လျှပ်စစ်ရဲ့ အခြေခံ သင်္ကေတတွေ နဲ့ အတိုင်းအတာတွေကို တိကျတဲ့တန်ဖိုးတွေနဲ့ စံသတ်မှတ်ထားပါတယ်။ ကျွန်တော်တို့ လက်မ၊ ပေ၊ မီတာ၊ စင်တီမီတာ စသည်တို့ကို ပစ္စည်းတွေရဲ့ အလျား အမြင့် ကို တိုင်းတာဖို့ သုံးသလို လျှပ်စစ်မှာလည်း တိုင်းတာဖို့ စံသတ်မှတ်ချက်တွေ ရှိပါတယ်။ လက်သမားနှစ်ယောက် အိမ်တစ်လုံးကို တူတူဆောက်တယ် ဆိုပါစို့ တစ်ယောက်က တစ်ပေမှာ ၁၀လက်မလို့ စံသတ်မှတ်ပြီး၊ နောက်တစ်ယောက်က တစ်ပေမှာ ၁၂လက်မ လို့သတ်မှတ်ပြီးဆောက်ရင် ဖြစ်လာမယ့် အိမ်ပုံစံကို ခန့်မှန်းကြည့်ပါ။ တော်တော်ဆိုးဆိုးရွားရွား ဖြစ်သွားမှာပါ။ ထို့အတွက် စံသတ်မှတ်ချက်က အရေးပါပါတယ်။