Tags » MIANWALI

آئٹم سانگ کرنا کوئی غلط کام نہیں، مہوش حیات

لاہور: معروف ماڈل و اداکارہ مہوش حیات نے کہا ہے کہ مجھے انڈین فلموں میں کام کرنے کا کوئی شوق نہیں ہے اور نہ ہی میں نے کسی انڈین فلم میکرز سے کام مانگنا ہے۔

 میڈیا سے گفتگو کرتے ہوئے انہوں نے کہا کہ میرے پاس اپنے ملک کے ڈراموں اور فلموں کی بہت آفرز ہیں، اب وقت آ گیا ہے کہ ہماری اپنی پروڈکشنز معیاری اور بین الاقوامی معیار کی بن رہی ہیں۔

 انہوں نے کہا کہ اگر ہم اپنی فلموں میں مختلف کام کریں تو ہمیں بھارت میں کام کی ضرورت ہی نہیں پڑیگی انہوں نے کہا کہ انڈین فلم میکرز زیادہ تر پاکستانی فنکاروں کو بی اور سی کلاس کام دیتے ہیں، آئٹم سانگ کرنا کوئی غلط کام نہیں۔

ذوالفقار مرزا کیخلاف کاروائی قانونی اورآئینی ہے، شیری رحمٰن

کراچی: پیپلز پارٹی کی مرکزی نائب صدر شیری رحمان نے کہا ہے کہ پیپلز پارٹی نے کبھی تشدد کی سیاست نہیں کی ذوالفقار مرزا کی غنڈہ گردی پر ہونے والی کاروائی قانونی اورآئینی ہے۔

کراچی میں وزیر اعلی سندھ کے معاون خصوصی اختر جدون سے انکی رہائش گاہ پر ملاقات کے بعد میڈیا سے گفتگو میں شیری رحمان نےکہا کہ پیپلز پارٹی نے ذوالفقار مرز سمیت کسی کو سیاسی ہدف نہیں بنایا۔

انہوں نے کہا کہ جب ذواالفقار مرزا نے بدین کے تھانے میں قانون کو ہاتھ میں لیا اور غنڈہ گردی کی تو انکے خلاف قانون کے مطابق کاروائی عمل میں لائی گئی ۔

انہوں نے کہا کہ بلدیاتی انتخابات کے لیے تیاریاں شروع کر دی گئی ہیں، ان کا کہنا تھا پیپلز پارٹی نے کبھی تشدد کی سیاست نہیں کی ذوالفقارمرزا کی غنڈہ گردی پر ہونے والی کاروائی قانونی اورآئینی ہے۔

رحیم یار خان : ڈاکوؤں کے ٹھکانوں پر شپ ہیلی کاپٹروں سے شیلنگ

رحیم یار خان : سندھ اور پنجاب پولیس نے مشترکہ آپریشن کرتے ہوئے رحیم یار خان میں گن شپ ہیلی کاپٹروں سے ڈاکوؤں کے ٹھکانوں پر شیلنگ کی۔

تفصیلات کے مطابق گھوٹکی اوررحیم یارخان کے درمیان واقع کچے کے علاقے میں ڈاکو سلطو شر اور چھوٹو بھکرانی کیخلاف سندھ اور پنجاب پولیس کا مشترکہ آپریشن جاری ہے۔

آپریشن کے دوران ہیلی کاپٹر سے شیلنگ بھی کی گئی۔ ہیلی کاپٹر سے شیلنگ کی خصوصی فوٹیج اے آروائی نیوز نے حاصل کرلی ہے، ہیلی کاپٹروں سے کچے کے علاقے رو نتی میں شیلنگ کی گئی۔

شیلنگ سے دہشت گردوں کے کئی ٹھکانے تباہ ہوئے۔ آپریشن کے دوران کچے کے داخلی و خارجی راستے بند کردیئے گئے ہیں۔

سپریم کورٹ عمران خان کی تالا بندی کرائے، عابد شیرعلی

لاہور: وزیر مملکت پانی وبجلی عابد شیر علی کا تحریک انصاف کے سربراہ عمران خان پر تنقید کرتے ہوئے کہنا تھا کہ دھرنوں میں جو گرمی تھی اس نے عمران خان کے دماغ کا فیوز اڑا دیا ہے۔

انہوں نے کہا کہ کپتان کی پارٹی بال ٹیمپرنگ کررہی ہے، عابد شیرعلی نے وولٹیج سے بھر پور باونسر مارتے ہوئے کپتان کو علاج کرانے کا مشورہ بھی دے ڈالا ۔

 عابد شیر نے کپتان کو بتایا صوبے میں فلائی اوور کس طرح بنائے جاتے ہیں اس کی شہباز شریف سے ٹریننگ لیں، وزیر مملکت نے سپریم کورٹ کے چیف جسٹس نے استدعا کی کہ وہ عمران خان کی تالا بندی کرائیں۔

عابد شیر علی کو گرمی سے بچانے کے لیے پولیس اہلکار ان کے سر پر چھتری تانے کھڑا رہا۔

نئی دہلی: پولیس اہلکار کا رشوت نہ دینے پر خاتون پر حملہ

نئی دہلی: بھارت کی راجدھانی نئی دلی میں رشوت نہ دینےپر ٹریفک پولیس اہلکار نے رشوت نہ دینے پر اسکوٹر سوارخاتون کو اینٹ مار کر زخمی کر دیا۔

نئی دلی کے ایک ٹریفک سگنل کی خلاف ورزی خاتون کو مہنگی پڑی پولیس اہلکار نے رشوت نہ دینے پراسکوٹرسوار خاتون کمل کانت کی پیٹھ پر اینٹ دے ماری ،کمل کانت نےغلطی سے ٹریفک سگنل کی خلاف ورزی کردیا، جس پر پولیس اہلکار نے اسے روک کرلائسنس مانگا ،خاتون نے ڈرائیونگ لائسنس کی فوٹو کاپی ٹریفک اہلکا ر کو دی تو اس نے دو سو روپے جرمانہ مانگ لیا۔

کمل کانت نے جرمانے کی رسید مانگی تو پولیس اہکار نے اسے ٹکا سا جواب دے دیا، معاملہ زیادہ بڑھا تو پولیس اہلکار نے کمل کانت کو دھکہ دیا ، اسکوٹر بے قابو ہوئی اور اس سے پولیس اہکار کو ٹکر لگ گئی۔

پولیس کانسٹیبل نے فورا جوابی وار کرتے ہوئے اینٹ اُٹھاکر پیچھے سے کمل کانت کو دے ماری اور اُسے زخمی کردیا، کمل کانت کا کہنا ہے کہ اس حملے میں اسکا ہاتھ ٹوٹ گیا ۔

 کمل کانت کا کہنا تھا کہ وہ سپاہی کے خلاف قانونی کارروائی کرے گی، نئی دلی کے پولیس کمشنر بی ایس باسی کا کہنا ہے کہ ذمے دار پولیس کانٹیبل کو معطل کردیا گیا ہے۔

عوام کے حقوق پر کوئی سودانہیں کریں گے ،عمران خان

اسلام آباد : تحریک انصاف کے سربراہ عمران خان نے کہا ہے کہ خیبر پختونخوا کے عوام کے حقوق پر کوئی سودانہیں کریں گے۔

ان خیالات کا اظہار انہوں نے ایک اجلاس کی صدارت  کرتے ہوئے کیا، تفصیلات کے مطابق اسلام آباد میں عمران خان کی زیر صدارت صوبائی اراکین کے پی کے کا اجلاس ہوا ۔

اراکین صوبائی اسمبلی سے آج ہونے والے احتجاج سے متعلق مشاورت کی گئی ۔اس موقع پر عمران خان کا کہنا تھا کہ پی ٹی آئی کا احتجاج کے پی کے ہاؤس سے پارلیمنٹ تک ہو گا۔

انہوں نے کہا احتجاج میں شرکت کرنے والی جماعتوں کو خوش آمدید کہیں گے۔پر امن احتجاج حکومت کے لئے ٹریلر ہے۔

نلتر حادثے میں ہلاک سفاتکاروں کیلئے ستارہ پاکستان کا اعلان

اسلام آباد: وزیر اعظم نواز شریف نے کہا ہے کہ نلتر حادثے میں شہید پائلٹس نےشاندرا فوجی روایات براقرار رکھتے ہوئے آخری وقت تک مسافروں کی جان بچانے کی کوشش کی، انہوں نے مرحوم سفارتکاروں کیلئے ستارہ پاکستان کا اعلان کیا ۔

وفاقی وزراورسفارت کاروں نے شرکت کی وزیر اعظم نواز شریف کا تقریب سے خطاب میں کہنا تھا سانحہ نلتر میں بہرتین دوست ہم سے جدا ہوگئے۔

 وزیر اعظم کا کہنا تھا ہم سب ایک مشکل وقت میں اکٹھےہوئےہیں جاں بحق افرادکاپاکستان کےتعلقات کےفروغ میں اہم کردارتھا تقریب میں سانحہ نلترمیں جاں بحق ہونے والوں کی یاد میں ایک منٹ کی خاموشی اختیار کی گئی ۔

نلتر حادثے میں ہلاک سفارتکاروں کی یاد میں تقریب سے خطاب میں نواز شریف کا کہنا تھا کہ مرحوم سفارتکاروں نے دونوں ملکوں کے درمیان بہترین سفارتکاری کی۔

وزیراعظم نوازشریف نے اس موقع پر حادثےمیں جاں بحق سفیروں اوران کی بیگمات کےلیےستارہ پاکستان کااعلان کیا۔