Tags » Homeless People

دنیا بھر میں تین ملین افراد ’بے وطن‘ ہیں، اقوام متحدہ

اقوام متحدہ کے ادارہ برائے مہاجرین نے اپنی ایک تازہ رپورٹ میں بتایا ہے کہ دنیا بھر میں اس وقت تیس لاکھ افراد کو بے وطنیت کا سامنا ہے جن کی اکثریت کا تعلق کسی نہ کسی خطے کی مذہبی، نسلی یا ثقافتی اقلیت سے ہے۔ اقوام متحدہ کے ادارہ برائے مہاجرین کے مطابق اس وقت میانمار کے روہنگیا مسلمان دنیا کی سب سے بڑی ’بے وطن‘ اقلیت ہیں۔ صرف اگست کے بعد سے اب تک چھ لاکھ سے زائد روہنگیا مہاجرین مبينہ تشدد اور جبر کے باعث میانمار چھوڑ کر بنگلہ دیش ہجرت کر چکے ہیں۔

یہ ہمارا گھر ہے – شہریت کی تلاش میں بے وطن اقلیتیں‘ کے عنوان سے جاری کی گئی اس رپورٹ کے مطابق روہنگیا مسلمانوں کے علاوہ بھی دنیا بھر میں کئی مذہبی، نسلی یا ثقافتی اقلیتوں کو بے وطنیت کا سامنا ہے۔ یو این ایچ سی آر کے مطابق بے وطن انسانوں کے ساتھ دنیا بھر میں امتیازی سلوک کرنے کے علاوہ ان کا تعاقب بھی کیا جاتا ہے۔ ادارے نے دنیا بھر کی حکومتوں سے مطالبہ کیا ہے کہ سن 2024 تک ایسی اقلیتوں کے خلاف امتیازی سلوک ختم کرنے کے لیے اقدامات کیے جائیں۔

یو این ایچ سی آر کے ایک سینئر اہلکار کارول بیچلر نے رپورٹ جاری کیے جانے کے بعد صحافیوں سے گفتگو کرتے ہوئے کہا، ’’اگر آپ دنیا میں کسی ملک کی شہریت کے بغیر رہ رہے ہیں تو آپ کی کوئی شناخت نہیں، نہ کوئی دستاویزات ہیں اور نہ ہی تعلیم، ملازمت اور صحت جیسی بنیادی سہولیات۔‘‘ عالمی ادارے نے اقوام عالم سے یہ مطالبہ بھی کیا ہے کہ ان کی سرزمین پر پیدا ہونے والے بچوں کو شہریت دی جائے، بصورت دیگر ان بچوں کو بھی بے وطنیت کا سامنا کرنا پڑے گا۔ علاوہ ازیں کئی برسوں سے کسی ملک میں رہنے والے مہاجرین کو بھی مقامی شہریت دیے جانے کے لیے اقدامات کرنے کا مطالبہ بھی کیا گیا ہے۔ اقوام متحدہ کی اس رپورٹ کے مطابق بے وطن اقلیتوں میں روہنگیا مسلمانوں کے علاوہ شامی کرد، مقدونیا کی روما برادری، مدگاسکر کی کارانا اور کینیا کی پیمبا اقلیت سے تعلق رکھنے والے انسان سرفہرست ہیں۔

بے وطن انسانوں کے اعداد و شمار کے بارے میں بیچلر کا کہنا تھا، ’’ہم مصدقہ طور پر کہہ سکتے ہیں کہ دنیا میں اس وقت بے وطن انسانوں کی تعداد تین ملین سے زائد ہے۔‘‘ ان سے پوچھا گیا کہ کیا روہنگیا مسلمان کا شمار بھی ایسے انسانوں میں ہوتا ہے جنہیں دانستاﹰ شہریت سے محروم رکھا گیا ہے تو ان کا کہنا تھا، ’’میانمار میں شہریت سے متعلق قوانین ہیں جن میں ان افراد کی فہرست بھی شامل ہے جنہیں میانمار کا شہری تسلیم کیا جاتا ہے لیکن روہنگیا اس فہرست میں شامل نہیں ہیں۔‘‘ عالمی ادارہ برائے مہاجرین نے مطالبہ کیا ہے کہ بےوطنیت کی یہ تکلیف دہ صورت حال ختم ہونی چاہیے اور وہ تمام قوانین بھی، جن کی مدد سے ایسے امتیازی برتاؤ کو ممکن بنایا جاتا ہے۔

World

دنیا بھر میں 35 کروڑ افراد بے نام و نشان، بے شناخت ہیں

دنیا بھر میں 35 کروڑ افراد بے نام و نشان، بے شناخت ہیں، جو کسی گنتی میں ہی شامل نہیں ہیں۔ اقوام متحدہ کے ادارے یونیسکو کا کہنا ہے کہ دنیا بھر میں کچی آبادیوں اور غیر قانونی طور پر مقیم افراد کا کہیں اندراج ہی نہیں ہوتا، کسی گنتی میں نہ آنے والے یہ بچے، بوڑھے، خواتین اور مرد تعلیم، صحت اور دیگر سہولتوں سے محروم رہ جاتے ہیں۔ شہروں کے ارد گرد آباد مگر تمام شہری سہولتوں سے محروم، کچے مکانوں اور گندگی کے ڈھیر کے درمیان سسک سسک کر زندگی گزارتے یہ لوگ کسی گنتی ہی میں نہیں آتے تو ان کی زندگیاں بدلنے کی فکر کس کو ہو، نہ تعلیم، نہ روزگار، نہ صحت اور نہ دیگر سہولتیں، دو وقت کی روٹی کا حصول ہی ان بے کس اور بے بس افراد کے لیے سب سے بڑی آزمائش بن جاتا ہے۔

عالمی ادارے یونیسکو کا کہنا ہے کہ معلومات حاصل کرنے کے روایتی طریقوں یعنی سروے، مردم شماری، خانہ شماری اور پیدائش یا ہلاکتوں کے ریکارڈ میں صرف ان لوگوں کو شمار کیا جاتا ہے جو کہیں باقاعدہ طور پر مقیم ہیں یا حکومتی سہولتوں کا استعمال کرتے ہیں، شہروں کے گرد کچی آبادیوں میں رہنے والے اور دوسرے ملکوں میں غیر قانونی طور پر مقیم افراد کا کوئی ریکارڈ نہیں ہوتا۔
یونیسکو کے مطابق ان افراد کا ریکارڈ نہ ہونے کی وجہ سے ان کی تعلیمی اعداد و شمار کی رپورٹ میں 35 کروڑ کی غلطی ہو سکتی ہے، یہ تعداد برطانیہ، جرمنی، فرانس، اٹلی اور اسپین کی مجموعی آبادی کے برابر ہے۔ یونیسکو کا کہنا ہے کہ یہی وجہ ہے کہ دنیا بھر میں تعلیم سے محروم بچوں کی تعداد رپورٹ میں ظاہر کیے گئے اعداد وشمار سے کہیں زیادہ ہو سکتی ہے۔

World

I will be back soon - Please have patience

I will be back soon – running on Solar Power and now wiring issues but I will return as soon as possible – please have patience. 257 more words

Dr. Paul Haider

THE TUNNEL: Hidden Horrors Beneath Sydney, Australia

The Tunnel. 2011. Directed by Carlo Ledesma. Screenplay by Julian Harvey & Enzo Todeschi.
Starring Bel Deliá, Andy Rodoreda, Steve Davis, Luke Arnold, Goran D. Kleut, James Caitlin, Ben Maclaine, Peter McAllum, Shannon Harvey, Arianna Gusi, & Russell Jeffrey.
947 more words

Film

Andy Street’s next step: Birmingham needs at least three Emmaus centres

Emmaus has the answer to rehabilitation, offering both accommodation and work of a socially useful nature. As its website says, “overcoming homelessness means more than a roof over your head”. 31 more words

Andy Street’s next step: Birmingham needs at least three Emmaus centres

Emmaus has the answer to rehabilitation, offering both accommodation and work of a socially useful nature. As its website says, “overcoming homelessness means more than a roof over your head”.   214 more words

Birmingham

Addressing Homelessness, One Job At A Time

What should cities do to address the issues with their homeless populations?  It’s a persistent, nagging question that often seems impossible to solve.  For decades, cities and charities have offered support and services to help homeless people, and yet the homeless remain.  422 more words

America