizitindajn lokojn.

Ni esperas, ke la projekto iĝos la diskuto-forumo por esperantistoj el la tuta mondo.

Kadre de la elsendoj de “Televido – Esperanto” ni lanĉis konkurson. La konkursajn demandojn vi povos aŭdi en kado de la elsendata programo. Respondojn bonvolu sendi al la redakcia adreso: “esperanto@itvc.pl”

Ni atendas ankaŭ vian personan komenton, kiun vi povas lasi en la retpaĝo de “Televido-Esperanto” sub la monitora ekrano.

Ni planas elsendi novan filmo-kompilaĵon en ĉiu 2-a semajno.

Bonvenon cxe http://www.itvc.pl por rigardi la nunan programon!

Bjalistoka Esperanto-Societo,
PL-15-282 Białystok, ul. Piękna 3, skr. pocz. 67, Pollando.
Retadreso: “redakcja@itvc.pl”

Vizitu la hungaran esperanto-asocian tv-elsendon ĉe : http://worldtv.com/esperanto_2.0_tv/

Tags: televido, esperanto

The Esperanto news site raporto.info reports some happy news, that Bialystock, Poland, the hometown of the founder of Esperanto, is creating an Esperanto television channel on the Internet to become operational in 2009. Here’s a complete video report (in Esperanto).

La Esperanta novaĵ-retejo raporto.info raports iom da feliĉigaj novaĵoj, ke Bialystock, Pollando, la hejmurbo de la kreinto de Esperanto, kreas Esperantan televid-kanalo ĉe la Interreto, kiu funckios je 2009. Jen la videa raporto pri tiu, Esperante.

Gabriela, bronzhaŭta kun nuks-koloraj okuloj, ŝatas naĝi. Francesca, kontrare, estas blondhara kaj ŝa-te-gas pentri. Ili ne estas fratinoj, sed similas. Ambaŭ estas pupoj dediĉitaj al personoj kun Down-sindromo kaj rapide fariĝas popularaj ludiloj en Usono. Helga Parks vendas ilin ĉerete po 2000 jare, dum aliaj ludiloj de Donna Moore estas uzataj por terapeŭtaj celoj en malsanulejoj kaj lernejoj. Tamen ne ĉesas polemiko: ĉu tiuj ĉi pupoj vere helpas toleri aliajn aŭ temas simple pri pasonta modo? Ni ludu kune en la komentoj.