Kontzertu honen kronika Josuri, gure Euskerako irakasleari, dedikatua dago, Jon eta Simonek idatzita.

Jon eta bere beste hiru lagun Pasai Donibanera hurbildu ziren hain gustuko duten Berri Txarrak taldearen kontzertuaz gozatzeko. Ekitaldiaren lekua bertako kiroldegia zen. Aurretik beste bi talderen ikuskizuna ikusi eta gero, hamaika eta erdiak aldera Berri Txarrak-en irteeraren zain geratu ziren.

Baxujolea eta bateriajolea dagoeneko eszenatokian zeuden, eta Gorka Urbizu kitarjole eta abeslaria irten bezain laster jotzen hasi ziren, ezer esan gabe. Lehenengo kanta azken diskoko azken abestia izan zen: “Gelaneuria”. Hasieran jo zituzten kanta batzuk “Stereo” eta “Hil Nintzen Eguna” izan ziren, beste batzuen artean. Hiruzpalau kanta jo ondoren, Gorkak ikusleak agurtu eta kontzertura joan izana eskertu zien. Momentu horren ostean, taldea berriro ere beraien musika erakusten hasi zen. “Espero Zaitzaket” eta “Jaio.Musika.Hil” izan ziren aukeratutako kanta batzuk, jendeak primeran jaso zituen kantak.

Gorkak hurrengo kanta aurkeztu zuen: “Kantu hau Tolosako Bonbereneak grabatu zen, Peruren hitzekin”, eta berehala gaueko kantarik emotiboenetako bat jotzen hasi zen: “Min Hau”, ikusleek asko gozatu zuten kantua. Aspaldian jotzen ez zuten kanta batek ere, “Kanta Goibelak”ek, bere tokia izan zuen beste eguneko kontzertuan. Azken diskoko (Jaio.Musika.Hil) kanta asko jo zituen taldeak, horien artean “Zertarako Amestu”, “Isiltzen Banaiz”, “Bueltatzen”, “Berba eta Irudia”… eta abar. Horietako kanta baten hasiera, “Oreka”rena, benetan berezia izan zen. Hamabi bat abesti jo eta gero, “Bisai Berriak” kantua jo zuten eta gaueko azkena izango zela esan zuten. Eszenatokitik alde egin zuten baina, momentu batzuk geroago, baxujolea sartu zen argiak jaitsita zeudela. Bere instrumentuan arpegioak egiten hasi zen eta oso komuna ez den pedal bat erabili zuen soinu-efektuak sortzeko. Eta orduan, bi minutu igaro eta gero, “Oreka” abestiaren introa jotzen hasi zen kontzertua jarraitzeko. Jendeak oso ondo jaso zuen kanta hau, ezagunenetakoa da eta.

“Eskuak” kantak, Euskal talde batek duen kantarik motibanteenetarikoa batek, jarraitu zuen emanaldia. Abesti honetan, kontzerturo, ikusleak txaloka hasten dira kantak hau dioenean: “Arriskua txalotzeko, eskuak”. “Kezkak” eta “Denak ez du Balio” kantek eman zioten amaiera kontzertu izugarri honi. Azken kanta honen bertsio originala Rise Against taldeko abeslariak kantatzen du eta kontzertuan honen lekua publikotik hautatutako neska batek bete zuen. Gorkak ea nork abestu nahi zuen kaldetu eta neska hau aukeratu zuen prest agertu zirenen artetik.

Joan zirenen ustetan, kontzertua benetan ikusgarria izan zen, edonoiz errepikatzeko modukoa.

Zer Josu, Kohesio falta??