Skummelt. Eg ser: a) ku klux klan. b) ein stripete bøddel. Det er berre eit spørsmål om tid før vi ser eit bankran med nokon kledd i onepiece pyjamas.

Og visste de at det er den handlefrie dagen i dag? Det var det IKKJE på Moa!! Eg har pakka femti tusen julestjerner.

Sykt irriterende med folk som kjem inn fem minutt ETTER stengetid og du må late som at du har LYST til å hjelpe. Trust me, det har eg IKKJE. Bussen min går 18.25, og rekk eg ikkje den må eg anten bli henta eller ta neste buss.. som går 21.30.

Ah. anyfaaag- I dag er eg heime. Har kjøpt meg tre TONN med godteri, pluss min eigen einogeinhalvliter med Mozell som eg skal bælme i meg og bli feit! DONDRE PÅ FEM HONDRE. Blir meg. Eg var så lei etter jobb at eg brukte pengar på godis fordi eg syntes synd i meg sjølv. Eg tykkjer framleis det var ein ganske god idé.

Neste helg fekk eg bytta vekk jobblaurdagen og kan fare på BFK! YEAH!! Berre For-å-ha-det Kjekt! Med julemat og herlege mennesker. Eg gler meg. Blir deiligt.

No sit eg og ser Melodi Grand Prix Jr. Haha. DET er ekte underhaldning. Noreg sugde i år, det må berre seiast. Min personlege favoritt er gutten/jenta frå Sverige med namn Ulrik. Eg prøvde å søke opp songen på Spotify, men eg fann han ikkje. Ikkje på NRK nett-TV heller, som såklart berre har lagt opp alle dei elendige norske, psf. Nasjonalistisk. Skru på NRK no, derimot, så kanskje du får sjå. Ikkje akkurat no då, eg ser på sporten på TV2 akkurat no. JA, du høyrde rett. Men eg bloggar då, så du kan jo tenkje deg kor mykje eg følgjer med. HE HE.

Ok, tenkte eg berre kunne oppdatere sidan eg AKKURAT switcha over på NRK og GJETT kven som vann? Min favoritt, Ulrik.

Eg fann songen på Youtube. Du må spole litt før han byrjar. DIGG med sånne feelgoodsongar om at ein har det bra i staden for dei teite shitkidza frå Noreg som absolutt skulle synga om kjærleikssorg. Sorry Mac, du er ELLEVE år, ingen trur på deg. Go Ulrik!

JA OK. Mobb meg for at eg ser på Melodi Grand Prix Jr. Men eg er berre den som tør å innrømma det de “kule” ikkje gjer! EG ER EIN SUCKER FOR GOD UNDERHALDHING. Jepp, that’s right. Eg ser på Eurovision og.

No skal eg berre høyre på songen til Ulirk ein gong til. Den nye Håkan Hellstrøm seier eg. Eg trur eg må kjøpe CDen han sikkert skal lage etter dette.

Ookei. No skal eg slække og bli feit, must go.

Okei, så lukke er når ein kjem heim frå jobb, ENDELEG, og det var IKKJE ei sjel på Moa forutan blomsterdemonen som flytta på kassene slik at eg har ein stor blåkul på låret no (ok lang setning, pust: no), og finn heimelaga potetstappe og julepølse frå Stranda på kjøkkenbenken. Deiliiig. Eg elskar potetstappe. Eg kan ete potetstappe til eg veg 500 kg, og det berre av poteter. True. Uansett. Lukka er også å ta ein dusj, lang lang dusj, og bruke opp resten av varmtvatnstanken. Lukka er så å finne reine ullvangsokkar og ein lilla bomullssykkelshorts frå nittitalet som ein kan sove i.

Lukka er å leggje seg å sove.

MEN ULUKKA! DEN er å finne at mor har VALSA inn på rommet mitt og strippa senga mi for laken, dyne og pute og teppe og alt anna og så lagt mykje ubretta klede oppå  senga saman med reint sengety. For NO var det på tide å skifte sengetrekk.Jaaada. Her hadde eg BERRE lyst til å leggje meg. Dei som var der frå før hadde vore på i litt mindre enn 6 veker. Er eg ekkel når eg seier at det hadde ikkje vore meg i mot å sove i skitne sengety? Limegrønne KREPPA ( kjærleik) og mjuuuke sengety? Uansett. Eg hadde altså dusja, slækka og ete og var klar for natta, der eg NYDUSJA OG REIN måtte re opp ei dobbelseng og ei ekstra lang dyne! F M L. Eg byrja SÅKLART å svette igjen og no må eg altså dusje i morgon tidlig og.

Eg har forresten erklært meg sjølv som kongen av ha-på-dynetrekket-ut-inn-metoden i residens Wold. (Nei, IKKJE fordi mamma ikkje brukar den, men fordi EG er så særdeles effektiv. Og pappa, re opp? Ha.) Du tar altså å vrenger dynetrekket, tar tak i to hjørne, på innsida, som i røynda er utsida, tar igjennom dei tak i dyna, rykker til, pøtar litt overflødig dyne og VOILÀ! Kongen av dynetrekket har slått til igjen. (Det er meg).

Vel. No har eg brukt opp resten av batteriet på Bosse, og skal lade han til morgondagens skuledag. Torsdag. Nesten fredag og klart for Minor Majoritykonsert! Jaa!

Nattis lattis.

Ingridwold

Så eg var på jobb i går. Det var altså klart for impuls kundeklubbkveld, og det var seriøst femti millionar menneske på Moa, og eg såg fleire kjentfolk enn eit slektstreff på Vikebukt. Men uasnett. Det var tilbod over ALT og gjett kva eg fann! JO: ei vintagelooking Star Warsskjorte for HUNDREOGTJUE kroner! SCORE! Den har Luke Skywalker med lyssabelen i framgrunnen og Prinsesse Lea og Obi Wan i bakgrunnen. Nøgd ja.

Anyfag. Har gymprøve i dag, og dei brøda som fungerar som gymlærarar gav oss 120 sider å lese på 2 dagar, då alle først hadde fått vite at det var eit heilt anna pensum. LOL Som om eg tek faget gym seriøst uansett. Eg skumma over sidene i går kveld og la meg.

Så eg var jo ganske trøyt i dag då, jobba både i går og kvelden før og i dag og, så det har ikkje vorte noko rom for middagskvilar. I dag derimot, skal eg leggja meg tidlig og i morgon skal eg leggja meg rett etter middag. Eller noko sånt. For eg var som sagt trøyt i dag tidleg, Og ikkje nok med det, mamma køyrde oss til skulen. 5 meter ned i oppkjørselen stod seriøst naboborna sin kanin. MIDT på vegen. Vi stoppa og venta på at han skulle flytte seg. Men det skjedde ikkje. Mamma sendte meg ut frå bilen for å jage den vekk. Eg hadde allereie hatt på meg selen. Eg måtte faktisk springe og hisse heilt til eg kom om lag ein meter vekk før den late bomsen gadd å flytte den feite ræva si.

I tillegg til det då, så fann eg dette biletet her i går. Det var på ein annan blogg, men eg hugsar ikkje heilt kva for ein. Uansett.

For dette er FEIL. Den som har laga denne plakaten har ikkje budd på Sunnmøre! For oh mai gad, finn du meg dansande ein kald novemberdag i regnet så får du herved lov til å slå til meg. Dette er HEILT klart laga av nubs som bur i California eller noko. JADA, de kan gå å danse i regnet i TREDVE varmegrader. PURE HAPPINESS folkens, det er å danse i solskinnet! Eller inne! Eller berre solskinn! Og eg HAR dansa i regnet. Ikkje kom her og lag klisjebilete når det IKKJE ER SANT. Eg ser igjennom dykk.

Anyfaaaag. Engelsklæraren vår er sjuk.

OH! Eg har sykosladder å fortelje dykk. Haha. Så Lee, ein kompis av meg i USA kunne informere meg om at J (skal ikkje nemne namn) var utro mot Amber. Eg spurte “haha, for ein idiot! korleis fann ho det ut?”. “nokon såg det på bussen og sa det til han”. “Kyssa ho han på BUSSEN? HAHA! for ein idiot”. “Nono, she gave him head”. Eg berre tenkte: Kva i all verda er det som FEILAR dykk?! Jada. Dette er USA. Og trust me, seteryggane på gule amerikanske bussar er IKKJE høg. Om du lettar litt på hovudet får du lett innsyn altså. Finn dykk eit rom da i det minste. OH MAI GAD.

Eg hatar rosa, egentleg. Men no, har eg kjøpt meg ei leppestift med rosa farge på og den ER SÅ FIN. Så i dag er leppene mine rosa. Og eg er fornøgd. Og eg veit at eg no går imot prinsippet med å blogge om kva eg har på meg, MEN når det gjeld feminine ting som leppestift så MÅ eg berre.Meget feminint.

Eg har og lakka neglane mine i ein farge eg trudde kom til å vere skikkeleg kul. Men det viste seg at dei vart skikkeleg harry i staden. Jaja.

Kva kan eg seie? Slikt skjer. Heldigvis er eg så kul at alt som eg har på meg er ultrakult.

Emilie er også veldig søt i dag.

Nesten like søt som meg. HE HE HE.

ALLE eg snakkar med (nesten då) skal no på butikken å kjøpe godteri. Eg har vore godtesjuk i HEILE dag. Eg har SAUMFART huset fleire gongar, og kva har eg funne? EIN docpastill. EIN!!! Det var den siste som var att i posen, og den posen har vor der sidan før eg for til USA. Eg åt den likevel. Eg har vore heime og det einaste eg har ete er: to skeier med potetmos, kanskje ein dl med middagsmat, og ein kopp te. No vil eg ha godis. Kan nokon fare å kjøpe 2 små fox, 1 kindereggsjokolade og ein ananasbrus til meg? På førehand takk.

Sånn er det å bu heime hjå meg. Det eg får som svar når eg er godtesjuk er dette: tørka frukt (NEEEEEEI! HAT!), eple eller eit knekkebrød.

F M L.

Framleis sjuk. Kva gjer ein då? Jo. Spelar Sims. Eg flytta alle tinga mine ned i kjellaren for ei stund sidan, og då forsvann simsspelet mitt. Eg tok det ikkje med meg til USA ein gong, så eg har faktisk ikkje spelt sims på lenge. Men det er artig! For no har Thea fått sendt opp ein del CDar i posten, og trur du eg ikkje spelar med ALLE ekstrapakkane til Sims! Det er ikkje berre sånn to, nei nei. Men eg tenkte altså at eg skulle introdusere dykk til nabolaget eg lagde etter at eg fylde opp Hyggenes, og fann ut at dette var ein mykje betre idé. Velkomen til Bæsjeby.

Møt alle familiane i Bæsjeby: Poo, Flug’aLort, Los Dritos, Crapstad, MacFart og O’Shit.

I dag lagde eg ein ny familie. Og DET var kjekt. For HERLIGHET det er heilt PSYKO ting ein kan gjere der. DETTE vart eg møtt med i dag! Blei redd.

Vanskeleg å bestemme seg. Gorilla eller dykkermaske?

SJÅ HER DÅ! Ein kan ha SPIR på husa sine! Wått the fåkk, tenkte eg! Ein kan iallefall ikkje la vere å bruke spirfunksjonen. Vis du ser godt etter er det også ein svær gorilla bak eine palma.

HERLIGHET det er KEISAMT å vere sjuk.

Eg har ein CRUSH på deg, Rupert. Og sjølv om du har eit ballstøgt namn, så kan eg gifte meg med deg.

Eg håpar du les det her Rupert! (Eg håpar også at du kan norsk). CONTACT ME ON MY EMAIL, RUPIE PLZ.

Ja. Vi bør kanskje gjere noko med det namnet. Eg meinar, Ingrid Grint. Trur ikkje det. Rupert Wold. Eja.

Men okei, smart som eg er. Må ein ha ein plan B. Viktig det veit de. Så her er ein heilt ok nummer 2. LITT i skuggen av min Rupert då, men likevel ganske næis.

Viggo viggo viggo. beskjed til deg: IF IT DOESN'T WORK WITH ME AND RUPERT, CONTACT ME ON MY EMAIL PLZ.

Han er jo GANSKE søt da.

I WILL BE WAITING PATIENTLY!!!!!!

Eg har tatt svinevaksine. No kom biverknadane. Eg trudde fyrst det var derfor eg var blå på låra. Svinevaksina.

Andre biverknadar er og den fallande lysta til å gjere noko i helgene. Eg hadde planlagt å ta meg ein tur ut, men fekk berre ikkje lyst. Eg fekk den der “æsj, byen.”, ikkje sant? Det enda med at eg for til Stette, såg tidenes chick flick og fekk mor til å hente meg. Produktivt, spanande.

Eg har vondt i houvudet og kroppen verkar. Arma mi spesielt. Dumme vaksine.

I dag var eg på jobb. Sjølvsagt, det er jo laurdag – kva anna er der å gjere? Det nærmar seg jul og det nærmar seg julekaos. I dag hadde dei til og med moteshow på Moa Gård. Med julemusikk. Og alle flokka seg rundt scena, aaaakkurat så trangt at eg måtte gå rundt og tilbake til butikken, rundt Telebutikken og opp ved Lindex for å skaffe meg ein banan og dagbladet til lunsj. Som det no går opp for meg at eg har gløymd på jobb. DRIT, eg skulle lese det i morgon. No må eg lese VG i staden. Æsj. Jaja, ei avsporing.Eeeh.. skal vi sjå. JO! Rockin around the Christmas Tree runga i salane på Moa idag. Og ikkje Brenda Lee (org. ver) heller, neida. NEIDA. Ein stygg versjon av den av ei eller anna tilfeldig popdiva. Eg skulle akkurat til å sei til kunden min “Ja, NO er jula her!” litt sarkastisk, som at eg ikkje syns noko om at dei starta så tidleg, då eg såg at ho haldt takta med foten. Det finst ikkje normale menneske i verda. Berre meg. Eg lovar.

No skal eg sove, for i morgon skal vi på familiebesøk til ytre søre Sunnmøre til bestemor. I går sa pappa at vi skulle fare i “elleve-tolv-tida”. I kveld blei det til “mjaa, ti-elleve-tida, fer vi!”. PERFEKT.

Låra mine er framleis slåande blåe. Eg har kjøpt meg ny bukse. Eg er ein smurf.

Eg sit her. I min store og heile fleecemakko med fot og sjølvlysande rakettar på og tenkjer: når er det ok for meg å leggja meg? Eg har gjeve opp å lese til engelskprøve no. Eg skreiv eit lett samandrag om engelsk politikk, og skal ned å printe det ut no snart. For eg treng energi til i morgon. Fordi eg skal på skule? nei. Fordi eg skal på jobb? Nei. Fordi eg skal på JULEGAVESHOPPING med MOR! Mamma lar tilsynelatande alle avgjerdingar om julegåver vere opp til meg, sjølv om ho likar å ha kontrollen. Så kva er resultatet? Timesvis med mor mi og ei handlevogn travande på Moa. Eg og mor trives i lag. Men eg og mor trives ikkje ilag om vi er ilag for lenge. Begge to er nok semi-irritable til tider, og det kan gå utover den kvardagslege samtalen. Men, eg tenkjer, om eg legg meg tidleg nok, går det nok bra.

No har eg gått inn i avslappingsmodus. På meg har eg som sagt, pyjamas, og på spotify låter det søte lett-å-like jazztonar frå Melody Gardot. På bordet har eg ein kopp med varm mjølk og ei skei honning i. Og eg seier det. Det INGENting som er betre sovedrikk enn det og det meinar eg.

Trykk her for spotifylinken til ein av dei eg likar best, av Melody Gardot!

Her er tidenes finaste nattasong. På norsk. God natt !

Ja. Det er ikkje usannsyneleg at eg treng nokre sånne sangar, ein kopp varm mjølk og ei mjuk seng i morgon heller. Etter handleturen til eg og mor.

God natt, verd.

ja, NO har eg vore heldig. For lukka mi har snudd! Min rompedag i går, blei etter skulen snudd rett opp ned på hovudet! Rett etter skulen for eg og Solveig opp på Moa, fordi eg skulle hente ei bukse eg hadde sett av. Så gjekk vi forbi den der kule gangsterbutikken atmed Sunn&Nam, Sessions. Der hadde dei ein konkurranse om å kaste tennisballar inn i eit hol. “Skal de vere med på ein konkurranse?” Spurte dei. Eg grynta noko, medan Solveig ja. Solveig vann ikkje noko, men då eg skulle prøve vann eg! På tross av mine ikkjeverande hand-auge koordinasjon, som eg måtte annonsere, for å ikkje verke så dårleg når eg ikkje traff, så kasta eg to tennisballar inni eit lite hol i ein vegg og vann ei t-skjorte! LUKKE. No er det LIKE før eg melder meg på ein eller annan ballsport. Den norske Michael Jordan. Kvinnelege norkse. whatever.

Keiar du deg i norsktimen? Er du lei av norkslærarens konstante jatting om uinteressante tema?  Då treng DU mine tips! Velkomen til Ingrids overlevelsesguide!

1. Nummer ein er sjølvsagt bloggar. Og den fyrste bloggen du alltid klikkar deg inn på er sjølvsagt min. Er du ny i bloggverda, og leitar etter artige bloggar kan du til dømes besøke Overklassen eller Lars Tangen. Typiske bloggar som er artige i kanskje.. ei veke.

Har du allereie satt deg inn i bloggverda og er kome over dagens-outfit-nå-regner-det-blogger, kan eg anbefale desse bloggane:
Linnea (anbefalast!)
Christina Fraas (framleis ein heil del om mote, men veldig ironisk og morosam)
Jorunn (ein blogg iallefall eg likar å lese -artig og personleg)
Barehenning (bloggar om alt mogleg, ganske direkte)
My Boyfriend’s a twat

2. Facebook har du allereie logga deg på, oppdatert status, og gratulert alle som har bursdag i dag. Det er ingen fleire notifications. Du treng heilt klart noko nytt. Det eg kan anbefale for det er Helicopterspelet. Enkelt og eit nydeleg tidsfordriv.

3. Ellers bør du logge på msn og dra igang spelet Kabaloppgjør med ein ven!

4. Eit fjerde tips er sider som alt om sex og klara klok !

Ok. Så blei eg strengt tatt ikkje ufordra. Som eg veit om såklart. Antakjeleg har ingen utfordra meg, men det gjer ingenting. Eg las nemleg nokre bloggar der dei hadde blitt utfordra, og tenkte at eg hadde og lyst til å gjere det. Så. Hehey. Eigenrådig som eg er, utfordrar eg herved meg sjølv.

1. Skriv 10 ting om deg sjølv.
2. Legg ut eit bilete som er eit av dine beste minner. Fortel om det.
3. Legg og ut eit bilde du likar, og fortel kvifor.
4. Og eit bilde du IKKJE likar, og kvifor du ikkje likar det.
5. Så utfordrar du fem til.

altså.
Ti ting om meg sjølv. Der er tusen millionar ting om meg sjølv. Vel eg ti positive ting her, eller ti nøytrale ting? Negative er såklart ute av biletet, i og med at eg ikkje har ti negative sider. HØHØ.

1. Eg er ikkje flau. Og eg tykkjer det er naturleg å rape. Eg kan sjølvsagt begrense meg til lavmælte rapar når det passar best, og når eg seier at eg tykkjer at det er naturleg å rape, meinar eg ikkje at det er naturleg å rape i fjeset til andre. Noko som eg prøvar å unngå. Men lufta må ut, og spør du meg er rap mykje betre enn ein promp. Ikkje skam deg for at du rapar.
2. Eg er evig fascinert av Jan Thomas. Medan alle kanksje tykkjer Jan Thomas er teit og irriterende vil eg seie det motsatte. Han er herlig og glad til ein kvar tid. Jan Thomas er så..fabolous!
3. Eg er ikkje frå Skøye. Haha- har du merka det? Ja, eg har nok ikkje den lettaste dialekta å plassere, i og med den er ganske utidig og blanda av ulike ting. Mange gonger har eg høyrd at folk har spurt “kvar er det eigentleg Ingrid kjem frå?”. Svaret blir ofte : æææh..”. Men for dei som lurer framleis, så budde eg ti år av mitt fartsfylte liv i ei lita traktorbygd i Romsdal, Tresfjord. Ofte omtala som Thaifjorn.
4. Klønete. Eg kallar det berre dårleg koordinasjon. Eg rundar hjørner for tidlig, og slår meg og tryner rett som det er. Men ein blir van med det.
5. Eg jobbar på ein blomsterbutikk. Og vis du lurte, så skal ein vatne alpefiolen frå skåla, ikkje frå toppen, fordi det er ei knollplante og då er det lett at den råtnar og DØYR. Ellers pass på at jorda er jamnt fuktig og at den får dagslys.
6. Eg er 172 cm. Bestevenninna mi, Katrine, er eitt og eit halvt hovud lågare enn meg. Vi heng ein del ilag, så på grunn av skilnaden i høgde ser eg så ute av dimensjonar høg ut, og ho gjerne ute av alle dimensjonar låg ut. Men slik er det ikkje. Eg er berre 172 cm, og ho 155 cm.
7. Eg tykkjer tær er usexy. Tånenglar og tær er i følge megsjølv det mest uattraktive på ein menneskekropp. Sjå for deg ein modell, ein høg mørk Italian stalion, med mørkebrune lokkar på hovudet, definerte musklar og stygge, gule tåneglar med 4 fotvorter og hår på rista. Neitakk, då tek eg heller ein Italian stalion med lefsete tennissokkar.
8. Eg budde eitt skuleår i USA. Nærmare bestemt Arkansas. Midt i tjukkaste redneck-howdy ho y’all-kentucky fried chicken-skauen.
9. Eg er kristen. Har vore det sidan den dagen eg fann ut at eg ein eller gong hadde vorte frelst. Ganske kult. Dog noget liberal.
10. Eg likar Jazz. Ikkje alle former for jazz sjølvsagt.

Dette er eit av mine beste minner. Ein av dei siste dagane eg hadde med den råe, dritbrae, herlege, elskbare familien min i USA. Og vi er akkurat slik vi er på biletet til vanleg. (Og då meinar eg ikkje at eg og Joy er fjortissar, nei. Haha) ahh. Eg kjenner eg blir skikkeleg nostalgisk. Dette biletet bringjer alltid frm kjensler. <3 Det her er altså graduation, og eg fekk ha på meg den fine kappa og papphatten. Lincoln High School forever. So fresh, so fine- class of ‘09!

Dette biletet likar eg. En knall kveld før konsert i fjor (?), då eg og Kætty stilte oss opp og poserte, og ein random fyr i cheerleaderkostyme kom og poserte med oss. Ein som vi seinare fann at var min eks-nabo. Var liksom noko kjend med han, men ingen av oss greide å plassere det. Jaja. Good times.

Eit bilete eg IKKJE likar. Riise i truse. Eg såg det ein gong eg las Topp, for mange herrens år sidan. Og det har printa seg fast i netthinna mi. John Arne Risse, med det flate trynet og den ekle personlegheita i ei svett TRUSE. ÆSJ. Eg trur ikkje eingong å forklare vidare kvifor eg ikkje likar dette biletet. Grøss.

Eg utfordrar:

Katrine, Henning, Ragnhild, Jorunn og Helga

ingridwold

I morgon skal eg bade. I basseng, ikkje i sjøen. Eg skal ta bussen tidleg i morgontidleg saman med tyskern. Vi skal til Kristiansund. Atlanterhavsbadet. Tante Marta og ein skokk med syskjenborn skal også.

Eg har ikkje barbert leggane mine. Eg elskar å bade. Eg hatar å barbere leggane mine. Det er litt tiltak å barbere leggane sine, veit du? Ein må ha av seg buksa, ein må styre med barberskum, barberhøvlar, det blir ofte søl overalt, ein må dusje, og når ein er ferdig, ja, då må ein jammen meg fram med bodylotion og. Eg skal ikkje lyge. Det er 2 veker sidan e barberte leggane mine. Det var berre fordi eg skulle ha på meg kjole, og at håra var så lange at dei stakk ut igjennom strømpebuksa. Eg brukar bukse eg. Ein treng vel ikkje glatte leggar då likevel. Eventuelle personar som måtte kjenne eller sjå på leggane mine i andre samanhengar, må nesten berre forberede på at der er det hår. Ja. Mest som ein skog kanskje. Grantre. Stikkete grantre. Når ein barberar leggane sine nok gongar kjem håra opp att, men då som illsinte, kvasse torner og bustar. Sånn er det med meg. På leggane mine er der ikkje mjuke hår. Det er sinte hår.

Eg meinar, legghår. Det har ikkje eingong med komfort eller sjølvbilete å gjere. Andre kroppshår som til dømes armholehår, er irriterande og veldig in-your-face når du står opp. Det er lett å ta bort. Det ser rett utidig ut, armholehår. Legghår. Det er liksom ikkje i speilet da, speilet mitt er ikkje så langt.

Kanskje skal eg melde meg inn i ei feministgruppe, for å kunne ha ei legitim unnskyldning for å vere robust og spare på legghår.

Og i morgon skal eg bade. I basseng. Med mange folk. Med mange andre jenter. Jenter som har barbert leggane.Eg får gå å barbere leggane. Og no har eg utsett det enno lengre, og då vil eg bruke enno mindre tid på det. Ahh, kom barberingslyst og treng deg på, her skal du motstand få.

Men no går eg.

I say only this: damn you samfunn, som har bestemt at legghår er ukult.

Eg skulle ynske at legghår var kult.

Jaja.

Ingridwold

Hallo. No har eg norsk.Og det er keisamt. Dagen i dag har vore lite innhaldsrik, så du kan seie eg keiar meg litt. Sjølv  likar eg ikkje ordet å keie seg, eg brukar omgrep som “slappe av” eller liknande i staden, og då keiar du deg plutselig ikkje lengre. Men her er det ikkje lett å slappe av. Ja, eg kunne sjølvsagt fulgt med, men eg veljer å ikkje gjer det idag. Så får norskkarakteren min lide litt, forhåpentlegvis ikkje så mykje, men det er verdt det. Eg vil heller skrive om visvas på den relativt upopulære bloggen min for å få tida til å gå fortare og stenge ut viktig/uviktig informasjon om etos og patos. Eller whatever.

Det ligg ein død fugl utanfor vindauget. Han flaug rett inn i glaset i forrige time, det kom deretter eit dunk, og så falt han ned på murverandaen. Eg vil ikkje beskrive det meir, for eg berre høyrde om situasjonen i friminuttet. Men eg har sett fuglen no. Eg og Guro tok akkurat ei avgjerde om å kalla han Truls. Stakkaren berre står der. Han er ikkje daud. Vi prøvde å kaste brødsmular til han men han bevegde seg ikkje mot dei. Vi stod utoverlent ut or vindauget, men vi kunne berre sjå at han blunka med auga. Det er ein gul kjøttmeis. Han heiter Truls og er ein kjempeliten. Ein skjønn kjøttmeis, ja, han kan til og med beskrivast som ein minimeis. Er ikkje det forferdeleg? Kva skal eg gjere no? Dødshjelp eller ikkje gjere noko for å unngå å gjere det verre? Han heiter Truls! Vi kan ikkje myrde Truls! Eller: han heiter Truls! Vi kan ikkje la Truls lide! Eg trur ikkje han kan fly. Og kva har han å leve for då? Kva er det rette å gjere?

Ellers har Marte farga håret. Det er brunt, med litt raudt skin i. Det var fint. Eg skjønar ikkje korleis folk blir fine når dei plutseleg fargar håret. Eg farga håret mitt i niende eller tiende klasse, raudt, og det blei IKKJE fint. Eg som har litt raudskin i huda burde jo sjå sensasjonell ut i raudt hår. Det var faktisk så lite pent at tantene mine ikkje ein gong tok seg bryet med å lyge. Ikkje at dei lyg, men det er lett for dei fleste å pynte litt på sanninga i det minste, når du niesa di har farga håret sitt ljosande raudt. Men, fargen gjekk no tilslutt ut, og det blei forandra til jordbærblondt, heilt til det omsider blei min vanlege hårfarge (dette var sånn 10-dagersfarge, men var meir 10-månadersfarge. For å seie det sånn).

Det er fredag i dag, forøvrig. Det har vore ei travel veke med alt for lite søvn, ein del jobbing, mykje lekse, og dårleg vêr. Eg merkar det veldig fysisk på kroppen når noko er gale, for min kropps reaksjon på stress og anna negative mellombelse ting er rett og slett mykje naseblod. Eg vaknar med naseblod, eg går til sengs med ein nase som akkurat har slutta å blø. Det høyres ganske ekkelt ut. Eg veit, men sånn har det vore så lenge eg kan hugse. Frå den alderen eg fekk lov til å rangle har eg kjend verkningane gjennom naseblod. Om eg snufsar litt når eg er forkjøla, og kroppen generelt er sliten: naseblod. Stressa, nervøs: naseblod, haudeverk: naseblod. Brutalt. Jaja.

Men no er det helg, og det blir kos! Mykje ting som skjer, og sundagen er såklart sett av til å sove, slappe av og ta igjen litt lekser..

God helg!

I dag fekk eg meg eit lite sjokk. For når eg tok min daglege surf over nyheitssidene på verdsveven, kom eg over noko som, ja, daska meg litt i fjeset. For meg har det lenge vore kjend at kjendisar ikkje er noko anna enn vanlege folk. Men når eg såg det her, ja då var det noko som skrudde seg på i hovudet mitt. For kjendisar ER faktisk vanlege folk! Eg såvår alles kjære tidligare president George W. Bush i Crocs. Ja, i ein slags bronsefarga skinande tekstur med svarte sokkar og shorts attåt. Ein skulle tru at tidlegare presidentar har personlege stylistar, eller har lært noko frå dei, sjølv om ein skal vere casual. Her har tidlegare presidentar full dekning av Secret Service heilt til dei døyr (t.o.m 2008, etter det blir det 10 etter dei har gått av.), men å ha på seg sko, som folkeleg er omtala som “douche wear”, DET greier han. Eg veit ikkje om dette er Bush sitt forsøk på å vere folkeleg, og kanskje verkar det, men ikkje veit eg om det er det slag positivt. Eg syntes det nesten er litt ubehageleg. Å vite at Bush går i Crocs. Det er som at eg no skjønar korleis Crocs egentleg ser ut. EG går i Crocs (Berre på jobb!). BUSH går i Crocs. Og du går sikkert i Crocs nokon gongar du óg.

Det er som eg plutseleg skjønar korleis Crocs ser ut. Eg har jo lenge visst at idéen med oversized plastikktøflar/båtar er heilt latterleg, men at det skulle ta ein tidlegare president med bronsefarga Crocs i svarte sokkar, nei, det trudde eg ikkje. Eg veit eg ikkje akkurat ser kul ut i limefarga Crocs med ei matchande Mester Grønn arbeidsskjorte, men det er komfortabelt. Men ser eg på linje ut med Bush på veg til piknik med kyrkja, ja, då trur eg kanskje eg skal revurdere skovala mine i framtida, sjølv på jobb.

Haha. Dette er vel egentlig litt tragikomisk. Det er skikkelig latterlig skotøy, men eg kan ikkje flire så altfor godt sidan mine egne limegrønne crocs er planta på som fast skotøy på jobb.

Uff.