係美國啱啱開學，見到最近有d風係咁吹話咩美帝國會人權民主自由法案過唔到輸緊好大鑊，我想講呢班人唔該讀下書。
1. 孔教授言論係提醒有呢個可能性，值得尊重，畢竟無人敢100%拍心口一定通過。不過，條bill係眾議院動議案，眾議院仲排緊期上會，一個二個連參議院、眾議院都分唔到，果d拾人牙慧既「網上評論員」講乜撚嘢參議院Senatorial hold？
2. 參議院「Hold」議案係要通知Party Leader，依家參議院多數黨領袖係參議院議長⋯呀議長大人就係起草《香港關係法》果位Mitch McConnell⋯大家用個腦諗下，佢會唔會畀黨員Hold人權民主法案？
3. 眾議院有成435個眾議員，一個民主黨眾議員出黎講一句，好似世界末日咁。但係眾議院院長Pelosi，參議院院長McConnell，少數黨參議院領袖 Chuck Schumer 全部開哂聲話支持香港同會盡早立法，上面件件大粒，d「網上評論員」又一個二個好似發雞盲咁。條bill兩黨共識黎仲已經有參議員co-sponsor埋，你話會唔會有參議員走黎hold？
4. 用新疆人權法案比較Co-sponsor人數仲on9（題外話，Co-sponsor係「共同提案人」，唔係乜撚「贊助人」，唔知以為提案要議員拎錢出黎買票咁，屌啦），美帝國會提法案，一個議員動議就得，後面共同提案係出個名黎表態咁大把。
5. 數字上如果一個眾議院議案獲得超過218人（過半數）共同提案，係比較大機會通過。有人比較過美國106-114屆國會，近十一萬個被提出的議案只有約3.5%獲得通過。而其中450過獲過半數提案的，通過比率都只不過得22%，議案獲通過機率高就係高d，但共同提案人少，又唔係話無機會通過。Obama Care（2010年的H.R.3962https://www.congress.gov/bill/111th-congress/house-bill/3962）夠得6位共同提案人咁大把，咪又係通過！上面講咗兩黨大粒都出聲講明支持香港法案通過，美帝有無咁易轉軚？自己用下腦諗。
Source: https://medium.com/demand-progress/house-bills-with-the-majority-of-members-co-sponsoring-are-more-likely-to-make-an-impact-571d42b1b2d4
6. 如果共和黨/民主黨真係有人夠膽hold起條法案，連兩黨領袖都拆唔掂會有乜後果？依家選舉年，準備畀對家用黎做大做文章話係向北京叩頭，然後畀人打到謝皮都得。你估兩黨敢唔敢搏？
7. 話條法案係泛民搞到減辣既，你班友識唔識英文？17年版本只係針對銅鑼灣書店，話要國務院每年提交「任何有言論、集會、出版、結社及宗教自由權利的記者、出版商、作家、書商或其他香港居民作出監控、綁架、扣留、濫刑或強逼認罪人士」的名單，係針對性處理銅鑼灣書店事件。
8. 19年版銅鑼灣書店問題係草案第七條細項1、2已經處理咗，細項3係特登針對逃犯條例同可能引渡既可能，真係保障緊全體身處香港既人士。而且講明如果該人係因為涉及「國際認可的人權活動」被引渡就即落鑊。係乜人都包，唔只香港居民。原則上，連大陸人黎參加六四如果返去畀人捉，都符合落鑊條件，所以係好辣。邊條仆街話減辣我真係差d想講你班仆街係鬼。依家開心都黎唔切⋯你班友知唔知自己鬧緊乜？
9. 唔鍾意泛民無問題，不過唔好畀人誤導，自己學下國際政治分析好唔好？無泛民、Gphone同HOCC佢地去見美帝，你估美帝會唔會改到條咁好既法案？
大家唔熟美國政治點玩唔緊要，不過唔好畀人吹風講兩句又咁悲觀，就話輸緊又剩。
民主制度本來就唔會好快手，要咁高效率，法案一上聽日就通過，大家不如返去極權國家，舉完手就通過。依家打持久戰，唔該醒少少讀下書。
