Tags » Latest News

مسجد نبوی حملہ: پاکستانی شہری سمیت 46 مشتبہ افراد گرفتار

ریاض: سعودی سیکیورٹی فورسز نے گذشتہ سال سعودی عرب کے شہر مدینہ میں مسجد نبوی کے باہر ہونے والے حملے میں ملوث دہشت گردوں کے نیٹ ورک سے تعلقات کے شبہ میں 46 افراد کو گرفتار کرلیا۔

سعودی وزارت داخلہ کے ترجمان میجر جنرل منصور الترکی کے مطابق ‘جدہ میں امریکی قونصلیٹ کے نزدیک ہونے والے خودکش دھماکے میں بھی یہی گروہ ملوث تھا’۔

واضح رہے کہ یہ دونوں حملے گذشتہ سال جولائی میں رمضان کے آخری دنوں میں ہوئے تھے، مسجد نبوی کے باہر ہونے والے دھماکے میں 4 سیکیورٹی اہلکار ہلاک ہوگئے تھے۔

صحافیوں سے بات چیت میں ترجمان سعودی وزارت داخلہ کا کہنا تھا کہ گرفتار افراد میں سے 32 سعودی شہری ہیں جبکہ دیگر 14 افراد کا تعلق مصر، پاکستان، یمن، افغانستان، سوڈان اور اردن سے ہے۔

خیال رہے کہ اس سے قبل سعودی وزارت نے مدینہ میں دھماکا کرنے والے شخص کی شناخت سعودی شہری کے حوالے سے کی تھی جبکہ جدہ میں دھماکا کرنے والے شخص کو پاکستان کا شہری بتایا گیا تھا۔

Latest News

اردگان کا بھارت پر پاکستان سے مذاکرات کرنے پر زور

نئی دہلی: ترک صدر رجب طیب اردگان نے بھارت پر زور دیا ہے کہ وہ پاکستان کے ساتھ مذاکرات کا سلسلہ بحال کرے۔

ڈان اخبار کے مطابق دو روزہ دورے پر بھارت پہنچنے والے ترک صدر طیب اردگان نے کہا کہ مسئلہ کشمیر کے حل کے لیے ضرورت اس امر کی ہے کہ بھارت اور پاکستان رابطے قائم کریں اور مختلف اسٹیک ہولڈرز کے درمیان مذاکرات کو مستحکم کریں۔

ترک صدر نے پاکستانی وزیراعظم نواز شریف کو نیک نیت دوست قرار دیتے ہوئے سراہا جن کے ساتھ انہوں نے مسئلہ کشمیر پر کئی بار تبادلہ خیال کیا ہے۔

بھارت پہنچنے کے بعد مقامی میڈیا سے گفتگو کرتے ہوئے طیب اردگان نے کہا کہ مسئلہ کشمیر پاکستان اور بھارت دونوں ملکوں کے لیے مایوس کن صورتحال ہے جبکہ اسے حل کرکے عالمی امن کو کافی حد تک فروغ دیا جاسکتا ہے۔

بھارتی اخبار انڈین ایکسپریس نے طیب اردگان کے بیان کا ترجمہ شائع کرتے ہوئے لکھا کہ: ’اگر ہم گہرائی میں جائیں اور قریب سے دیکھیں تو میں یقین سے کہہ سکتا ہوں کہ روزانہ کی بنیاد پر پاکستان اور بھارت کے تعلقات بہتر ہورہے ہیں، لیکن یہ مسئلہ کشمیر ہمیں دکھی کردیتا ہے کیوں کہ میں سمجھتا ہوں کہ یہ معاملہ دونوں ملکوں کو بھی مایوس کرتا ہے اور اس پر قابو پاکر ہم عالمی امن کے قیام میں نمایاں کردار ادا کرسکتے ہیں‘۔

ترک صدر کا یہ بھی کہنا تھا کہ’ 70 برس سے جاری یہ تنازع آنے والی نسلوں کو بھی نقصان پہنچائے گا، سات دہائیوں سے کشمیر کا مسئلہ حل نہیں ہوا اور مجھے یقین ہے کہ اسے حل کرکے دونوں ملکوں کو سکون حاصل ہوگا‘۔

انہوں نے کہا کہ تنازعات کو طول دینا اور اسے مستقبل میں بھی ساتھ لے کر چلنا آئندہ نسلوں کے ساتھ ناانصافی ہوگی کیوں کہ انہیں اس کی قیمت چکانی پڑے گی۔

طیب اردگان نے کہا کہ پاکستان اور بھارت دونوں ہی ترکی کے دوست ہیں اور انہیں مذاکرات کا سلسلہ جاری رکھنا چاہیے جبکہ مختلف اسٹیک ہولڈرز کے درمیان ملاقائیں بھی ہونی چاہئیں۔

قبل ازیں بھارت روانگی سے قبل انقرہ میں بھی ترکی کے صدر رجب طیب اردگان نے مسئلہ کشمیر کو حل کرنے کیلئے جنوبی ایشیا میں روایتی حریف اور جوہری ہتھیاروں کے حامل ممالک پاکستان اور بھارت کو مذاکرات کی میز پر آنے کیلئے زور دیا تھا۔

ریڈیو پاکستان کی رپورٹ کے مطابق ترکی کے صدر نے مسئلہ کشمیر کے حل کیلئے ان خیالات کا اظہار دورہ بھارت سے قبل انقرہ میں صحافیوں سے بات چیت کے دوران کیا۔

انہوں نے کہا کہ کشمیر کے تنازعے کو طول دینا آئندہ نسلوں کے ساتھ ناانصافی ہوگی۔

اس موقع پر ترکی کے صدر نے کرد عسکریت پسند گروپوں اور کشمیریوں حریت پسندوں کے درمیان کسی بھی قسم مماثلت کو مکمل طور پر مسترد کیا۔

انہوں نے کہا کہ دونوں ممالک کے درمیان 70 سالہ دیرینہ تنازعے کے حل سے ان کی عوام کو ریلیف ملے گا اور خطے میں امن قائم ہوگا۔

کیا ترکی نئی دہلی کو نیوکلئیر سپلائر گروپ میں داخل ہونے کی مخالفت کرے گا کے سوال پر رجب طیب اردگان نے کہا کہ ترکی ہمیشہ بھارت کے مذکورہ گروپ میں داخل ہونے کی حمایت کرتا رہا ہے اور اس بات کی بھی حمایت کرتا ہے کہ پاکستان کو بھی اسی طرح گروپ میں شمال کیا جائے۔

انڈین ٹوڈے کی ایک رپورٹ کے مطابق ترکی کے صدر طیب اردگان دو روزہ دورے پر بھارت آئے ہیں جہاں وہ پیر کے روز ہندوستانی وزیراعظم نریندرا مودی سے ملاقات کریں گے۔

دونوں سربراہان مملکت مقامی اور بین الاقوامی معاملات اور دوطرفہ باہمی دلچسپی کے امور پر بات چیت کریں گے۔

Latest News

Payam e Subh 1 May l 2017 Dunya News

http://www.zemtvs.com/payam-e-subh-1-may-l-2017-dunya-news/

This is Dunya News’ extensive coverage of the decision day of Panama Case.
Dunya News is the famous and one of the most credible news channels of Pakistan. 16 more words

Zemtvs

صدر اور وزیراعظم مزدوروں کے مسائل حل کرنے کیلئے پرعزم

اسلام آباد: صدر پاکستان ممنون حسین اور وزیراعظم نواز شریف نے مزدوروں اور محنت کشوں کے عالمی دن کے موقع پر اپنے پیغامات میں پاکستان میں موجود مزدوروں کی فلاح و بہبود اور ان کے مسائل حل کرنے کی کوششوں کا عہد کیا۔

ریڈیو پاکستان کی ایک رپورٹ کے مطابق صدر پاکستان اور وزیراعظم کا مزدوروں کے عالمی دن پر دیئے جانے والے پیغام میں کہنا تھا کہ حکومت مزدوروں کی فلاح و بہبود کے لیے اقدامات کر رہی ہے۔

صدر اور وزیراعظم نے مزدوروں کے خاندانوں کے میعار زندگی کو بہتر بنانے کے حوالے سے اپنے پیغامات میں کہا کہ حکومت ان کے خاندانوں کے مسائل کو دور کرنے کے لیے بھی اقدامات کر رہی ہے۔

وزیراعظم نواز شریف کا مزدوروں کے عالمی دن پر دیئے جانے والے اپنے پیغام میں کہنا تھا کہ تیز رفتار اور جدید صنعتی معیشت کی ترقی کے اہداف ہنرمند، محنت کش اور پر عزم مزدوروں کی مدد سے ہی حاصل ہو سکتے ہیں۔

وزیراعظم کا یہ بھی کہنا تھا کہ خوشحال افرادی قوت ہی پاکستان کی مکمل صلاحیت کا احساس دلاتی ہے اور موجودہ دور کی انتہائی مسابقتی معاشی دنیا کا مقابلہ کر رہی ہے۔

صدر ممنون حسین کا اپنے پیغام میں کہنا تھا کہ آج کا دن پاکستانی مزدوروں کی قوت اور محنت کشوں کے کردار کی عکاسی کرتا ہے، ان کا مزید کہنا تھا کہ یہ دن پاکستان کی ترقی اور خوشحالی میں مزدوروں کے عزم و جانفشانی کی بھی عکاسی کرتا ہے۔

مزدوروں کے عالمی دن پر اپنے الگ الگ پیغام میں ان کا کہنا تھا کہ مزدور ہمارے معاشرے کا ایک اہم ستون ہیں اور یہی مزدور معاشی ترقی میں بھی اہم کردار ادا کر رہے ہیں۔

مزدور پاکستانی معیشت کیلئے ریڑھ کی ہڈی

دوسری جانب پاکستان تحریک انصاف (پی ٹی آئی) کے چیئرمین عمران خان نے مزدوروں کو پاکستانی معیشت کے لیے ریڑھ کی ہڈی قرار دیا۔

سماجی رابطے کی ویب سائٹ ٹوئٹر پر اپنے پیغام میں ان کا کہنا تھا کہ ہمارے مزدور اس قوم کے گمنام ہیرو ہیں اور یہی مزدور پاکستانی معیشت میں ریڑھ کی ہڈی کی حیثیت رکھتے ہیں۔

Latest News

Blair announces return to British politics to fight Brexit

International Desk: Former British Prime Minister Tony Blair said on Monday he was plunging back into domestic politics in order to fight against Brexit.

Bangla News

Latest News

Live Review: Patent Pending at Southampton's Joiners

Pop Punk Rockers Sweet Little Machine started off the night with full of energy as a packed Southampton Joiners enjoyed every single track from the Sheffield based band.. 648 more words

Latest News

North Korea president is a smart cookie, says Trump

International Desk: US President Donald Trump has reflected on North Korean leader Kim Jong-un, calling him “a pretty smart cookie” in a television interview.

Bangla News

Latest News