Tags » კრიტიკა

ორ სიტყვაში რუსული იმპერიალიზმის ფსიქოლოგიური პორტრეტი

თითქმის სამასი წელიწადია, რაც რუსს ჩასჩიჩინებს რუსული კულტურა, კაცობრიობის მესია ხარო. ჯერ რუსული მართლმადიდებლობით ქადაგებდნენ კაცობრიობის გადარჩენას, ახლა – რუსული სოციალიზმით. ამან ისე დააჩლუნგა უბრალო რუსის მოქალაქის გონება, რომ, როცა ვისმეს დასამონებლად და დასაჩაგრავად გზავნიან, ჰგონია, მის გადასარჩენად და დასახმარებლად მივდივარო. რუსეთმა კავკასიის, ბალტიისპირეთის, შუააზიის ხალხები ისე დაიპყრო, რომ რუსეთის კულტურის მოღვაწეთა შორის ერთი კაციც კი არ აღმოჩენილა ისეთი, ვინც პირუთვნელად ამხელდა რუსეთის დამპყრობლურ პოლიტიკას. პირიქით, ხოტბა-დიდებას უმღერდნენ. ამით გაბრუებულ რუსს, სადაც მივა, ყველაფერი მისი ჰგონია. გენერალ პავლე ციციანოვს ზუსტად გაუგია რუსის ბუნება-თვისება და ქართველებისთვის უთქვამს – ნუ ოცნებობთ ტყუილად, ვითომ რუსები საქართველოში დროებით არიან და მალე წავლენო. რუსები, რაკი რომელსამე ქვეყანას თავის გუბერნიად დასახავენ, ფეხს თავის დღეში აღარ მოიცვლიან იქიდანო (ალ. ფრონელი, „მთიულეთი“, 1804 წ., 1896 წ., გვ. 29. „მწერლობის მოთვინიერება“, აკაკი ბაქრაძე).

კრიტიკა

მედიის როლი და მისი რეალური სახე ჩვენი ქვეყნის სივრცეში

უდავოა, რომ დღევანდელ სამყაროში, სადაც თანამედროვე ტექნოლოგიების არნახულმა განვითარებამ უფრო ეფექტური და ხელმისაწვდომი გახადა მასობრივი ინფორმაციის საშუალებების გავრცელება, მედია, პრესა თუ ზოგადად, სოციალური ქსელები ადამიანებზე – მათ ყოველდღიურ ყოფაზე, ცხოვრების წესზე – უზარმაზარ გავლენას ახდენენ.

კრიტიკა

განსხვავებული სექსუალური ორიენტაციის მიმართ დამოკიდებულების შესახებ

თავშივე შევნიშნავ, რომ ყოველთვის ვიკავებდი თავს ამ თემის მიმართ აზრის საჯაროდ გამოთქმისგან, მისი ხელოვნურად დრამატიზირების, სპეკულაციისა და უსაგნოდ ატეხილი აჟიოტაჟის გამო.

ერთმნიშვნელოვანია, რომ არავითარი გამართლება არა აქვს განსხვავებული აზრისა თუ ქმედების წინააღმდეგ აგრესიულ და ძალადობრივ გამოხატულებას, შესაბამისად იმათ გასაგონად, ვინც ეკლესიისა და ქრისტიანობის სახელით ქადაგებს და ამართლებს ამ აგრესიულ რიტორიკას, შევახსენებ, რომ ეკლესიის ძალა შემოიფარგლება მხოლოდ მხოლოდ სიტყვიერ ქადაგებაში, დარიგებაში და რჩევის მიცემაში, ამიტომ ნებისმიერი სახის გამოვლინება, რომელიც ამ ზღვარს სცდილდება, ბუნებრივია მიუღებელია ქრისტიანობისათვის.

კრიტიკა

ბათუმის მე-12 კინოფესტივალის გახსნის ცერემონია და ხიბულა. რა გითხრათ? რით გაგახაროთ?

ავტორი: დათო ლობჟანიძე

ვინც არა ჰგავს კახაბერსა, მე ვერ ვიტყვი კახაბერად

დავით გურამიშვილი

12 სექტემბერს ბათუმში, სახელმწიფო მუსიკალურ ცენტრში ბათუმის რიგით მეთორმეტე საერთაშორისო კინოფესტივალი გაიხსნა. სანამ უშუალოდ ფესტივალის განხილვამდე გადავიდოდე, შესავლის სახით ერთი-ორი სიტყვით იმ ინიციატივას მინდა შევეხო, რომელიც ორგანიზატორებმა ბლოგერებს შესთავაზეს. 11 more words

კინო

8 აგვისტოს - დღევანდელ დღეს

უდავოა, რომ ეროვნული ცნობიერება საუკუნეების განმავლობაში ყალიბდება. ეს ხანგრძლივი პროცესია და განპირობებულია მრავალი რამით, მათ შორის: ენით, ისტორიით, რელიგიით, აზროვნებით, ფსიქიკით, კულტურით, წეს-ჩვეუელებით, მსოფლაღქმით, მსოფლგანცდით, ტერიტორიით და ა.შ. ეს არის ერთი მთლიანი ჯაჭვი, რასაც აერთიანებს და ადუღაბებს სამშობლოს ცნება. ხოლო, როცა სამშობლოს ცნება ირღვევა, ხალხს ეროვნული კატასტროფა ემუქრება (ა. ბაქრაძე).

დღევანდელი დღე – 8 აგვისტო მტკივნეული მაგალითი და შეხსენებაა იმისა, რომ სამშობლოს რღვევისა და ხელყოფის მცდელობა კვლავ გვემუქრება. ეს არის შეხსენება იმ მზაკვრული გეგმისა და პოლიტიკისა, რასაც უკვე 200 წელზე მეტია მიზანმიმართულად ახორციელებს ჩვენი ჩრდილოელი მეზობელი. დამპყრობელი, რომელსაც წესით, დღევანდელ ცივილიზებულ სამყაროში არაფერი უნდა ესაქმებოდეს, ვერა და ვერ იოკებს თავის ცარისტულ-იმპერიალისტურ ზრახვებს და მცოცავი ოკუპაციითა თუ პირდაპირი ძალადობრივი მეთოდებით, კვლავ განაგრძობს როგორც სხვისი, ასევე ჩვენი ტერიტორიების დაპყრობა-მითვისებას, მადა ჭამაში მოსდის და მის გაუმაძღრობას საზღვრები აღარ აქვს (ტყუილად როდი ამბობდა საბჭოთა პერიოდის ერთი ანეკდოტი: „ვის ესაზღვრება საბჭოთა კავშირი? ვისაც უნდა იმასო…).

კრიტიკა

რუსეთის ერთმორწმუნეობაზე

საქართველოს არსებობის მთელი ისტორიის მანძილზე, არც სპარსელებმა, არც არაბებმა, არც მონღოლებმა და არცერთმა სხვა რომელიმე დამპყრობელმა, არ მოგვაყენა იმდენი მატერიალური თუ მორალური ზიანი რაც ერთად აღებულმა რუსეთმა. ყველაფერს თავი დავენებოთ, როგორ შეიძლება უწოდო ერს ერთმორწმუნე, რომელმაც ავტოკეფალია გაგიუქმა, მღვდლები და მღვდელმთავრები გადაგისახლა, წირვა-ლოცვა აგიკრძალა მშობლიურ ენაზე, გაანადგურა და მოსპო ქართულ ფრესკები, ხელნაწერები თუ საეკლესიო წიგნები, ეწეოდა აშკარა რუსულ-პრავოსლავურ აგიტაცია-პროპაგანდასა და მრავალი სხვა.

ყველაზე გასაოცარი ის არის, რომ დღევანდელ ცივილიზებულ სამყაროში, სადაც ყველა ქვეყანა აღიარებს და პატივს სცემს სხვა ქვეყნის ტერიტორიულ მთლიანობასა და სუვერენიტეტს, რუსეთი კვლავ ცარისტული და ველიკოდერჟავული მეთოდებით აგრძელებს დამპყრობლურ პოლიტიკას დევიზით: «Сила есть – ума не надо».

საგულისხმოა, რომ დღეს არის ხსენება საქართველოს კათოლიკოს-პატრიარქის კირიონ II-ისა, რომელიც ზუსტად რომ თავისი პრინციპული და შეუპოვარი ქმედებების გამო, შეიქმნა მსხვერპლი ზემოთ ნახსენები ვერაგული პოლიტიკისა.

დ. შონვაძე

კრიტიკა

კრიტიკა

ისევე როგორც ყველას და ყველაფერს მრავალად მოეძებნება კრიტიკოსები, მათ შორის ქსელურ მარკეტინგსაც. განსაკუთრებით მწვავეა ხოლმე კრიტიკა, როცა საქმე ეხება ქსელური მარკეტინგისა და ფინანსური პირამიდის არევას. ამიტომ უპირველეს ყოვლისა განვიხილავთ ძირითად ელემენტებს, რომელიც განასხვავებს ერთს მეორესაგან.

კრიტიკა