پندرہ فروری کو ایک سیارچہ زمین کے انتہائی قریب سے گزرے گا لیکن اس سے کوئی خطرہ لاحق نہیں ہے، امریکی خلائی ادارے ناسا، ہارورڈ یونیورسٹی اور ایریزونا یونیوریسٹی کے اہلکاروں نے ایک مشترکہ پریس کانفرنس میں کہا۔ انہوں نے بتایا کہ وہ اس سیارچہ کی نقل و حرکت کا جائزہ لے کر اس نتیجے پر پہنچے ہیں کہ یہ ستارہ نہ زمین نہ چاند سے ٹکرائے گا۔ پینتالیس میٹر کے قطر والا سیارچہ زمین سے محض ستائیس ہزار کلومیٹر کے فاصلے سے گزرے گا جو اب تک ریکارڈ کیا جانے والا کم ترین فاصلہ ہے۔ یہ سیارچہ زمین سے ٹکرانے کے نتائج ڈھائی میگاٹن وزین جوہری بم کے پھنٹے کے نتائج جیسے خطرناکت ہو سکتے ہیں

ہندوستان میں چین کے سفارت خانے کے ذرائع نے دہلی میں چین کی ایک خاتون شہری پر جنسی حملے کی تصدیق کی ہے۔ چینی خبر رساں ادارے سنہوا کے مطابق اس حملے کے بعد چینی سفارت خانہ نے دہلی کی پولیس اور ہندوستان کی وزارت داخلہ سے رابطہ قائم کیا۔ چینی سفارت خانے نے اس واقعہ پر انتہائی غم و غصے کا اظہار کیا اور کہا کہ ہندوستان میں موجود چینی شہریوں کی سلامتی کو یقینی بنائے جانے کی ضرورت ہے۔ سفارت خانے نے ہندوستانی حکام سے مطالبہ کیا ہے کہ چینی خاتون پر جنسی حملے کی تفصیلی تفتیش کریں اور قصوروار کو گرفتار کر کے سخت سزا دیں۔ مزید برآں دہلی میں چین کے سفارت خانے نے چینی شہریوں کو چوکس رہنے کی ہدایت کی ہے۔ ہندوستان کے حکام نے بتایا کہ اس واقعہ کی تفتیش شروع کی جا چکی ہے اور یہ کہ چینی شہریوں کی سلامتی اور حقوق کو یقینی بنانے کے لیے تدابیر اختیار کی جا رہی ہیں۔ پولیس کا کہنا ہے کہ چینی خاتون پر جنسی حملہ کرنے والے شخص کو گرفتار کیا جا چکا ہے۔

گیارہ فروری کو روس کے وزیر خارجہ سرگئی لاوروو الجزائر کا دورہ کریں گے۔ وزارت خارجہ کے ترجمان الیکساندر لوکاشیویچ نے اعلان کیا کہ “گیارہ فروری کو وزارت خارجہ کے سربراہ سرگئی لاوروو الجزائر کا دورہ کریں گے تاکہ اس ملک کے حکام کے ساتھ مذاکرات کریں”۔۔ توقع ہے کہ الجزائر کے حکام کے ساتھ روس کے وزير خارجہ کے مذاکرات میں مالی کے حالات اور فنسطین اسرائیل تنازعہ زیر غور آئے گا۔

امکان ہے کہ صدر مصر محمد مرسی عنقریب روس کا دورہ کریں گے، قاہرہ میں روس کے سفیر اور عرب لیگ میں روس کے مستقل مندوب Serguey Kirpichenko نے اعلان کیا۔ ان کے مطابق مصری رہنما روس کا دورہ کرنے کی صدر روس کی دعوت قبول کر چکے ہیں۔ مصر کا سفر کرنے والے روسی سیاحوں کی حفاظت کا تذکرہ کرتے ہوئے روس کے سفیر نے کہا کہ نہر سویز سے ملحقہ مصر کے تین صوبوں یعنی پورٹ سعید، اسمالیہ اور سویز میں ایمرجنسی نافذ کر دی گئی ہے جبکہ غردقہ اور شرم الشیخ جیسے سیاحتی شہروں کے حالات مستحکم ہیں۔ سفیر موصوف کے مطابق گزشتہ سال بیس لاکھ سے زیادہ روسی شہریوں نے مصر کا سفر کیا تھا اس لیے شرم الشیخ اور غردقہ میں روسی قونصل خانوں کا قیام وقت کا ایک تقاضہ ہے۔

روسی شہر سوچی میں منعقد ہونے والے سرمائی اولمپک کھیلوں کے ٹکٹوں کی فروخت شروع ہوئی ہے، انتظامیہ کمیٹی کے ذرائع نے کہا۔ ذرائع کے مطابق روس کے شہری اور روس میں قانونی طور پر رہنے والے غیرملکی شہری سوچی اولمپکس کی ویب سائٹ کے ذریعے کھیلوں کی افتتاحی اور اختتامی تقریبات اور تمام مقابلوں کے ٹکٹ خرید سکتے ہیں۔

اطلاعات کے مطابق مہنگے ترین ٹکٹوں کی قیمت پچاس ہزار روبل یعنی سولہ سو ڈالر ہوگی۔ ساتھ ہی آئس ہاکی کے میچوں کے ٹکٹوں کی کم سے کم قیمت سات ہزار روبل یعنی دو سو تیس ڈالر ہے جو وینکوور اولمپکس کے دوران منعقدہ آئس ہاکی ٹورنامنٹ کی نسبت تیس فی صد کم ہے۔

طالبان کے حملے میں شدید زخمی ہونے والی پندرہ سالہ پاکستان طالبہ ملالہ یوسفزئی کو برطانوی شہر برمنگھم کے کوئین الزبتھ اسپتال سے فارغ کر دیا گیا ہے۔ ملالہ ڈھائی ماہ اس اسپتال میں زیر علاج رہیں۔ اسپتال کے ذرائع کے مطابق اتوار کے روز کی گئی سرجری کے بعد ملالہ کی حالت بہتر ہو گئی ہے اس لیے انہیں اسپتال سے فارغ کر دیا گیا ہے۔ پانچ گھنٹے کی سرجری کے دوران ملالہ کی کھوپڑی میں ٹائٹینیم پلیٹ لگائی گئی تھی اور کان میں ایک الیکٹرانک آلہ نصب کیا گیا تاکہ ان کی قوت سماعت بحال کی جا سکے۔