Tags » Peter Beinart

On Holocaust Remembrance Day, It's Time for Jews to Resist Martyrdom

A few days ago, after spending Passover in Israel with my family, I brought my eldest son close to me and placed my hands on his head. 1,229 more words

Israel

CNN: Jason Johnson on Donald Trump Boycott of Fox News Debate

On CNN Newsroom with Carol Costello, The Root Political Editor Jason Johnson discusses Donald Trump’s last minute Fox News Channel debate boycott with Peter Beinart of The Atlantic and Hadley Heath Manning of the Independent Women’s Forum.

Politics

అమెరికా ఎందుకు వామపక్షం వైపు పయనిస్తోంది ?మూడవ భాగం

ఆఫ్రో అమెరికన్ల పట్ల పెరుగుతున్న సానుకూలత

మారుతున్న ప్రపంచం-5

పీటర్‌ బెయినార్ట్‌

అధికారానికి వచ్చిన తమ వాడు బరాక్‌ ఒబామా (స్వతంత్ర అమెరికా చరిత్రలో ఒక ఆఫ్రికన్‌ అమెరికన్‌ అధికారానికి రావటం ఒబామాతోనే ప్రారంభమైంది) తమకు రక్షణ ఇవ్వలేకపోయాడే అన్న ఆవేదనలోంచి పుట్టి ప్రత్యక్ష పోరాటానికి పురికొల్పింది తాజాగా అమెరికాలో జరుగుతున్న నల్లజాతీయుల జీవిత సమస్య వుద్యమం. ఒబామా వైఫల్యాల నుంచి పుట్టిందే ఈ వుద్యమం అని కార్నెల్‌ సామాజికవేత్త ట్రావిస్‌ గోసా అన్నారు. 1992లాస్‌ ఏంజల్స్‌ దహనకాండ తరువాత తెల్లవారిపై దాడిచేసిన నల్లజాతీయుల గురించి ఒకరు ప్రశ్న అడిగినందుకు నాడు అధ్యక్షుడిగా వున్న బిల్‌క్లింటన్‌ ఒక మహిళపై ఆగ్రహంతో విమర్శలు చేశారు.ఆఫ్రికన్‌ అమెరికన్ల నిరసన వృధా అన్నట్లుగా మాట్లాడారు. ప్రస్తుతం డెమోక్రటిక్‌ పార్టీ నాయకులు దానికి భిన్నంగా వాల్‌స్ట్రీట్‌ ఆక్రమణ వుద్యమాన్ని హర్షించినట్లుగానే నల్లజాతీయుల జీవిత సమస్య వుద్యమంపై స్పందిస్తున్నారు. గతేడాది జూలైలో ఫోనిక్స్‌లో జరిగిన నెట్‌ రూట్స్‌ నేషన్‌ సభలో నల్లజాతి జీవిత సమస్య వుద్యమ కార్యకర్త వేదికపైకి ఎక్కి ఆటంకం కలిగించాడు.డెమోక్రటిక్‌ పార్టీ తరఫున పోటీలో వున్న శాండర్స్‌, మార్టిన్‌ ఓమల్లేని అపహాస్యం చేశాడు. పావుగంటసేపు ఓమల్లేని మాట్లాడకుండా మిన్నకుండిపోయాడు. తరువాత పార్టీలో వుదారవాదులుగా వున్న వారు వుద్యమ కార్యకర్తల పట్ల మరింత సానుభూతి చూపలేదని అభ్యర్ధులపై విమర్శలు చేశారు. ఆ విమర్శలను వారు అంగీకరించటమే కాదు, అదే రోజు ఓమల్లే బహిరంగంగా క్షమాపణ చెప్పాడు, శాండర్స్‌ కూడా అదే పని చేశాడు. తన పత్రికా కార్యదర్శిగా ఓ నల్లజాతీయుడిని నియమించాడు.తన వెబ్‌సైట్‌లో జాతి న్యాయం పేరుతో ఒక విభాగాన్ని ప్రారంభించాడు, ప్రయివేటు జైళ్ళను నిషేధించాలని కోరే బృందంలో చేరటమే కాదు, నల్లజాతీయులను కాల్చి చంపిన పోలీసుల పేర్లను బహిరంగంగా ప్రస్తావించటం ప్రారంభించాడు. 1990 దశకంలో జనాన్ని సామూహికంగా జైళ్లపాలు చేసే కార్యక్రమాన్ని ప్రారంభించటంలో తన భర్త బిల్‌క్లింటన్‌, ఇతర డెమోక్రాట్లు కూడా తమ వంతు మద్దతు ఇచ్చారని దానికి స్వస్తిపలకాలని తాను ఇప్పుడు కోరుతున్నానని హిల్లరీ క్లింటన్‌ నల్లజాతీయుల పట్ల సానుభూతి వచనాలు పలికారు. నల్లజాతీయుల జీవిత సమస్య వుద్యమకార్యకర్తలతో రెండు సార్లు సమావేశమైన బిల్‌క్లింటన్‌ జనాన్ని సామూహికంగా జైలు పాలు చేసే కార్యక్రమాన్ని విస్తరించటంలో తన వంతు పాత్ర పట్ల విచారం వ్యక్తం చేశాడు. డెమోక్రటిక్‌ పార్టీ జాతీయ కౌన్సిల్‌ ఈ వుద్యమానికి మద్దతు పలుకుతూ ఒక తీర్మానం చేసింది.ఇది హిల్లరీ క్లింటన్‌ లేదా డెమోక్రటిక్‌ పార్టీ వామపక్షం వైపు మొగ్గటం కాదా? ఆ బాటలో నడిచేందుకు అమెరికా జన సమ్మతి ఇది.

1960 దశకంలో ఆఫ్రికన్‌ అమెరికన్ల ఆందోళన సమయంలో నాడు అధ్యక్షుడిగా వున్న లిండన్‌ బి జాన్సన్‌ పౌర హక్కుల గురించి మరీ దూకుడుగా పోతున్నారని దక్షిణాదేతర రాష్ట్రాల తెల్లజాతీయులు 28శాతం మంది అభిప్రాయం పడ్డారు.తరువాత 1966లో లాస్‌ఏంజల్స్‌, చికాగో, క్లీవ్‌లాండ్‌ వంటి చోట్ల ఘర్షణలు జరిగిన తరువాత అలాంటి వారు 52శాతానికి పెరిగారు. ప్రస్తుతం పరిస్ధితి దానికి భిన్నంగా జరుగుతోంది. పూ పరిశోధనా సంస్ధ 2014జూలైలో ప్రకటించిన ఒక నివేదికలో ‘తెల్లజాతీయులతో సమంగా నల్లజాతీయులకు కూడా హక్కులు ఇచ్చేందుకు మార్పులను కొనసాగించాలన్న అభిప్రాయాన్ని 46 శాతం మంది సమర్ధించినట్లు తెలిపింది, ఫెర్గూసన్‌, బాల్టిమోర్‌లలో ఆందోళనల తరువాత 2015 జూలైలో వారి శాతం 59కి పెరిగింది. నల్లజాతీయుల పట్ల అనుసరిస్తున్న పద్దతుల పట్ల తాము సంతృప్తి చెందుతున్నట్లు ప్రకటించినవారు 2013 వేసవి నుంచి 2015 మధ్య 62 నుంచి 49శాతానికి పడిపోయినట్లు గాలప్‌ పోల్‌ తెలిపింది. పోలీసుల పట్ల గత 22 సంవత్సరాలలో ఇంతగా విశ్వాసం ఇంతగా దిగజారిపోవటం ఇదే ప్రధమం.పోలీసుల చేతుల్లో నల్లజాతీయుల హత్యలు చెదురు మదురు ఘటనలు మాత్రమే అని భావించే తెల్లవారిలో మార్పు వచ్చింది. హమైఖేల్‌ బ్రౌన్‌, ఫ్రెడ్డీ గ్రే వంటి వారి హత్యల తరువాత గతేడాది జనవరి-ఏప్రిల్‌ మధ్య అలాంటి వారు 20శాతం తగ్గారని యు గౌ పోల్‌ తెలిపింది.నల్ల జాతీయులు కూడా పెరిగేందుకు సమాన అవకాశాలు ఇవ్వాలని కోరే రిపబ్లికన్లు 15శాతం పెరిగారు. అయితే ఇప్పటికీ కొందరు రిపబ్లికన్లు సంస్కరణలు తేవాలని డెమోక్రాట్లతో గొంతు కలుపుతున్నారు. వారిలో పార్లమెంట్‌ స్పీకర్‌ జాన్‌ బోయెనెర్‌ ఒకరు. కొన్ని నేరాలకు శిక్షలు నామమాత్రంగా వుండాలని, తరుణ వయస్కులను నేరస్ధ రికార్డుల నుంచి తొలగించాలని, బాలలను ఒంటరి గదులలో వేయరాదని కొందరు రిపబ్లికన్లు ఒక చట్ట సవరణ ప్రతిపాదన ముందుకు తెచ్చారు. రిపబ్లికన్‌ పార్టీ నేతలలో వచ్చిన మార్పు అత్యంత ఆసక్తికరంగా వుంది. నెనెటర్‌ మార్కో రుబియో ఆగస్టు నెలలో ఫాక్స్‌ న్యూస్‌ ఛానల్‌లో నల్లజాతీయుల జీవిత సమస్య వుద్యమంపై యాంకర్‌ అడిగిన అంశంపై వుద్యమాన్ని ఖండించటానికి బదులు ఆఫ్రికన్‌ అమెరికన్‌ అయిన తన స్నేహితుడికి ఎదురైన ఒక అనుభవాన్ని వివరించాడు. అతనిపై ఎలాంటి చట్టవుల్లంఘనలకు పాల్పడనప్పటికీ గడచిన పద్దెనిమిది నెలల కాలంలో ఎనిమిది తొమ్మిది సార్లు పోలీసులు అటకాయించారని మన దేశం ఎదుర్కోవాల్సిన సమస్య ఇదని చెప్పాడు.ప్రభుత్వం జనాన్ని జైళ్లకు పంపకుండా చూసేందుకు మార్గాలు వెతకాలని సూచించాడు. 1990దశకంలో చివరిక ఒబామా తొలి రోజులలో కూడా మితవాద రిపబ్లికన్లు ఈ మాదిరి మాట్లాడలేదు. 1960 దశకంలో మాదరి జాతి వివక్ష , న్యాయ అంశంపై చర్చ తిరోగమన వాదం వైపు గాక పురోగమనం వైపు వుంది.

దశాబ్దక్రితం స్వలింగ సంపర్కుల మధ్య వివాహాలను బహిరంగంగా సమర్ధించటం అంటే ఆత్మహత్యా సదృశ్యంగా డెమాక్రాట్లు భావించేవారు. ఇప్పుడు ఆ చర్చ పెద్దగా లేదు. అమెరికన్లలో పెద్ద మార్పు వచ్చింది. ఈ కారణంగానే రిపబ్లికన్లు 2016ఎన్నికల ప్రచారంలో రిపబ్లికన్లు ఆడామగా కాని వారి హక్కులను వ్యతిరేకించటంలో పెద్ద ఆసక్తి చూపటం లేదు. వారిని సైన్యంలో చేర్చుకొనేందుకు కూడా రక్షణశాఖ నిర్ణయించింది.

ప్రజాభిప్రాయం సేకరణ ఓటింగ్‌ ప్రకారం అమెరికాలో పాలన జరగదు, సామాన్యుల అభిప్రాయాలు రాజకీయనేతల వరకు చేరేందుకు అనేక ఆటంకాలు వుంటాయి, సాధారణంగా మితవాదులదే అధికారం, అందువలన ఇలాంటి సమస్యల గురించి ఎంత చెప్పుకుంటే ప్రయోజనం ఏమిటి అని ఎవరైనా ప్ర శ్నించవచ్చు. వ్యవస్ధాగతమైన అననుకూలతలు వున్నప్పటికీ తన కంటే ముందు పని చేసిన ఇద్దరు డెమోక్రటిక్‌ అధ్యక్షుల కంటే మరింత పురోగమనదాయకమైన అజెండాను అమలు జరిపాడు. అందువలన అతడు లేక ఆమె ఎవరు ఎన్నికైనప్పటికీ గతం కంటే పురోగామిగా వుంటారని నమ్మేందుకు కారణాలు వున్నాయి. మైక్రోసాప్ట్‌ బెట్టింగ్‌ మార్కెట్‌ ప్రిడిక్ట్‌వైజ్‌ ప్రకారం 2016 ఎన్నికలలో డెమోక్రాట్లు అధికారానికి వచ్చేందుకు 60శాతం అవకాశాలు వున్నాయి. అది హిల్లరీ క్లింటన్‌ కారణంగా కాదు, ఎందుకంటే డెమోక్రటిక్‌ పార్టీలోఆమె అత్యంత బలమైన వారు కనుక చివరికి అభ్యర్ధి కావటం దాదాపు ఖాయం, అలాగే రిపబ్లికన్‌ పార్టీలో అత్యంత బలహీనమైన అభ్యర్ధిని నిలపవచ్చు. ప్రస్తుతం పోటీలో వున్న ఎవరు అభ్యర్ధి అయినా హిల్లరీ క్లింటన్‌ను విజయం వరించటం ఖాయంగా కనిపిస్తోంది.ఆమె విజయం సాధిస్తే దేశీయంగా ఒబామా వదలిపోయిన విధానాలను కొనసాగిస్తారు. వాల్‌స్ట్రీట్‌ ఆక్రమణ, నల్లజాతీయుల జీవిత సమస్య వంటి బలమైన వామపక్ష వుద్యమాలు లేని కారణంగా విదేశాంగ విధానంలో వేరుగా వుంటాయి. ఆమె ఇప్పటికే వామపక్ష దిశగా తన ప్రచారం వుండబోతున్న సూచనలు ఇచ్చారు. హిల్లరీ గెలిస్తే ఒబామా విధానాలు కొనసాగించినట్లుగానే రిపబ్లికన్లు గెలిస్తే జార్జి డబ్ల్యు బుష్‌ వదలి వెళ్లిన విధానాలను కొనసాగిస్తారు. 2000 సంవత్సర ఎన్నికలలో చాలా కొద్ది మంది మాత్రమే మిలీనియం యువతరం ఓట్లు వేయగలగారు. ఇప్పుడు దానికి భిన్నంగా ఓట్లు వేసే వారిలో మూడోవంతు మంది వుంటారు. పదహారు సంవత్సరాల నాడు ఆఫ్రికన్‌ అమెరికన్లు, హిస్పానిక్స్‌, ఆసియన్లు ఓటర్లలో 20శాతం వుండగా ఇప్పుడు 30శాతం పైగా వున్నారు. రిపబ్లికన్‌ అభ్యర్ధి గెలవాలంటే శ్వేతజాతీయుల ఓట్లలో 60శాతం తెచ్చుకున్నప్పటికీ మైనారిటీ ఓట్లు 30శాతం తెచ్చుకోవటం అవసరం అని ఆ పార్టీ నియమించిన కన్సల్టెంట్స్‌ చెబుతున్నారు. విజయం సాధించాలంటే వామపక్షం వైపు మొగ్గు చూపుతున్న యువతరం, మైనారిటీల ఓట్లు కీలకం.

Current Affairs

అమెరికా ఎందుకు వామపక్షం వైపు పయనిస్తోంది ?రెండవ భాగం

మారుతున్న ప్రపంచం-4

పీటర్‌ బెయినార్ట్‌

అమెరికన్‌ కాంగ్రెస్‌(ప్రజా ప్రతినిధుల సభ)లో రిపబ్లికన్ల నుంచి తీవ్ర ప్రతిఘటన ఎదుర్కొన్న అధ్యక్షుడు బరాక్‌ ఒబామా ఆర్ధిక సంక్షోభాన్ని అవకాశంగా తీసుకొని వాల్‌స్ట్రీట్‌ అధికారానికి ఎందుకు కోత పెట్టలేదో తెలియదు, అయితే ఆయన ఆ పనిచేయలేదన్నది స్పష్టం.ఒక అధ్యక్షుడిగా ఇతరులెవరూ చేయలేని విధంగా ఒబామా వుత్తేజపరిచాడు . మూడు సంవత్సరాలలోపే తన చుట్టూ వున్న యువతరం ఇబ్బందులు పడుతుండగా ఆర్ధిక మత్తగజాలు ఇప్పటికీ ఆధిపత్యం వహిస్తున్నాయి. దానికి స్పందనగా యువతరం సృష్టించిందే వాల్‌స్ట్రీట్‌ ఆక్రమణ వుద్యమం. దానిలో భాగంగా జుకొట్టి పార్కును ఆక్రమించుకున్నది ఎవరా అని ఆరాతీసేందుకు అక్కడికి వెళ్లిన న్యూయార్క్‌ సిటీ విశ్వవిద్యాలయ విద్యావేత్తలకు ఆ యువకుల్లో 40శాతం మంది 2008 అధ్యక్ష ఎన్నికలలో ఒబామా విజయం కోసం పనిచేసిన వారేనని తేలింది. ఒక అధ్యక్షుడిగా ఒబామా మౌలిక మార్పులు తెస్తారని వారిలో అనేక మంది ఆశించారు. అది నిరాశ అని తేలటంతో వాల్‌స్ట్రీట్‌ను ప్రత్యక్షంగానే ఎదుర్కోవాలనే ఆలోచన వారిని నడిపించింది.ఆక్రమణ వుద్యమాన్ని దగ్గరగా పరిశీలించిన న్యూయార్క్‌ విశ్వవిద్యాలయ పరిశోధకులు ‘ ఆక్రమణ వుద్యమంలో పాల్గొన్న ఎక్కువ మంది యువకులలో ఒబామాపై భ్రమలు తొలగటమే వారిని అందుకు పురికొల్పింది’ అన్నారు. ‘ఆక్యుపై నేషన్‌ ‘ అనే పేరుతో పుస్తకాన్ని రచించిన కొలంబియా విశ్వవిద్యాలయ సోషియాలజిస్టు టోడ్‌ గిట్లిన్‌ న్యూ స్కూల్‌ ఫర్‌ రిసర్చ్‌లో బోధకుడైన జెర్మీ వరాన్‌ ఇలా అన్నారని తన పుస్తకంలో వుటంకించారు.’ ఒబామా యంత్రాంగం నుంచి స్వాతంత్య్రం ప్రకటించుకున్న ఒబామా తరం ఇది, ఆయన గళం మాదిగా వుంటుందని ఆలోచించాము, ఇప్పుడు మా గురించి మేమే మాట్లాడుకోవాల్సి వచ్చింది’ ఆ వుద్యమం కొద్ది కాలమే నడిచిందికానీ జాతి దృష్టిని ఆకర్షించింది. చరిత్రలో ఇది గొప్ప నిరసన వుద్యమంగా రాజకీయ శాస్త్ర పండితుడు ఫ్రాన్సిన్‌ ఫాక్స్‌ పివెన్‌ వ్యాఖ్యానించారు.అది ఒక ప్రజావుద్యమంగా విస్తరించి వుండకపోవుచ్చు, వారు ఒక ప్రత్యేక స్థలంలో కూర్చొని చేసిన వుద్యమం, అది ముగిసిపోయిందంటే మరోచోట మరో రూపంలో తిరిగి ముందుకు రావటానికే అని కూడా ఫ్రాన్సిస్‌ చెప్పారు.

ఆ వుద్యమ జ్యోతి ఆరిపోవచ్చు, కానీ అమెరికా రాజకీయ చర్చలోకి ఆర్ధిక అసమానత అంశాన్ని చొప్పించింది.( జుకొట్టి పార్కు ఆక్రమణ ప్రారంభమైన కొద్ది వారాలలోనే మీడియాలో దాని గురించి ప్రస్తావన ఐదు రెట్లు పెరిగింది) అయితే ఆ ఆగ్రహం కేవలం వాల్‌స్ట్రీట్‌కే పరిమితం కాలేదు, డెమోక్రటిక్‌ పార్టీని కూడా తాకింది. పార్టీ పెద్దల వాంఛలకు భిన్నంగా న్యూయార్క్‌ నగర మేయర్‌గా బిల్‌ డి బ్లాసియో(కొందరు బ్లాసియోను కమ్యూనిస్టుగా చిత్రించి ప్రచారం చేశారు) ఎన్నికవటానికి, ఎలిజబెత్‌ వారెన్‌ జాతీయ స్థాయికి పెరగటానికి దోహదం చేసింది. ఈ వుద్యమం జరగకపోతే వెర్‌మౌంట్‌ డెమోక్రటిక్‌ పార్టీ ఎంపీ, సోషలిస్టు అయిన బెర్నీ శాండర్స్‌ ప్రారంభ ప్రచారంలో హిల్లరీ క్లింటన్‌కు తీవ్రమైన సవాలు ఇచ్చి వుండేవారు కాదు. ఆయన తన అభ్యర్ధిత్వాన్ని ప్రకటించిన రోజున ఆక్రమణ వుద్యమ కార్యకర్తలు తమ మద్దతు ప్రకటించారు.

ఆయన ప్రచారంలో చెప్పినదానికంటే దాని పట్ల డెమోక్రటిక్‌ పార్టీలోని శిష్ట(వున్నత) జనం స్పందించిన తీరు ముఖ్యమైనది.1980దశకం చివర, 1990దశకాలలో అయితే ఆయనను చీల్చి చెండాడి వుండేవారు అ. వాణిజ్యవర్గాలకు అనుకూలంగా వుండాలని చెప్పి వుండేవారు .ఈ రోజు వామపక్షానికి శత్రువులు లేరు అన్నట్లుగా వుంది. అందుకే శాండర్స్‌కు పెద్దగా సైద్దాంతిక ప్రతిఘటన ఎదురు కాలేదు.ఈ పరిస్ధితి మేథావులు, కార్యకర్తలలోనే కాదు, ఆ పార్టీకి నిధులు ఇచ్చే అనేక మంది, తరచుగా పురోగామి అజెండాను వ్యతిరేకించే జర్నలిస్టులలో కూడా కనీసం ఆర్ధిక అంశాల విషయంలో అనేక మందిలో వుంది. జార్జి సోరోస్‌, టామ్‌ స్టేయర్‌ వంటి పెద్ద ఎత్తున నిధులు సేకరించే వారితో కూడిన అత్యంత ప్రభావం కలిగించే డెమోక్రసీ అలయన్స్‌ క్లబ్‌ కూడా ఒబామా కాలంలో వామపక్షం వైపు మొగ్గిందని నేషనల్‌ పత్రికలో జాన్‌ జుడిస్‌ వ్యాఖ్యానించాడు. ఈ క్లబ్‌ రచయితల వార్షిక సమావేశానికి 2014లో హాజరైన ఎలిజబెత్‌ వారెన్‌(వామపక్ష వాది)కు కేరింతలతో స్వాగతం పలకటమే కాదు, ఆర్ధిక అసమానతకు తాము అగ్ర ప్రాధాన్యత ఇస్తున్నట్లు గత వసంత కాలంలో ప్రకటించింది. ఇవన్నీ హిల్లరీ క్లింటన్‌పై ప్రభావం చూపాయి. శాండర్స్‌ మాదిరిగా మొత్తం పెట్టుబడిదారీ విధానాన్నే వదలివేయాలని గాక ఆ విధానపు అతిని అరికట్టేందుకు తాను ప్రయత్నిస్తానని ఆమె చెప్పాల్సి వచ్చింది.అంతే కాదు ఆక్రమణ వుద్యమం-ఎలిజబెత్‌ వారెన్‌- బెర్నీశాండర్స్‌ కూటమి హిల్లరీ స్వంత ఆర్ధిక అజెండాను ప్రభావితం చేసింది.గత ఎన్నికలలో ధనికులపై అధిక పన్నులు విధించాలనటాన్ని వ్యతిరేకించిన ఆమె ఇప్పుడు గట్టి నియంత్రణ వుండాలని, గతంలో తాను వుత్సాహంతో సమర్ధించిన ట్రాన్స్‌ పసిఫిక్‌ భాగస్వామ్య ఒప్పందాన్ని ఇప్పుడు విమర్శిస్తున్నది.ఆమె భర్త మరియు ఒబామా విధానాల నుంచి దూరంగా వుందని కొందరు వ్యాఖ్యానించారు.

నేర న్యాయం, జాతుల విషయంలో కూడా ఇదే విధమైన ప్రభావం కనిపిస్తోంది. ఒబామాపై భ్రమలు కోల్పోయిన కార్యకర్తలు వామపక్షం వైపు మొగ్గుతున్నారు. హిల్లరీ, మిగిలిన పార్టీ నాయకత్వం తమతో వస్తున్నందుకు సంతోషంగా వున్నారు. ఒబామా హయాంలో అనూహ్యంగా తలెత్తినది ఆక్రమణ వుద్యమాన్ని చెప్పుకుంటే మరొకటి నల్లజాతీయుల జీవిత సమస్య. ట్రాయవన్‌ మార్టిన్‌ హత్యకేసులో జార్జి జిమ్మర్‌మన్‌ను కోర్టు నిర్దోషిగా ప్రకటించటంతో ఈ వుద్యమం 2013లో ప్రారంభమైంది, 2014లో మైఖేల్‌ బ్రౌన్‌ మరణంతో అది వివిధ మార్గాలలో బద్దలైంది.అది గత దశాబ్దకాలంగా పెరుగుతున్న పోలీసు హత్యలకు ప్రతిస్పందన. కొందరు వీడియోలల కూడా దొరికి పోయారు. అయితే ఈ వుద్యమం కూడా ఒబామాపై భ్రమలు వీడిపోయిన పర్యవసానమే. ఆఫ్రికన్‌-అమెరికన్లపై పోలీసుల హింసాకాండ నిజానికి కొత్తది కాదు, ఒక నల్లజాతీయుడైన ఒబామా హయాంలో కూడా అది కొనసాగి పెరగటంతో యువతరం, వుదారవాదులు, ఇతరులలో కూడా నల్లవాడు కూడా తమవాడు కాకపోయాడే అన్న ఆవేదన తలెత్తటంతో అది వ్యవస్ధీకృత మార్పులను తీసుకువచ్చింది.

Current Affairs

అమెరికా ఎందుకు వామపక్షం వైపు పయనిస్తోంది ?

మారుతున్న ప్రపంచం-3

పీటర్‌ బెయినార్ట్‌

అమెరికా ఎందుకు వామపక్షం వైపు పయనిస్తోంది అనే శీర్షికతో అమెరికాలోని అట్లాంటిక్‌ పత్రికలో పీటర్‌ బెయినార్ట్‌ రాసిన విశ్లేషణ గురించి గత భాగంలో కొన్ని అంశాలు చెప్పుకున్నాం. పాఠకులకు మరిన్ని వివరాలు, పూర్వరంగాన్ని తెలియచేసేందుకు సుదీర్ఘమైన ఆ వ్యాసాన్ని సంక్షిప్తీకరించి ముఖ్యాంశాలను ఇవ్వటం అవసరమన్న సూచనల మేరకు ఇక్కడ ఇస్తున్నాను.అందువలన ఇంతకు ముందు భాగంలో పేర్కొన్న అంశాలు పునశ్చరణ చేయటం లేదు. దీనిలోని అంశాలన్నీ మూల రచయిత అభిప్రాయాలే.: ఎంకెఆర్‌

రిపబ్లిక్లన్లు పార్లమెంట్‌ మరియు దేశంలోని ప్రభుత్వకార్యాలయాలను తాళాలతో కట్టడి చేయవచ్చు, అధ్యక్ష ఎన్నికలో మంచి విజయం సాధించగలరేమో కానీ బరాక్‌ ఒబామా హయాంలో ప్రవేశ పెట్టబడిన వుదారవాద యుగం ప్రారంభం మాత్రమే. గత పద్దెనిమిది నెలలుగా సంభవించిన దిగువ ఘటనలు దేశాన్ని నిశ్చేష్టితురాలిని చేశాయి. 2014 జూలైలో చట్టవిరుద్దంగా సిగిరెట్లు అమ్ముతున్నాడనే పేరుతో ఆఫ్రికన్‌ అమెరికన్‌ యుకుడు ఎరిక్‌ గార్నర్‌ను న్యూయార్క్‌ పోలీసులు వూపిరి ఆడకుండా చేసి చంపివేశారు. అదే ఏడాది ఆగస్టులో డారెన్‌ విల్సన్‌ అనే శ్వేతజాతి పోలీసు అధికారి మైకేల్‌ బ్రౌన్‌ అనే ఆఫ్రికన్‌ అమెరికన్‌ కుర్రవాడిని ఫెర్గూసన్‌ పట్టణంలో కాల్చి చంపాడు.దీంతో తలెత్తిన రెండు వారాల నిరసనల కారణంగా పట్టణం యుద్ధ ప్రాంతం మాదిరి కనిపించిందని మిసౌరీ రాష్ట్ర గవర్నర్‌ స్వయంగా వ్యాఖ్యానించాడు. అదే ఏడాది డిసెంబరులో గార్నర్‌, బ్రౌన్‌ల మరణానికి ప్రతీకారంగా నేర చరిత్ర వున్న ఒక ఆఫ్రికన్‌ అమెరికన్‌ ఇద్దరు న్యూయార్క్‌ నగర పోలీసులను మట్టుపెట్టాడు.వారి అంత్యక్రియలకు హాజరైన నగర మేయర్‌ వుదారవాద మేయర్‌ బిల్‌ డి బ్లాసియోకు వెన్ను చూపి పోలీసులు నిరసన తెలిపారు.

గతేడాది ఏప్రిల్‌లో మరొక ఆఫ్రికన్‌ అమెరికన్‌ యువకుడు ఫ్రెడ్డీ గ్రే పోలీసు కస్టడీలో మరణించాడు.దాంతో తలెత్తిన నిరసనలలో బాల్టిమోర్‌లో 200 వాణిజ్య సంస్ధలు నాశనమయ్యాయి, 113 మంది పోలీసులు గాయపడ్డారు, 486 మంది పౌరులను పోలీసులు అరెస్టు చేశారు. జూలైలో నల్లజాతి వుద్యమ కార్యకర్తలు ఇద్దరు డెమోక్రటిక్‌ అధ్యక్ష అభ్యర్ధుల వుపన్యాసాలను అడ్డుకోవటం ద్వారా జాతీయ దృష్టిని ఆకర్షించారు. ఒక వేళనేను పోలీసు కస్టడీలో మరణిస్తే దానికి ప్రతీకారంగా ఏ పద్దతిలో అయినా మరొకరిని మట్టుపెట్టండి, ప్రతిదాన్నీ తగుల పెట్టండి అంటూ నల్లజాతి వుద్యమ కార్యకర్తలు నినదించారు. దాంతో డెమోక్రటిక్‌ పార్టీ అభ్యర్ధి మార్టిన్‌ ఓ మల్లీ మాట్లాడుతూ నల్లజాతీయులవైనా తెల్లజాతీయులవైనా ప్రాణాలు ప్రాణాలే అని మాట్లాడి నిరసనలను ఎదుర్కొని తరువాత క్షమాపణలు చెప్పాడు.

రోనాల్డ్‌ రీగన్‌ దేశాన్ని మితవాదం వైపు ఎలా నడిపాడో నేను చూశాను, బిల్‌ క్లింటన్‌ దానిని కొనసాగిస్తూ తమ పార్టీ నేరాలను నిర్ధాక్షిణ్యంగా అణచివేస్తుందని శ్వేతజాతి అమెరికన్లకు హామీ ఇచ్చారు.నల్లజాతీయుల జీవిత సమస్య గురించి ఈ ఏడాది డెమోక్రటిక్‌ పార్టీ అభ్యర్ధులు నలిగిపోవటాన్ని, వాటిని వామపక్ష అంశాలుగా హిల్లరీ క్లింటన్‌ సైద్దాంతిక హెచ్చరిక ముద్రవేయటం చూసిన తరువాత తీవ్రమైన మితవాద ప్రతిస్పందనకు దేశం సిద్దం కావాల్సి వుంటుందని నేను వూహించాను. కానీ నేను వూహించింది తప్పు. ఒబామా వుదారవాదానికి వెల్లడైన వ్యతిరేకత బలం కంటే గొంతు పెద్దదిగా వుంది. దేశం మితవాదం వైపు కంటే మొత్తంగా చూస్తే వామపక్షం వైపు తిరుగుతోంది.

1960 దశకం చివరిలో 70 దశకం మధ్యలో మిలిటెంట్‌ వామపక్షం మరియు జాతి పరమైన జగడాల మధ్య వుదారవాద యుగం అంతమైంది.ఈ రోజు మిలిటెంట్‌ వామపక్షం మరియు జాతి పరమైన జగడాల మధ్య వుదారవాద యుగం కేవలం ప్రారంభమైంది. డెమోక్రటిక్‌ పార్టీ మరియు ముఖ్యంగా దేశం మొత్తం మీద మరింత వుదారంగా ఎందుకు తయారవుతోందో అర్ధం చేసుకోవాల్సిన అవసరం వుంది. డెమోక్రటిక్‌ పార్టీ వామపక్ష దిశగా ప్రయాణ కధలో రెండు ఆధ్యాయాలు వున్నాయి. మొదటిది జార్జి డబ్ల్యు బుష్‌ అధ్యక్షత గురించి. బుష్‌కు ముందు డెమోక్రటిక్‌ పార్టీలో బలమైన మధ్యేవాద విభాగం వుంది.అది రోనాల్డ్‌ రీగన్‌ మిలిటరీ చర్యలను ఎక్కువగా సమర్ధించింది. స్వలింగ సంపర్కులకు మిలిటరీలో అవకాశం కల్పించాలన్న బిల్‌క్లింటన్‌ ప్రయత్నాలను పడకుండా చేసింది. కనీసవేతన పెంపుదలను వ్యతిరేకించింది. ఆదాయ పన్ను రేటును 70నుంచి 50శాతానికి తగ్గించటం, ప్రభుత్వ నియంత్రణలను మరింత సడలించిన రీగన్‌ నిర్ణయాల కారణంగా ఆర్ధిక అభివృద్ధి జరిగిందని 1980దశకం చివరిలో 1990దశకంలో ఈ విభాగం వాదించింది. పన్నురేటును బుష్‌ 2001లో 35శాతానికి తగ్గించటం, నియంత్రణలను బలహీన పరచారు, అయినప్పటికీ అసమానత, లోటు బడ్జెట్‌ మరింత పెరిగింది, ఆర్ధిక వ్యవస్ధ పురోగమించింది లేదు ఆ తరువాత ఆర్ధిక వ్యవస్ధ కుప్పకూలిపోయింది. డెమోక్రాట్‌ మధ్యేవాదులు 1980ల చివరిలో 1990దశకంలో మరికొన్ని వాదనలు కూడా చేశారు. రక్షణ ఖర్చును పెంచి,ఆఫ్ఘన్‌ ముజాహిదీన్‌లకు సాయం చేసి సోవియట్‌ను కూల్చివేసేందుకు రీగన్‌ నిర్ణయాలు సాయం చేశాయని చెప్పారు. కానీ 2003లో బుష్‌ ఇరాక్‌పై దురాక్రమణ యుద్ధం ప్రకటించి వియత్నాం యుద్ధం(దురాక్రమణ) తరువాత అత్యంత పెద్ద విదేశాంగ విధాన విపత్తుకు కారకుడయ్యాడు.

వాల్‌స్ట్రీట్‌ ఆక్రమణ వుద్యమం ఆరిపోయి వుండవచ్చుగానీ అది అమెరికన్‌ రాజకీయ చర్చలో ఆర్ధిక అసమానత అంశాన్ని చొప్పించిందని అసోసియేటెడ్‌ ప్రెస్‌ వ్యాఖ్యానించింది. రీగన్‌ విధానాల కొనసాగింపు మాదిరే జరుగుతుందని డెమోక్రటిక్‌ మధ్యేవాదులు భావించిన కారణంగా 2001లో బుష్‌ పన్నుల తగ్గింపు ప్రతిపాదనను సెనెట్‌లో 12మంది, ఇరాక్‌పై దురాక్రమణ యుద్ధ ప్రతిపాదనను 29 మంది డెమోక్రాట్ల మద్దతుతో నెగ్గించకున్నాడు. దీని పర్యవసానాలతో మధ్యేవాదులపై తిరుగుబాటు కారణంగా పార్టీలో అది నాశనమైంది. దానికి నాయకత్వం వహించిన వారిలో ఒకడైన వెర్‌మాంట్‌ గవర్నర్‌ హోవార్డ్‌ డీన్‌ డెమోక్రటిక్‌ నాయకత్వం ఏకపక్ష దురాక్రమణ యుద్దాన్ని ఎందుకు సమర్ధించిందో, పన్నుల తగ్గింపునకు ఎందుకు మద్దతు పలికిందో తెలుసుకోవాలనుకుంటున్నానని 2003 ఫిబ్రవరిలో ధ్వజమెత్తాడు. అదే ఏడాది చివరిలో యుద్ధాన్ని సమర్ధించిన వాషింగ్టన్‌ డెమోక్రాట్లకు వ్యతిరేకంగా పార్టీలో అధ్యక్ష పదవి అభ్యర్దిగా అదే ఏడాది చివరిలో డీన్‌ ముందుకు వచ్చాడు.

ఆయన ప్రచారం డెమోక్రటిక్‌ పార్టీలో అంతర్గతంగా మేథోపరమైన తిరుగుబాటుకు దారితీసింది. అతని తిరుగుబాటు వుదారవాదుల వెన్ను బలపడేందుకు డెయిలీ కోస్‌(ఇంటర్నెట్‌ పత్రిక) అంకితమయ్యేందుకు కారణమైంది, పార్టీలో ముందుకు పదండి అనే పురోగామి కార్యకర్తల బృందానికి శక్తినిచ్చింది. ఇదే సమయంలో అమెరికాలో అత్యంత పలుకుబడి కలిగిన వుదారవాద పత్రికా రచయితగా పాల్‌ క్రగ్మన్‌,టీవీ వ్యాఖ్యాతగా జాన్‌ స్టీవార్ట్‌ ముందుకు వచ్చారు.ఇదే విధంగా 2003లో ఎంఎస్‌ఎన్‌బిసి మీడియా సంస్ధ కెయిత్‌ ఒల్బర్‌మన్‌ను నియమించటమేగాక వుదారవాద నెట్‌వర్క్‌గా మారిపోయింది. ఇరాక్‌పై దురాక్రమణ యుద్ధాన్ని సమర్ధించినందుకు న్యూ రిపబ్లిక్‌ పత్రిక 2004లో క్షమాపణలు చెప్పింది. డ్రడ్జ్‌ రిపోర్టుకు వుదారవాద ప్రత్యామ్నాయంగా 2005లో అఫింగ్టన్‌ పోస్టు పత్రిక అవతరించింది. డెమోక్రటిక్‌ పార్టీలో నోటి దురద వ్యక్తిగా పేరుమోసిన జో లిబర్‌మన్‌ సెనెట్‌ అభ్యర్ధిత్వ పోటీలో ఓడిపోయాడు,2011నాటికి గతంలో పార్టీపై పెత్తనం చేసిన డెమోక్రటిక్‌ లీడర్‌షిప్‌ కౌన్సిల్‌ పూర్తిగా తన పలుకుబడిని కోల్పోయి మూదపడింది. అధ్యక్ష పదవికి డెమోక్రటిక్‌ పార్టీ అభ్యర్ధి ఎన్నికలలో ఇరాక్‌పై దురాక్రమణ యుద్ధాన్ని సమర్ధించిన కారణంగా హిల్లరీ క్లింటన్‌ను బరాక్‌ ఒబామా ఓడించాడు, పార్టీలో అంతర్గత ధోరణిలో మౌలికంగానే మార్పు వచ్చింది.అందుకు నిదర్శనంగా ఒకప్పుడు వుదారవాదులను విమర్శించాలని కోరిన వారు నేడు వారిని గట్టిగా సమర్ధించనందుకు విమర్శిస్తున్నారు. ఎలాంటి క్షమాపణలు చెప్పే పనిలేకుండా డెమోక్రాట్లను వుదారవాదులుగా జార్జి డబ్ల్యు బుష్‌ ప్రభుత్వం మారిస్తే బరాక్‌ ఒబామా ప్రభుత్వం అత్యంత వాస్తవిక ఫలితాన్ని ఇచ్చింది. కానీ ఇది కధలో సగం మాత్రమే. ఎందుకంటే జార్జి డబ్ల్యు బుష్‌ ప్రభుత్వ వైఫల్యాలు డెమోక్రటిక్‌ పార్టీని వామపక్షం వైపు నెట్టాయి, బరాక్‌ ఒబామా సర్కార్‌ మరింతగా నెట్టింది. బుష్‌ వుదారవాద ప్రాధమిక వ్యవస్ధ రూపకల్పనకు కారణం అనుకుంటే అది ఒబామా ఎన్నికయ్యేందుకు దోహదం చేసింది. ఒబామా అజాగ్రత్త ఒకటి వాల్‌స్ట్రీట్‌ ఆక్రమణ వుద్యమం మరియు నల్లజాతీయుల జీవిత సమస్య వుద్యమాలు ముందుకు వచ్చేందుకు కారణమైంది.

Current Affairs

How American Jewish leaders are confronting anti-Muslim bigotry in the presidential race

How American Jewish leaders are confronting anti-Muslim bigotry in the presidential race

Why restricting the issues to the Jewish leaders, and how the Jews in Israel respond to these corny questions? 881 more words

Adonis49