Tags » Sri Lanka

Sri Lanka: Hambantota

Sri Lanka, formerly known as Ceylon, which is a misspelling, mispronunciation, or transliteration of Sri Lanka introduced by the English, is an island south and east a little of the southern tip of India. 467 more words

Sri Lanka

ஒன்றிணைந்த எதிரணி போல் தான் தமிழக அரசியல்வாதிகளும்

தமிழ்நாட்டிலுள்ள அரசியல்வாதிகள், இலங்கையின் ஒன்றிணைந்த எதிரணி போன்று தீவிரப் போக்குடையவர்களே என, தேசிய சகவாழ்வு, கலந்துரையாடல் மற்றும் அரசகரும மொழிகள் அமைச்சர் மனோ கணேசன் தெரிவித்துள்ளார்.

உதவி நிறுவனமொன்றால் நிர்மாணிக்கப்பட்ட வீடுகளை வழங்கிவைப்பதற்காக இலங்கைக்கு வரவிருந்த இந்திய நடிகர் ரஜினிகாந்த் நிறுத்தப்பட்டமை தொடர்பில் கருத்து  தெரிவித்த, நாடாளுமன்ற உறுப்பினர் நாமல் ராஜபக்‌ஷவுக்குப் பதிலளிக்கும் போதே, அவர் இவ்வாறு தெரிவித்தார்.

இவ்விடயம் தொடர்பாக, டுவிட்டர் தளத்தில் கருத்துத் தெரிவித்த நாமல் எம்.பி, “தமிழ்நாடு அரசியல்வாதிகளின் உண்மையான தன்மை, மீண்டும் வெளிப்பட்டுள்ளது. இலங்கையின் தமிழ் மக்களுக்காக உதவுவதற்கு, சுப்பர் ஸ்டார் ரஜினிகாந்தைக் கூட அவர்கள் அனுமதிக்க மாட்டார்கள்” என்று தெரிவித்தார்.

அதற்கு ஆங்கிலத்தில் முதலில் பதிலளித்த அமைச்சர் மனோ, “ஆம். பிரிக்கப்படா இலங்கைக்குள், அதிகாரங்களைப் பகிர்வதன் மூலமாகத் தேசிய பிரச்சினையைத் தீர்க்க முயல்வதைக் குழப்பும் ஒன்றிணைந்த எதிரணியின் அரசியல்வாதிகளின் உண்மையான தன்மைக்கான, தீவிரப் போக்குடைய எதிராளிகளே” என்று தெரிவித்தார்.

பின்னர் தமிழில் பதிலளித்த அமைச்சர், “நாமல், அவர்கள் உம் தமிழக மச்சான்ஸ். இங்கே அதிகாரப் பகிர்வு மூலம் இனப்பிரச்சினைத் தீர்வை தடுக்கும் உம்மைபோல” என்று பதிலளித்தார்.

முன்னதாக, வேறொரு டுவிட்டர் கலந்துரையாடலைத் தொடர்ந்து கருத்துத் தெரிவித்த அமைச்சர், “இன்று, ஈழவாதிகளை விட தெற்கின் பேரினவாதிகள்தான், தமிழீழம், பிரிவினை, மீண்டும் யுத்தம் ஆகியவற்றுக்கான சூழல்களை வேகமாக உருவாக்குகிறார்கள்.

“துவேசம் மூலம் அதிகாரப் பகிர்வு, மொழி சமத்துவம் ஆகியனவற்றை எதிர்த்து அரச/அரசற்ற பயங்கரவாதங்களை முன்னெடுக்கிறார்கள், வணக்கத்துக்குரிய பேரினவாதிகள்” என்று அவர் தெரிவித்திருந்தார்.

Sri Lanka

நாடு திரும்பும் தொழிலாளர்கள் கொண்டு வரும் மேலும் 9 பொருட்களுக்கு தீர்வை விலக்கு

புலம்பெயர் தொழிலாளர்களால் சிறிலங்காவுக்குள் கொண்டு வரப்படும், மேலும் ஒன்பது பொருட்களுக்கான சுங்கத் தீர்வைகளை  முற்றாக அகற்றுவதற்கு சிறிலங்கா அரசாங்கம் முடிவு செய்துள்ளது.

குறைந்தது ஒரு ஆண்டு காலம் வெளிநாடுகளில் பணியாற்றிய விட்டு நாடு திரும்பும் புலம்பெயர் தொழிலாளர்களின் நலன்களைக் கவனத்தில் கொண்டு இந்த முடிவு எடுக்கப்பட்டுள்ளது.

இதகுறித்து சுங்கத் திணைக்கள பிரதி பணிப்பாளர் பராக்கிரம பஸ்நாயக்க தொலைக்காட்சி ஒன்றுக்கு கருத்து வெளியிடுகையில், வெளிநாடுகளில் பணியாற்றி விட்டுத் திரும்பும் தொழிலாளர்களுக்கு கூடுதல் நன்மைகளை அளிக்க முடிவு செய்யப்பட்டுள்ளதாக தெரிவித்துள்ளார்.

குளியலறை கருவிகளின் தொகுதி ஒன்று, படுக்கையறைத் தொகுதி ஒன்று, 3500 சிசி திறனுக்குக் குறைவான உந்துருளி ஒன்று, ஆகியவற்றையும் வெளிநாடுகளில் இருந்து திரும்பும் தொழிலாளர்கள் தீர்வையின்றி எடுத்து வர முடியும்.

சூரிய கலன்கள், கணினிகள், மடிக்கணினிகள், இரண்டு கைபேசிகள் ஆகியவற்றையும் தீர்வையின்றி எடுத்து வர முடியும் என்பதுடன், 55 அங்குலத்துக்கு உட்பட்ட தொலைக்காட்சிகளையும் தீர்வையின்றி கொள்வனவு செய்ய முடியும் என்றும் அவர் தெரிவித்துள்ளார்.

Sri Lanka

அடுத்த மாதம் மட்டக்களப்பில் சிவில் விமான நிலையம்

மட்டக்களப்பு விமான நிலையம், சிவில் விமான நிலையமாக, அடுத்த மாத இறுதியில் திறந்து வைக்கப்படவுள்ளது என்று, சிவில் விமானப் போக்குவரத்து பணிப்பாளர் நாயகம் நிமலசிறி தெரிவித்துள்ளார்.

இராணுவப் பயன்பாட்டுக்கான விமான நிலையமாக இருந்து வந்த மட்டக்களப்பு விமான நிலையத்தை சிவில் விமானப் போக்குவரத்து அதிகார சபை பொறுப்பேற்று, சிவில விமான நிலையமாக இயக்கவுள்ளது.

சிறிலங்காவின் சிவில் விமானப் போக்குவரத்து அமைச்சர் நிமால் சிறி பால டி சில்வா இதனைத் திறந்து வைக்கவுள்ளார்.

இந்த விமான நிலையத்தில் தேவையான இடவசதி இருப்பதால், சிவில் விமானப் போக்குவரத்து இயக்குனர்கள், விமானப் பயிற்சி பாடசாலை உள்ளிட்ட வசதிகளை ஏற்படுத்த முடியும்.” என்றும் அவர்

Sri Lanka

சிறிலங்கா உள்ளிட்ட16 நாடுகளுடன் இந்தியா கூட்டு இராணுவப் பயிற்சி

சிறிலங்கா உள்ளிட்ட 16 நாடுகளுடன் இந்த ஆண்டில் இந்தியா கூட்டு இராணுவப் பயிற்சிகளை மேற்கொள்ளவிருப்பதாக, இந்தியாவின் பாதுகாப்பு இணை அமைச்சர் சுபாஸ் பாம்ரே தெரிவித்துள்ளார்.

இந்திய நாடாளுமன்றத்தில் எழுப்பப்பட்ட கேள்வி ஒன்றுக்குப் பதிலளித்த போதே அவர் இந்த தகவலை வெளியிட்டுள்ளார்.

‘இருதரப்பு பாதுகாப்பு உறவுகளையும் ஒத்துழைப்புகளையும் வலுப்படுத்தும்  நோக்கில் 2017ஆம் ஆண்டில் 16 நாடுகளுடன் இந்தியா கூட்டு இராணுவப் பயிற்சிகளை மேற்கொள்ளவுள்ளது.

அவுஸ்ரேலியா, பங்களாதேஷ், சீனா, பிரான்ஸ், இந்தோனேசியா, கசாக்ஸ்தான், கிரிகிஸ்தான், மலேசியா, மாலைதீவு, மொங்கோலியா, நேபாளம், ரஷ்யா, சிறிலங்கா, தாய்லாந்து, ஐக்கிய அரபு எமிரேட்ஸ், மற்றும் அமெரிக்கா ஆகிய 16 நாடுகளுடனேயே இந்தியா கூட்டு இராணுவப் பயிற்சிகளை மேற்கொள்ளவுள்ளது.

இராணுவ அனுபவங்களைப் பகிர்ந்து கொள்ளல், பயிற்சிக் கருத்தரங்குகள், பயிற்சிப் பட்டறைகள், மற்றும் ஏனைய செயற்பாடுகள் இந்தக் கூட்டுப் பயிற்சிகளின் போது  உள்ளடக்கப்படும்’ என்றும் இந்தியாவின் பாதுகாப்பு இணை அமைச்சர் தெரிவித்துள்ளார்.

Sri Lanka

விடுதலைப் புலிகளின் சர்ச்சைக்குரிய வெற்றுத்தாள்கள் அறிக்கை!

கடந்த 2009ஆம் ஆண்டு தமிழீழ விடுதலைப் புலிகளின் தலைமைச் செயலகத்தினால் பயன்படுத்தப்பட்ட அறிக்கையின் வெற்றுத்தாள்கள் சில வெளியாகியுள்ளன.

அறிக்கைக்காக பயன்படுத்தப்படும் இந்த வெற்றுத்தாளில் எதுவும் எழுதப்படாத நிலையில் சில சமூக ஆர்வலர்களின் மின்னஞ்சல் ஊடாக இது அனுப்பி வைக்கப்பட்டுள்ளதாக கூறப்பட்டுள்ளது.

குறித்த வெற்றுத்தாள் யார், எதற்காக அனுப்பியுள்ளார்கள் என்பது தொடர்பான தகவல் இதுவரை தெரியவில்லை.

இந்த நிலையில் 2009ஆம் ஆண்டு விடுதலைப் புலிகள் மௌனித்த பின்னர் உத்தியோக பூர்வமாக கையெழுத்துடன் கூடிய அறிக்கை எதுவும் வெளிவராத நிலையில் இந்த வெற்று அறிக்கை தாள் வெளியாகியுள்ளது சர்ச்சைக்குரிய விடயமாக காணப்படுகின்றது.

இதேவேளை,  மௌனத்தின் பின்னர் பல்வேறுபட்ட அறிக்கைகள் வெளியாகி உள்ளதோடு, விடுதலைப் புலிகளின் இயக்கம் தொடர்பில் தமிழ் மக்கள் மத்தியில் சந்தேகத்தினை ஏற்படுத்தியுள்ள நிலையில் இவ்வாறான வெற்று அறிக்கைத் தாள் வெளியாகியுள்ளமை குறிப்பிடத்தக்கது.

Sri Lanka

சிறைச்சாலை வைத்தியசாலையில் விமல்

வெலிக்கடைச் சிறைச்சாலையில், உண்ணாவிரதப் போராட்டத்தில் ஈடுபட்டுவரும், தேசிய சுதந்திர முன்னணியின் தலைவரும் நாடாளுமன்ற உறுப்பினருமான விமல் வீரவன்ச, சிறைச்சாலை வைத்தியசாலைக்கு மாற்றப்பட்டுள்ளார். அவரது உடல்நிலை, மோசமடைந்ததைத் தொடர்ந்தே, இன்றுக் காலை அவர், வைத்தியசாலைக்கு மாற்றப்பட்டார் என்று, தேசிய சுதந்திர முன்னணி தெரிவித்தது.

தடுப்புக் காவலில் வைக்கப்பட்டுள்ள விமல் எம்.பி, பிணைக் கோரிக்கைகளை முன்வைத்த போதிலும், அவை நிராகரிக்கப்பட்ட நிலையில், கடந்த புதன்கிழமை முதல், மகசின் சிறைச்சாலையில், உண்ணாவிரதப் போராட்டத்தை மேற்கொண்டு வந்தார்.

அரச பொறியியல் கூட்டுத்தபனத்துக்குச் சொந்தமான 40 அரச வாகனங்களை, தவறான முறையில் பயன்படுத்து, அரசுக்கு 90 மில்லியன் ரூபாய் நட்டத்தை ஏற்படுத்திய குற்றச்சாட்டில், ஜனவரி 10ஆம் திகதி கைதுசெய்யப்பட்ட விமல் எம்.பி, அதன் பின்னர், தொடர்ச்சியாக விளக்கமறியலில் வைக்கப்பட்டுள்ளமை குறிப்பிடத்தக்கது.

Sri Lanka