Tags » Ethiopian News

ኢትዮጵያውያንን በስማቼው የማንለይበት ጊዜ እየመጣ ነው!

ባለፈው ወር ለቡና ከጓደኞቼ ቤት ተጠርቼ ሄጄ ነበር። እንደሚታወቀው ትርፍ ጊዜን ኮምፕዩተር ላይ አፍጥጦ ከመዋል ከወዳጆች ጋር መጫወት ይሻላል። በተለይ በሰው አገር – በስደት ላይ። ኮምፕዩተር ጓደኛ ላይሆን ጓደኛን ይቀማል። ቴክኖሎጅ ያመጣው ጣጣ ነው – ቻል አድርጉት።

በዚያውም አዲስ ሰዎችን የመተዋወቅ እድል አጋጥሞኝ ነበር። ስንተዋወቅ ግን በ20ዎቹ አጋማሽ አካባቢ ያለችው ወጣት ስምዋን ‘ኤልዳና’ አለችን። ከዚህ በፊት ኤልዳና የምትባል ኢትዮጵያዊ ገጥማኝ አታውቅም። በጣም ገርሞኝ – በቃ እኮ የኢትዮጵያውያን ስሞች ኢትዮጵያዊ ኢትዮጵያዊ መሽተት እያቆሙ ነው አልኩኝ እዛው ላይ። ነገሩ በራስዋ አላበቃም – የሚያምር ቆንጆ ልጅዋን ‘አኪያ’ ብላዋለች። እዛው ቤት ውስጥ የምትሯሯጥ አንድ ቆንጅዬ ህፃን ልጅም ስምዋ ‘ሶልያና’ ነው ተባልኩ። በጣም ገርሞኝ – ‘እነዚህን ስሞች ግን የት ነው የምታመጥዋቸው?’ ብዬ ለመጠየቅም ተገድጄ ነበር። የተሰጠኝ መልስ ግን የበለጠ ያናድዳል። ኤልዳና – ካንገቴ ላይ ወደተንጠለጠለው መስቀል እየጠቆመች – ‘ክርስቲያን አይደለህም እንዴ – ከየት ይመጣል ደግሞ ከመጽሐፍ ቅዱስ ነዋ’ አለችኝ። ወይ ክርስትና! ምናልባትም ባህል እና ስሞች ላይ ጣልቃ የማይገባ ብቸኛው ሐይማኖት ነበር እሱማ – ምን ዋጋ አለው ታዲያ!

ከአድማጮች አንዷ ቀበል አድርጋ ‘እና ማን ትባል? እንደፀሐይ፥ አልማዝ፥ አበበች አይነቶችማ የትልቅ ሴት ስሞች ናቸው’ አለች። ጉድ! በእርስዋ መረዳት ደግሞ የኢትዮጵያ ስሞች የአሮጊት ስሞች ናቸው።

በክርስትናና በዘመነኛነት ሰበብ ስሞቻችን እንደቀልድ አየተቀየሩ ነው።

እነዚህ ከላይ የጠቀስኩዋቸው ስሞች – በእኛ ዘመን በብዛት እየወጡ ያሉ ስሞችን ለማመልከት እንጅ ዋናው ታሩኩ ቡናው ወይም ቡናው ላይ የሰማሁዋቸው ሶስቱ ስሞች አይደለም

ሙሉ ታሪኩን በቅርብ ቀን!

Ethiopian News

Okanagan surgical team bound for Ethiopia

KELOWNA– A group of Okanagan doctors, nurses and Rotary Club volunteers are part of a 21 person, all Canadian team heading to Ethiopia.

As part of Rotoplast Canada, the team will take over a hospital in the community of Bahir Dar for two weeks to perform life changing surgeries on mostly women and children. 172 more words

Ethiopian News

Ethiopia’s Decision To Send Healthcare Workers To Ebola Zone: An African Solution To An African Problem Or Yet A New Height Of Arrogance

Recently, we have heard news about Ethiopia’s decision to send more than two hundred healthcare professionals to the three countries hard hit by Ebola. These countries are Guinea, Sierra Leone and Liberia. 791 more words

Ethiopian News

የ2006 የኢትዮጵያ ዓበይት ፖለቲካዊ ክንዉኖች

በመሐሉ ጠቅላይ ሚንስትር ሐይለማርያም ከመስከረም በፊት፤መስከረምና ከዚያ በሕዋላ እሳቸዉም ሹማምንቶቻቸዉም ያሉትን ኢሕአዴግ ሥልጣን የያዘበት ሃያ-ሰወስተኛ ዓመት ሲከበር ደገሙት።ግንቦት ሃያ።ተደጋጋሚዉ ዛቻ፤ እገታ የዚያን ቀን ሰነዓ ላይ ከተፈፀመዉ ያደርሳል ብሎ የጠረጠረ የሩቅ ታዛቢ አልነበረም።ሰኔ አስራ-ስድስት። 26 more words

AMHARIC

የኢትዮጵያ ጋዜጠኞች ስደት

የኢትዮጵያ መንግስት ያስረናል ወይም ሌላ ጠንካራ እርምጃ ይወስድብናል ብለው የሚሰጉ የግል ጋዜጠኞች ሃገሪቱን ጥለው መሰደዳቸውን እንደ ቀጠሉ ነው።ከሳምንት በፊት ለግል መገናኛ ዘዴዎች ይሰሩ የነበሩ ሶስት ጋዜጠኞች ከሃገር ተሰደዋል።በያዝንው ሳምንት ደግሞ ሌሎች ሰባት ጋዜጠኞች ወደ ውጭ ሃገር ተሰደዋል።

የጋዜጠኞች መብት ተሟጋቾች እንደሚሉት መንግስት ለትችት ትዕግስት አለመኖሩ፤የአገሪቱ የፍትህ ስርዓት ከፖለቲካ ጋር መደባለቁና ሚዲያን የማያበረታቱ አዋጆችንና ፖሊሲዎችን መኖራቸው ዋንኞቹ ምክንያቶች ናቸው።ላለፉት ጥቂት ወራቶች እንኳ ከግሉ ሚዲያ ብዙ ጋዜጠኞች ሲታሰሩ ወይም ሲሰደዱ ሌሎች የህትመት ውጤቶቻቸውን እንዲዘጉ ተገደዋል።ላለፉት119 ቀናት በላይ በእስር ላይ የሚገኙት ጦማሪዎችና ጋዜጠኞች የተከሰሱበት ምክንያት እንኳ ፤ተሟጋቾቹ እንደሚሉት፤ከታሰሩበት ቀን ጀምሮ ለ8ኛ ጊዜ እስከ ተቀጠሩበት ድረስ ያለው የፍርድ ሂደት ለብዙ ሚዲያዎች፤የህግ ተንታኞችና ጉዳዩን ለሚከታተሉ አካላት አነጋጋሪ ሆኖ ዘልቋል።የኢትዮጵያ ፍትህ ሚኒስቴር በቅርብ ጊዜ ሎሚ፤እንቁ፤ጃኖ፤ፋክት መጽሄቶችና አፍሮ ታይምስ ጋዜጣ ህገ-መንግስታዊ ስርዓቱን በሃይል ለመናድ የሃሰት ወሬ ነዝተዋል በሚል ከሷቸዋል።ይህንንም ተከትሎ ከሁለቱ መጽሄቶች ውጭ ቁጥራቸው 10 የሚሆኑ የተቀሩት መጽሄቶችና ጋዜጣ ዋና አዘጋጆች አገር ጥለው ተሰደዋል።

የሎሚ መጽሄትና የአፍሮ ታይምስ ጋዜጣ ጠበቃ አቶ ተማም አባ ቡልጉ የክስ ሂደቱን ሲያስረዱ የተከሰሱበት ጭብጥ ህገ-መንግስታዊ ስርዓቱን ለመናድ ነው የሚል ነው። ይህም ከጸረ-ሽብር ህጉ ጋር የተያያዘ የወንጀለኛ መቅጫ ህግ ጋር የተያያዘ ነው።

እነዚህ የሚዲያ ውጤቶች የክስ ወረቀት የደረሳቸው ህትመታቸው ከተዘጋ ወይም እንዳይታተም ከተደረገ ሁለት ሳምንታት በኋላ ሲሆን ህትመቶቹ ላይ የወጡ ጽሁፎችን እንደ ክስ ነጥብ አድርጎ አቃቢ ህግ አንስቷል።እንደ አቶ ተማም አገላለጽ የተጠቀሱት ነጥቦች እውነት የሚያስከስስ አለመሆኑን ተናግረው ለምሳሌ ሎሚ መጽሄት በሰኔ 6/2006 ይዞ በወጣው “በአለም በጨቋኝነቱ አቻ የማይገኝለት የሚዲያ ምህዳር በኢትዮጵያ በሚል ጽሁፍ ነበር።

አቶ ተማም ከ1997 በኋላ የወጡት ህገ ወጥ ህጎች ለምሳሌ የጸረ-ሽብር ህጉ አላስፈላጊ መሆኑን ጠቅሰው እንደምክንያትም የወንጀለኛ መቅጫ ህግ ያሉትን ወንጀሎች ለመቅጣት በቂ መሆኑን ይናገራሉ። 

የጋዜጠኞች መብት ተከራካሪው በምህፃሩ ሲፒጄ የምስራቅ አፍሪቃ ዳይሬክተር ሚስተር ቶም ሮድስ በኢትዮጵያ ሁኔታው ከጊዜ ወደ ጊዜ እየተባባሰ መምጣቱንና በእስር ቤት የሚገኙ ጋዜጠኞችም ቁጥር መጨመሩን ይናገራሉ።

ሲፒጄ ትናንት ባወጣው መግለጫ በርካታ ኢትዮጵያውያን ጋዜጠኞች ከመንግስት የሚደርስባቸውን ጫና በመሸሽ ከሃገር ለመሰደድ እየተገደዱ ነው።እዚያው ሃገር ውስጥ ለመቆየት የሞከሩት ደግሞ ለእስራት ይደረጋሉ።ጋዜጠኞቹ ለሚመሰረትባቸው ክስም ሆነ ለሚሰነዘርባቸው ጫና ይህ ነው የሚባል ተጨባጭ ምክንያት የለም እንd ድርጅቱ መግለጫ።ቶም ሮድስ እንደሚሉት ከ2001 ጀምሮ በነበሩት አምስት አመታት ውስጥ ብቻ ከ 40 በላይ ጋዜጠኞች አገር ጥለው ተሰደዋል።

ETHIOPIAN NEWS

የተጠርጣሪ እስረኞቹ በዋስ መፈታት

ሐምሌ 11/2006 ዓ.ም. በአንዋር መስጊድ በተፈጠረው ግጭት ተሳትፈዋል ተብለው የተጠረጠሩት የሰማያዊ ፓርቲ አባል ወ/ሪት ወይንሸት ሞላና የአዲስ ጉዳይ መጽሔት ፎቶ ጋዜጠኛ አዚዛ መሐመድን በዋስ ተፈተዋል።

ወ/ሪት ወይንሸት ሞላ የሰማያዊ ፓርቲ የብሄራዊ ምክርቤት አባል ነች።በፓርቲው የሴቶች ጉዳይ ቋሚ ኮሚቴ ውስጥ በንቃት የምትሳተፈውና በሙሉ ጊዜ አደራጅነት የምታገለግለው ወጣት በፖለቲከኛነቷ ዘልቃ መሪ የመሆን ህልም አላት። እንደ ፖለቲከኛነቷ ዓመት የዘለቀውን የኢትዮጵያሙስሊሞችን ተቃውሞ ሐምሌ 11/2006 ዓ.ም. በአንዋር መስጊድ አካባቢ ተገኝታ ለመከታተል ከውሳኔ ደርሳለች። በእለቱ የነበረውን ሁኔታ ተከታትላ ግን በሰላም ወደ ቤቷ አልተመለሰችም።

ወ/ሪት ወይንሸት ሞላና የአዲስ ጉዳይ መጽሔት ፎቶ ጋዜጠኛ አዚዛ መሐመድን ጨምሮ ሐምሌ 11/2006 ዓ.ም. ከአንዋር መስጊድ አካባቢ በጸጥታ ሃይሎች ቁጥጥር ስር ውለው የነበሩ ሰዎች በተፈጠረው ግጭት ውስጥ ተሳትፎ አድርጋችኋል በሚል ተጠርጥረው ነበር።

ወ/ሪት ወይንሸት ሞላ ፓርቲያችን ካሉት ንቁ እንስት ተሳታፊዎች መካከል አንዷ ናት ሲሉ የተናገሩት የሰማያዊ ፓርቲ ምክትል ሊቀ-መንበር አቶ ስለሺ ፈይሳ በተጠረጠረችበት ወንጀል የምርመራ ሂደቱ ተጠናቆ ክስ አለመመስረቱን ተናግረዋል።

በተጠቀሰዉ ዕለት በአንዋር መስጊድ በተፈጠረው ግጭት ተጠርጥራ በእስር ላይ የነበረችውንና ከወ/ሪት ወይንሸት ሞላ ጋር በዋስ የተፈታችውን የአዲስ ጉዳይ መጽሔት ፎቶ ጋዜጠኛ የአዚዛ መሐመድን አስተያየት በዚህ ዘገባ ለማካታት ያደረግንው ጥረት አልተሳካም። በዚሁ አንዋር መስጊድ ተፈጥሮ ነበር በተባለው ግጭት ተሳትፈዋል በሚል ተጠርጥረው በእስር ላይ የነበሩ አራት የፖሊሶች በዋስ መለቀቃቸውን የኢትዮጵያ መገናኛ ብዙሃን ዘግበዋል።

 

Ethiopia