Tags » Pakistan

Headlines 2000 24th June 2017

http://www.zemtvs.com/headlines-2000-24th-june-2017/

Saudi security forces foil terror attack on Grand Mosque
PFA seals eleven sweetmeat shops ahead of Eid
Balochistan lawmaker arrested in traffic policeman hit-and-run case… 17 more words

Zemtvs

Death Toll Climbs to 73 After 3 Attacks in Pakistan

(PESHAWAR, Pakistan) — The death toll from twin blasts in the northwestern town of Parachinar climbed to 55 overnight, bringing the overall death toll from three separate attacks in Pakistan on Friday to 73, with several others in critical condition, officials said. 455 more words

Pakistan Home To 2.5 Million Afghan Refugees Who Fled Decades Of Conflict

Afghan refugee child Sayma Naseeb, 4, stands next to a mud home in a slum in Pakistan. Pakistan is home to an estimated 2.5 million Afghan refugees who have fled decades of conflict in their country. 156 more words

Live Humanitarian

نام نهاد مردانگي کي جنجهوڙيندڙ ست منٽ ـ دودو چانڊيو

 ”دل جا درياءَ سمنڊن کان به اونهان هوندا آهن، ڪنهن جي وس ۾ آهي، جو انهن دلين جي اندر پيل راز معلوم ڪري سگهي.“ هيءُ ترجمو سلطان باهو جي ان شعر جو آهي ته: دل درياءَ سمندرون ڊونگي، ڪوڻ دلان ديان جاڻي! لاڙڪاڻي ۽ بيروت جي مٽي مان ڳوهيل ذوالفقار علي ڀٽو جونيئر جي تازو وڊيو سنڌ اندر ڪوڙي مردانگي، رجعت پرستي ۽ دقيانوسي سوچن جي سمنڊ ۾ ڄڻ ڪو طوفان آڻي ڇڏيو آهي. ذوالفقار علي ڀٽي جي هن پوٽي کي به شايد سنڌ جي ماڻهن سياسي ميدان تي ڏسڻ ٿي چاهيو، يا پيءُ وانگر سندس هٿ ۾ بندوق ٿي ڏسڻ چاهي، تنهن ڪري هن جي هٿ ۾ پئنٽنگ جو برش، سندس جسم تي شڪار واري ڪوٽي بدران عورتاڻي پوتي، هن جي آواز ۾ ذوالفقار علي ڀٽي واري گجگوڙ بدران نفاست واري ”هاءِ“ نه وڻي، ان ڪري سنڌ ۾ اڪثريت ڄڻ سڪتي ۾ آهي. سماجي ويب سائيٽن کي ماتمي ڪپڙا پاتل آهن، هر اسٽيٽس جي اک ۾ ڳوڙهو آهي، ڪي سياسي ڪارڪن ان کي اسٽيبلشمينٽ جو ڀٽي خاندان کان پلاند پيا قرار ڏين، (حالانڪه ڀٽي خاندان ۽ پ پ پ کان پلاند زرداريءَ جي شڪل ۾ ورتو ويو آهي.) ڪي وري ذوالفقار جونئير جي ان عمل کي خوف ۽ حياتي بچائڻ جي سانچي ۾ پيا ماپين. ڪي چون ٿا ته سياسي ۽ خانداني اڪيلائي ماڻهو کي مختلف ڪيفيتن ۽ اڪيلائين ۾ وٺي ويندي آهي. انگريزن ۾ ان کي ”ايڊجسٽمينٽ پرابلم“ چئي نفسياتي ماهر راءِ قائم ڪندا آهن. ڪي ان کي فرائيڊ جي فارمولي ۾ ٿا ڳڻين، ڪي وري ان کي سچل، سامي ۽ قلندر جي راهه پيا قرار ڏين. هڪڙا حد کان وڌيڪ خوش ۽ ٻيا وري حد کان وڌيڪ ڪاوڙيل نظر پيا اچن، جيڪي چون ٿا ته، ”هاءِ گهوڙا ذوالفقار علي ڀٽي جي سياسي وارث کي هي ڇا ٿي ويو آهي؟“ ـ
ڪي وري چون پيا هي ذوالفقار علي ڀٽي جو نئون روپ ۽ نئون جنم آهي. آئون ان ڳالهه ۾ يقين نٿو رکان ته ذوالفقار جونئير ڇاڪاڻ ته ڇوڪرو آهي، ان ڪري ذوالفقار علي ڀٽي جو هو سياسي وارث آهي. اها سوچ به مرداڻي سماج جي سوچ آهي. پهرين ڳالهه ته سياست ۾ ڪا به خانداني وراثت ٿيندي ئي ناهي. سياست هڪڙي سماجي سائنس آهي، جيڪو ان کي صحيح معنيٰ ۾ ڪري، اهو ئي وارث آهي. هو پُٽ آهي، ان ڪري ان جو وارث آهي ته اها به مدي خارج وڏيرڪي سماج جي سوچ آهي. جيڪڏهن ڌيءَ قابل، اهل آهي ته ڇا اها وارث نٿي ٿي سگهي؟ هر انسان کي اهو حق آهي ته هو پنهنجي زندگي ڪيئن ٿو گذاري، ڪهڙي راهه ٿو وٺي، اهو هر انسان جو هڪڙو بنيادي انساني حق آهي. هو وڪيل ٿو ٿئي، سياستدان ٿو ٿئي، صحافي ٿو ٿئي، راڳي ٿو ٿئي، اها سندس مرضي آهي، اسان پنهنجون خواهشون ڪنهن تي نٿا مڙهي سگهون. ذوالفقار جونئير ان ڪري سياستدان بڻجي وڏي گاڏي ۾ چڙهي وڏيون مڇون رکي، گلا کولي ڌاٻا ڏئي هلي، ڇاڪاڻ جو اهو ذوالفقار علي ڀٽي جو پوٽو، مرتضيٰ ڀٽي جو پٽ ۽ بينظير جو ڀائٽيو آهي؟ اها سوچ ئي غلط آهي. اسان جا وڏا وڏا سٺا ماڻهو به اهو پيا سوچين، مون کي انهن تي حيرت آهي. دنيا جو اصول آهي ۽ تاريخ گواهه آهي ته دنيا اندر کوڙ وڏي ۾ وڏا ماڻهو به پنهنجي دور جي ڪيترين ئي پست سوچن جي دائري ۾ قيد رهيا. ارسطو جهڙا ماڻهو به عورتن ۽ غلامن جي غلامي جي حمايت ۾ وڪالت ڪندا رهيا ـ
سماجن ۾ جن ماڻهن رجعت پرست سوچن جي بغاوت ڪئي، يا سماج کان هٽي ڪري سوچيو، اهي گهاڻن ۾ پيڙهجي ويا، سورين تي چڙهي ويا، يا پنهنجي سماجن مان تڙجي جلاوطن ٿيا. ڏک ڏاکڙا ڏسي، منزلون طئي ڪري زمين جي مختلف علائقن ۾ وڃي رهيا. مرڻ مري ويا، پر پوئتي پيل سوچن انهن کي سک سان جيئڻ ڪو نه ڏنو. ميران ٻائي ڪشمير جي راجا جي نُهن وٽ تاج تخت، نوڪر چاڪر، ٻانهيون هيون، اها سونن چمچن ۾ پئي کائي، پر جڏهن هن سمجهيو ته سندس دل جي دنيا ۾ ڪجهه ٻيو آباد آهي ته هن ڇا ڪيو، جيڪو دنيا ڏٺو. ڪشمير سميت هندستاني راجائن جي هزارين نُهن، راڻين، ڌيئرن جو ڪنهن کي نالو به ياد ناهي، ميران ٻائي هر من ۾ وسي ٿي. گوتم ٻڌ کان وٺي کوڙ ماڻهن پنهنجون زندگيون ائين نه گذاريون، جيڪو سندن آسپاس جو ماحول هو، رهڻي ڪهڻي هئي زندگيءَ جو نظام هو، پر هنن پنهنجي اندر ۾ جيڪو سوچيو، تيئن زندگي گذاري. اهو انسان جو پنهنجو فيصلو آهي، مرتضيٰ ڀُٽي جي پٽ کي جيڪڏهن اهو ماحول نه مليو، سياسي ۽ خانداني اڪيلائين جو شڪار ٿي هن جي اندر جي انسان پنهنجي لاءِ هڪ الڳ رستو چونڊيو آهي ته ان لاءِ نه وڏي ڪنهن حيرت جي ڳالهه آهي، نه اجايو ڪاوڙ ڪرڻ جي ضرورت آهي. هن 70 ڪلفٽن ۾ ٻوساٽجي جيئڻ بدران آزادي جو هڪ وڏو شوڪارو ڀريو آهي، اهو هن جو بنيادي انساني حق آهي. جيڪي ماڻهو مرتضيٰ جي هن پُٽ کي سياسي ميدان ۾ ڏسڻ جا خواهشمند آهن، انهن مان گهڻن سندن سياسي سفر ۾ انهن جو ساٿ ڏنو آهي؟ اهي چند وڏيرا، جن مرتضيٰ جي اچڻ بعد سوچيو ته هاڻي مرتضيٰ ڀٽو اليڪشن کٽيندو، اقتدار ۾ ايندو، اهي به مرتضيٰ ڀٽي جي اليڪشن هارائڻ بعد پڙ ڏئي ميدان تان ڀڄي ويا. هن سالن تائين 70 ڪلفٽن جون ديوارون ڏٺيون، انهن ديوارن کي ڏسي ڏسي جڏهن ٿڪو ته هن برش کنيو، پهرين انهن ديوار تان ڄارا ڇاڻيان، مٽي ڇنڊي پوءِ انهن ديوارن جي پاڙن ۾ ڄمي ويل ڪچرو ميڙيو، وڻن جا سڪل ۽ ڇڻيل پن ميڙيا، اهو ڪچرو ميڙيندو ميڙيندو هو هڪ ڏينهن بلاول هائوس جي وڏن قلعي نما محلن جي آڏو پهتو. هن اتان ڪچرو ميڙيو پوءِ هو موٽي 70 ڪلفٽن آيو، انهن وڏين ديوارن کي ٻيهر ڏٺو، جيڪي هو ڄمندي ڏسندو پي آيو. هن کي عجيب ڪوفت ٿي، خوف ٿيو انهن ديوارن کان- جن ٻاهران رت جي بوءِ هئي، وحشت هئي ـ
پوءِ هن برش کڻي پئنٽنگ ڪئي، پوءِ هن ڪميرا کڻي فوٽوگرافي ڪئي، اڪيلائي کي روڪڻ لاءِ سنڌ جا ميلا گهميا- آخرڪار هو انهن ڪلبن تائين وڃي پهتو، جتان جي آيل 7 منٽن جي وڊيو سنڌ جي مردانگيءَ کي ٽڪر ٽڪر ڪري ڇڏيو آهي. آئون سمجهان ٿو ته ذوالفقار جونئير پنهنجي اندر ۾ هڪ انتهائي بهادر ماڻهو آهي. هن کي ان منزل تائين پهچڻ لاءِ پنهنجي اندر ۾ هڪ وڏي ويڙهه وڙهڻي پئي هوندي. اندر ۾ وڏيون عدالتون لڳيون هونديون، ڊگها بحث ٿيا هوندا، روايتي سنڌي سماج جا، مسلم سماج جا، مٿئين طبقي جا کوڙ اندر ۾ موجود وڪيل هن جي اندر ئي اندر هن سان وڙهيا هوندا. انهيءَ ويڙهه ۾ آخرڪار هن سوڀ حاصل ڪئي هوندي ۽ هن جي اندر جي انسان کي جڏهن آزادي ملي ته هو اسان جي سامهون آيو آهي. اسان سندس زندگي گذارڻ جي ان فيصلي کي سندس آزادي سمجهون ٿا ۽ حمايت ٿا ڪريون ـ

Columns

Headlines 1900 24th June 2017

http://www.zemtvs.com/headlines-1900-24th-june-2017/

Saudi security forces foil terror attack on Grand Mosque
PFA seals eleven sweetmeat shops ahead of Eid
Balochistan lawmaker arrested in traffic policeman hit-and-run case… 17 more words

Zemtvs

Headlines 1800 24th June 2017

http://www.zemtvs.com/headlines-1800-24th-june-2017/

Saudi security forces foil terror attack on Grand Mosque
PFA seals eleven sweetmeat shops ahead of Eid
Balochistan lawmaker arrested in traffic policeman hit-and-run case… 17 more words

Zemtvs

ملڪ ۾ وڌندڙ ٻيهر دهشتگردي ـ صاحب خان ڀٽي

 ملڪ اندر دهشتگردي هڪ ناسور بڻجي چڪي آهي، جنهن جي خاتمي لاءِ سڪيورٽي فورسز توڙي حڪمران وڏيون وڏيون دعوائون به ڪري رهيا آهن پر ان باوجود هن ملڪ ۾ دهشتگردي جو خاتمو نه ٿي رهيو آهي، ڪراچي جي سائيٽ ايريا واري علائقي ۾ اڻڄاتل دهشتگردن جي فائرنگ ۾ هڪ اي ايس آءِ سميت چار پوليس اهلڪار شهيد ٿي ويا ۽ ان کان علاوه ڪراچي اندر ڦرن جي وارداتن ۾ به اضافو ٿي رهيو آهي، حڪمران صرف پاناما ليڪس وارو راڳ ڳائي رهياآهن ۽ ادارا به ان مسئلي کي حل ڪرڻ ۾ مصروف نظر اچي رهيا آهن، جيڪڏهن دهشتگردي جي خاتمي لاءِ ادارا اهڙي طرح سرگرم نظر اچن ها ته اڄ هن ملڪ ۾ امن امان جي صورتحال بهتر هجي ها ۽ هن ملڪ اندر سيوهڻ ۽ ڪوئيٽا جهڙا سانحا پيش نه اچن ها پر افسوس جو حڪمران صرف پنهنجي مفاد لاءِ سرگرم نظر اچي رهيا آهن ۽ خير سگالي طور ڪيل فيصلن سبب هن ملڪ کي دهشتگردن جي رحم ۽ ڪرم تي ڇڏيو ويو آهي ـ
اڳ ۾ ڪراچي شهر کي دهشتگردن جي ان ڪري حوالي ڪيو ويو ته مفاهمت هلي رهي هئي پر هاڻ دهشتگردي جي خاتمي لاءِ ڪو به سنجيده قدم کڄندي نظر نه اچي رهيو آهي، ڪراچي تي الله تعاليٰ رحم ڪيو ۽ لنڊن واري شخص جي بيان کان پوءِ ڪراچي مان دهشتگردن کان هٿيار واپس ورتا ويا ۽ انهن خلاف ڪارروائي به ڪئي وئي پر هاڻ جيڪا دهشتگردي هن ملڪ اندر ٿي رهي آهي، ان بابت سڪيورٽي ادارا ۽ اسان جا حڪمران چئي رهيا آهن ته دهشتگرد افغانستان مان اچي رهيا آهن ۽ جن دهشتگردن کي هن ملڪ ۾ ماريو پيو وڃي انهن جي باري ۾ به اهو ئي چيو پيو وڃي ته اهي دهشتگرد افغانستان مان تربيت حاصل ڪري آيا هئا، گذريل ڏينهن وفاقي گهرو وزير چوڌري نثار افغان سرحد تي سيڪيورٽي سخت ڪرڻ جي به هدايت ڪئي آهي پر اها سڪيورٽي سخت ڪرڻ واري هدايتن سان ڪهڙو فرق پوندو؟ ڇاڪاڻ ته هن ملڪ افغانين جي ڪا کوٽ آهي جو سرحدن جي سڪيورٽي وڌائڻ سان ڪو فرق پوندو؟ جيستائين ملڪ اندر موجود افغان دهشتگردن خلاف ڪارروائي نه ڪئي ويندي تيستائين هن ملڪ اندر امن امان جي صورتحال قائم نه ٿيندي ـ
جڏهن پاڪستان ڪرڪيٽ ٽيم چيمپين ٽرافي ۾ ڀارت کي تاريخي شڪست ڏني هئي ته ان وقت هڪ ناليواري صحافي اخبار ۾ لکيو هو ته هي ملڪ ۾ هٿيارن جا انبار موجود آهن، اهي هٿيار ان وقت استعمال به ڪيا ويا جڏهن پاڪستاني ڪرڪيٽ ٽيم ڀارت کي شڪست ڏني هئي، بهرحال ان ڳالهه ۾ ڪو شڪ نه آهي ته ڪراچي ۾ دهشتگردي گذريل ڪيتري عرصي کان هلي رهي آهي ۽ پوليس اهلڪارن کي ڳولي ڳولي شهيد ڪيو ويو پر هتان جي ادارن انهن دهشتگردن خلاف ڪا خاص ڪارروائي نه ڪئي آهي، اهو ئي سبب آهي جو ڪراچي ۾ پوليس اهلڪار ڊيوٽي کان پوءِ گهر ويندي وردي لاهي سادا ڪپڙا پهري پوءِ گهر ويندا آهن، مطلب ته عوام ماڻهو سان گڏ سڪيورٽي ادارن کي به پنهنجي جان جو خطرو آهي، ان مان ثابت ٿي ويو آهي ته ڪراچي ۾ دهشتگرد اڃا به موجود آهن، لنڊن سان لا تعلقي هجي يا انهن سان رابطو ختم ڪرڻ جا اعلان ڪيا وڃن، ان سان ڪوبه فرق نه پوندو، اڳ به سڪيورٽي ادارن کي ڪراچي ۾ نشانو بڻايو ويو ۽ هاڻ به سڪيورٽي ادارا ۽ عوام دهشتگردن جي نشاني تي آهي ـ
ڪجهه ڏينهن اڳ هڪ ايماندار پوليس آفيسر ميڊيا تي بيان ڏنو هو ته دهشتگردن جي سپورٽ ڪندڙ ايوانن ۾ ويٺا آهن. بهرحال دهشتگردن جا سهولتڪار ايوانن ۾ هجن يا لنڊن ۾ هجن، دهشتگرد، دهشتگرد ٿيندو آهي، جئين ڊگري جعلي هجي اصلي ڊگري ڊگري ٿيندي آهي، ميڊيا تي اهي به خبرون هلي رهيون آهن ته ڪجهه ملڪ پاڪستان بابت چئي رهيا آهن ته پاڪستان ۾ دهشتگردي جي ورچڙهيل آهي، جنهن ۾ ڪو به شڪ نه آهي، ڇاڪاڻ ته جيڪڏهن پاڪستان ۾ دهشتگردي نه هجي ها ته سيوهڻ سانحو پيش نه اچي ها ۽ نه ڪوئيٽا ۾ بار بار ڌماڪا ٿين ها ۽نه ئي معصوم ماڻهو دهشتگردي جو شڪار ٿين ها. اڄ هن ملڪ اندر دهشتگردي عروج تي آهي پر اسان جا حڪمران ۽ سياستدان صرف هڪ ٻئي جي خلاف بيان بازي ۾ مصروف نظر اچي رهيا آهن ۽ هڪ ٻئي کي ڪرپٽ ۽ چور چئي رهيا آهن ۽ جڏهن به هن ملڪ ڪو وڏو سانحو پيش اچي ٿو تڏهن صرف مذمتي بيان ڏئي پنهنجو فرض پورو سمجهن ٿا ـ
گڏيل قومن ۾ مقرر پاڪستاني نمائيندي مليحه لوڌي ڪجهه ڏينهن اڳ بيان ڏنو هو ته پاڪستان افعان سرحد وٽ ڪنڊيڊار تارون لڳائي رهيو آهي، جيڪو تمام سٺو عمل آهي پر ان سان گڏ هن اهو به چيو ته 20 لک افغان پناهگيرن جي پاڪستان ميزباني به ڪري رهيو آهي، مطلب ته افغان جنگ وقت صرف 20 لک افغان پناهگير هن ملڪ ۾ آيا هئا جيڪي شايد هاڻ ان کان وڌيڪ هن ملڪ اندر ترسيل آهن ۽ انهن جو انگ اکر به هن ملڪ جي ادارن وٽ موجود نه هوندو ـ
رهي ڳالهه افعانستان جي سرحد کي محفوظ بڻائڻ جي ته ان تي هاڻ هتان جي ادارن عمل شروع ڪري ڇڏي آهي ۽ وفاقي گهرو وزير چوڌري نثار جي بيان موجب ته هن افغان سرحد وٽ سڪيورٽي سخت ڪرڻ جي هدايت ڪئي آهي، ان مان هاڻ اميد به پيدا ٿي آهي ته مستقبل دهشتگرد افغان رستي پاڪستان داخل نه ٿيندا ۽ ڪوئيٽا ۽سيوهڻ سانحا ٻيهر ڪڏهن هن ملڪ ۾ نه ٿيندا. هڪ ٻه ڏينهن اڳ جيڪو ڪوئيٽا جي گلستان روڊ تي آءِ جي آفيس ويجهو آپگهاتي بم ڌماڪو ٿيو. جنهن ۾ پوليس اهلڪارن سميت ڪيترائي ماڻهو اجل جو شڪار ٿيا، ان کان علاوه ڪراچي ۾ به دهشتگردن پوليس اهلڪارن کي نشانو بڻايو پر هن وقت تائين حڪمرانن ۽سياستدانن طرفان ڪو به هنگامي اجلاس نه گهرايو ويو ۽ نه ئي وري ان کي پاناما ليڪس کان وڌيڪ اهم معاملو سمجهيو. ٻين ملڪن ۾ جڏهن به دهشتگردي ٿيندي آهي ته حڪمران ۽ اتان جا سياستدان ٿرٿلي ۾ اچي ويندا آهن پر افسوس جو هن ملڪ ۾ حڪمرانن ۽ سياستدانن کي عوام ۽ هتان جي سڪيورٽي ادارن جي ڪا به پرواهه نه آهي ـ
جيڪڏهن حڪمران ۽ هن ملڪ جا سياستدان ٿورو به سنجيده هجن ها ته جئين پاناما ليڪس بابت آل پارٽيز ڪانفرنس گهرائيندا آهن ۽ ايندر لائحه عمل طئي ڪندا آهن اهڙي ريت ملڪ تازي دهشتگردي بابت به مشاورتي اجلاس طلب ڪري سگهجن پيا پر افسوس جو هن ملڪ ۾ انساني جانين جو ڪو به قدر نه آهي ۽ نه ئي وري سياستدان هڪ بينچ تي ويهي ملڪ اندر وڌندڙ دهشتگردي جي خاتمي لاءِ ڪو فيصلو ڪري رهيا آهن، رهي ڳالهه حڪمران ڌر جي ته اها هميشه اها ئي دعويٰ ڪندي رهي آهي ته ملڪ ترقي جي رستي تي گامزن آهي، خبر ناهي ته اها ترقي الائي ڪهڙي آهي، ڪوئيٽا ۾ سڪيورٽي ادارن تي حملو ڪيو وڃي ٿو، سنڌ درگاهن تي حملا ڪيا وڃن ٿا، پنجاب ۾ ڌماڪن ۾ ماڻهن کي ماريو وڃي ٿو، مطلب ته ڪو به ملڪ جو اهو شهر نه بچيو آهي جتي دهشتگردن پنهنجيون قهري ڪارروايون نه ڪيون هجن ـ
جيڪڏهن اها دهشتگردي ترقي آهي ته اهڙي ترقي هن ملڪ جي عوام کي نه گهرجي، ڇاڪاڻ ته جيستائين عوام جي جان ۽ مال محفوظ نه هوندو ته اهڙي ترقي کي ڇا ڪبو، سڀ کان اڳ ۾ هن ملڪ ۾ امن امان جي صورتحال بهتر ڪرڻ جي ضرورت آهي، نه ڪي روز روز نون نون منصوبن جو اعلان ڪرڻ آهي. ملڪ ۾ بيروزگاري، بک بدحالي ۽ پناهگيرن جي آمد سبب تمام گهڻا مسئلا پيدا ٿيا آهن پر انهن جي خاتمو صرف اعلانن سان نه ٿيندو پر عملي طور قدم کڻڻ سان ٿيندو، ان جي ڪري هتان جي سياستدانن کي هڪ بينچ تي ويهي دهشتگردي جي خاتمي لاءِ گڏجي ويهڻو پوندو، ٻين جو نوڪر ٿيڻ تي فخر ڪرڻ کان بدران ملڪ جي خوشحالي ۽ ترقي لاءِ سڀني کي گڏجي جدوجهد ڪرڻي پوندي ۽ افغانستان جي سرحد کي اڃا وڌيڪ محفوظ بڻائڻو پوندو ته جئين ملڪ اندر دهشتگردي جو خاتمو اچي سگهي ۽ هتان جو عوام جو سک جو ساهه کڻي، نه ته ڪراچي سميت ملڪ جي مختلف شهرن ۾ سڪيورٽي ادارن سان گڏ عوام کي دهشتگرد ايئن نشانو بڻائيندا رهندا ـ

Columns