Tags » Sri Lanka

மட்டு நகரில் மனித சங்கிலி போராட்டம் மற்றும் கவன ஈர்ப்பு பேரணி

பல வருடங்களாகியும் காணாமல்போனவர்களின் நிலை தொடர்பில் அரசாங்கங்கள் ஏமாற்றும் நிலையையே கடைப்பிடித்துவருவதாகவும் நல்லாட்சி அரசாங்கம் என்னும் கூறிக்கொள்ளும் அரசாங்கமும் தங்களை ஏமாற்றும் நிலையே இருந்துவருவதாகவும் காணாமல்போனவர்களின் உறவினர்கள் கவலை தெரிவிக்கின்றனர்.
சர்வதேச மனித உரிமைகள் தினத்தை முன்னிட்டு மட்டக்களப்பு மாவட்ட அரசசார்பற்ற இணையம் ஏற்பாடுசெய்த மனித சங்கிலி போராட்டம் மற்றும் கவன ஈர்ப்பு பேரணி என்பன இன்று சனிக்கிழமை மட்டக்களப்பு நகரில் நடைபெற்றன
இந்த நிகழ்வில் மட்டக்களப்பு மாவட்ட காணாமல்போனோர் சங்க உறுப்பினர்களும் கலந்துகொண்டு தமது உணர்வுகளையும் இதன்போது வெளிப்படுத்தினர்.
சர்வதேச மனித உரிமைகள் தினம் அனுஸ்டிக்கப்பட்டுவரும் நிலையில் தமது உரிமைகள் தொடர்ந்து பறிக்கப்படும் நிலையே இந்த நாட்டில் உள்ளதாகவும் அவர்கள் தெரிவிக்கின்றனர்
தாம் தமது உறவுகளை தொலைத்துவிட்டு மிகவும் கஸ்டமான நிலையில் வாழ்ந்துவரும் நிலையில் தமக்கான சலுகைகள் கூட மறுக்கப்படுவதாகவும் அவர்கள் கவலை தெரிவிக்கின்றனர்.

தமது கணவன்மார் பிள்ளைகள் கடத்தப்பட்டு காணாமல்போன நிலையில் தாம் வாழ்வாதாரம் உட்பட பல்வேறு கஸ்டங்களை தாம் எதிர்நோக்கிவருவதாகவும் அவர்கள் கவலை தெரிவிக்கின்றனர்.
தமது பிள்ளைகளின் எதிர்காலம் கருதி தாங்கள் மத்திய கிழக்கு நாடுகளுக்கு சென்ற நிலையில் தமது பிள்ளைகளின் எதிர்காலம் கருதி தாங்கள் திரும்பி வந்தபோதிலும் தாம் வாழ்வாதாரத்திற்கு பெரும் கஸ்டங்களை எதிர்நோக்கிவருதாகவும் அவர்கள் தெரிவிக்கின்றனர்.
Sri Lanka

800 கிலோ ‘கோகைன்’ கொழும்பு துறைமுகத்தில் பறிமுதல்

கொழும்பு துறைமுகத்தில் கன்டெய்னருக்குள் 800 கிலோ ‘கோகைன்’ என்ற போதைப்பொருள் மறைத்து வைக்கப்பட்டிருந்தது கண்டுபிடிக்கப்பட்டது.

ஈகுவடார் நாட்டில் இருந்து கடந்த அக்டோபர் 2-ந் தேதி புறப்பட்ட ஒரு கப்பல், இந்தியாவுக்கு வரும் வழியில் இலங்கை தலைநகர் கொழும்பில் உள்ள துறைமுகத்தை அடைந்தது. அங்கு நிறுத்தி வைக்கப்பட்டிருந்த அந்த கப்பலில் போதைப்பொருள் இருப்பதாக கிடைத்த ரகசிய தகவலின்பேரில், இலங்கை போலீசின் போதைப்பொருள் தடுப்பு பிரிவினர் நேற்று அதில் சோதனையிட்டனர்.

அப்போது, ஒரு கன்டெய்னருக்குள் 800 கிலோ ‘கோகைன்’ என்ற போதைப்பொருள் மறைத்து வைக்கப்பட்டிருந்தது கண்டுபிடிக்கப்பட்டது. அதன் மதிப்பு ரூ.1,200 கோடி ஆகும். இந்தியாவில் உள்ள ஒரு கம்பெனிக்கு அந்த போதைப்பொருள் அனுப்பப்படுவதாக இருந்தது.

அதை பறிமுதல் செய்த போலீசார், ஈகுவடார், இந்தியா உள்ளிட்ட நாடுகளின் உளவுத்துறை உதவியுடன் விசாரணை நடத்தி வருகிறார்கள். தெற்கு ஆசியாவில் இதுவரை பிடிபட்ட போதைப்பொருள்களில் இதுவே அதிக மதிப்புடையது ஆகும்.

Sri Lanka

வவுனியாவில் காணாமல்போனோரின் உறவினர்கள் ஆர்ப்பாட்டம்

காணாமல்போனோரின் உறவினர் ஒன்றிணைந்து வவுனியா கந்தசுவாமி ஆலய முன்றலில் இன்று காலை 10 மணியளவில் ஆர்ப்பாட்டமொன்றை முன்னெடுத்துள்ளனர்.

ஆர்ப்பாட்டத்தை மேற்கொண்டவர்கள் பேரணியாக பசார் வீதி, மில் றோட் வழியாகச் சென்று வவுனியா சுவர்க்கா விருந்தினர் விடுதியை சென்றடைந்தனர்.

பன்னாட்டு மனித உரிமைகள் தினத்தை முன்னிட்டு தமது காணாமற்போன உறவுகளுக்கு நீதி வேண்டியும், பக்கச்சார்பில்லாத விசாரணைகள் மேற்கொள்ள வேண்டியும், காணமல்போனோர் விடயத்தில்; நம்பிக்கையினைக் கட்டியெழுப்பக்கூடிய ஆக்கபூர்வமான நடவடிக்கையினை அரசாங்கம் மேற்கொள்ளவேண்டும் எனவும் வலியுறுத்தியும் கூட்டம் ஒன்றினையும் நடத்தியிருந்தனர்.

வட, கிழக்கு மாவட்டங்களிலிருந்து வந்த உறவுகள் தமது ஆதங்கங்களைத் தெரிவித்திருந்தனர்.

வவுனியா மாவட்ட காணாமலாக்கப்பட்ட சங்கத் தலைவி திருமதி.கே.ஜெயவனிதா தலைமையில் ஆரம்பமான கூட்டத்தில் வடகிழக்கு மாவட்டங்களிலிருந்து கையளிக்கப்பட்டு காணமலாக்கப்பட்ட சங்கத் தலைவர்கள், உறுப்பினர்கள், காணாமற்போனவர்களின் உறவினர்கள், பொதுமக்கள் எனப் பலரும் கலந்து கொண்டனர். வவுனியா மாவட்ட பிரஜைகள் குழுவினரும் இந்நிகழ்வில் கலந்து கொண்டமை குறிப்பிடத்தக்கது.

Sri Lanka

இந்தியாவில் மோடி செய்ததுபோல் இலங்கையில் நாமும் செய்வோம்

நாட்டில் பதுக்கிவைக்கப்பட்டுள்ள 5000 ரூபா நாணயத்தாள்களை வெளியில்கொண்டுவருவதற்கு  இந்தியாவில் மோடி செய்ததுபோல் இலங்கையில் நாமும் செய்வோம் என நிதி அமைச்சர் ரவி கருணாநாயக்க தெரிவித்துள்ளார்.

2017 ஆண்டுக்கான வரவு செலவுத்திட்ட விவாதத்தின் போதே அவர் இதனை சபையில் தெரிவித்துள்ளார்.

Sri Lanka

முப்படைகளிலிருந்து தப்பியோடிய 1415 பேர் சட்டரீதியாக விலகல்

முப்படையிலிருந்து சட்டவிரோதமாக தப்பியோடிய 1415 பேர்  சட்டரீதியாக சேவையிலிருந்து விலகியுள்ளதாக இராணுவ ஊடகப்பேச்சாளர் பிரிகேடியர் ரொஷான் செனவிரத்ன தெரிவித்துள்ளார்.

இதனடிப்படையில் இராணுவத்தைச் சேர்ந்த 1185 பேர், கடற்படையைச் சேர்ந்த 161 பேர் மற்றும் விமானப்படையைச் சேர்ந்த 69 பேர் இவ்வாறு சேவைகளில் இருந்து ஓய்வுபெற்றுக்கொண்டுள்ளதாக அவர் சுட்டிக்காட்டியுள்ளார்.

இதுதவிர பொதுமன்னிப்புக்கோரி இராணுவத்தில் இருந்து தப்பிச்சென்ற 1492 பேர் விண்ணப்பித்துள்ளதுடன், இதில் 307 விண்ணப்பங்களில் குறைபாடுகள் இருப்பதாகவும் தெரிவிக்கப்பட்டுள்ளது.

எனினும் குறித்த விண்ணப்பங்களில் உள்ள குறைபாடுகள் தீர்க்கப்பட்டதன் பின்னர் மீதமுள்ளவர்களும் விடுவிக்கப்படவுள்ளனர் எனவும் அவர் தெரிவித்தார்.

முப்படையினருக்கான பொதுமன்னிப்புக்காலம் இம்மாதம் 31 ஆம் திகதிவரை நீடிக்கப்பட்டுள்ளமை குறிப்பிடத்தக்கது.

Sri Lanka

வடமாகாணத்தில் போக்குவரத்துச்சபை ஊழியர் வெற்றிடங்களை நிரப்ப நடவடிக்கை!

இலங்கை போக்குவரத்து சபை தலைவர் ரமால் சிறிவர்த்தன இன்று கிளிநொச்சிக்கு பயணம் மேற்கொண்டு பேருந்துச் சாலைகள் தொடர்பாக நேரடியாக ஆராய்ந்ததுடன், அவற்றின் குறைகள் தொடர்பாக ஊழியர்களிடம் கேட்டறிந்துகொண்டார்.

இதன்போது ஊடகங்களுக்குக் கருத்துத் தெரிவித்த ரமால் சிறிவர்த்தன,

கிளிநொச்சி மாவட்டத்துக்கான பேருந்து நிலையம் ஒன்றை மத்திய மற்றும் மாகாண அமைச்சுடன் இணைந்து அமைப்பதற்கு நடவடிக்கை எடுத்துள்ளதாகவும், குறிப்பாக வடக்கு மாகாணத்தில் நிலவும் வெற்றிடங்களை நிரப்பவே இந்நடவடிக்கை எடுக்கப்பட்டுள்ளதாகவும் தெரிவித்துள்ளார்.

மேலும், கிளிநொச்சி பேருந்துச் சாலையை வேறிடத்திற்கு மாற்றத் திட்டமிட்டுள்ளதாகவும், பேருந்துச் சாலையானது நகரை அண்டிய பிரதேசத்திலேயே காணப்படவேண்டுமெனவும் தெரிவித்துள்ளார்.

அத்துடன் கிளிநொச்சிச் சாலையில் புதிய பேருந்துகள் சேவையில் ஈடுபட்டு வருவதாகவும், இவை போதாதாகையால் மேலதிக பேருந்துகளும் சேவையில் ஈடுபடுத்தப்படவுள்ளதாகவும் தெரிவித்துள்ளார். அத்துடன் பழைய பேருந்துகளை இயங்குநிலைக்குக் கொண்டுவந்து அவற்றையும் மீண்டும் சேவையில் ஈடுபடுத்தவுள்ளதாகவும் குறிப்பிட்டுள்ளார்.

Sri Lanka

வடக்கு மாகாணத்தில் விகாரை அமைப்பதில் அரசியல்வாதிகளுக்கே பிரச்சனை!

தமிழ் மக்களால் கொழும்பில் கோவில் கட்டமுடியுமென்றால் சிங்கள மக்களால் கொக்குளாயில் விகாரை அமைப்பதில் என்ன பிரச்சனை என வடக்கு மாகாண ஆளுநர் நேற்றையதினம் ஊடவியலாளர்களுடனான கலந்துரையாடலின்போது தெரிவித்திருந்தார்.

எனினும் வேறு ஒருவரின் காணியில் மக்கள் இல்லாத இடத்தில் அவ்வாறு நிர்மாணிக்கப்பட்டால் அது குற்றம் என தெரிவித்த அவர், வேறு ஒருவருடைய காணியில் அனுமதியின்றி விகாரை அமைக்க முடியாது என தெரிவித்துள்ளாார்.

மேலும், கொக்குளாயில் அமைக்கப்பட்டுவரும் விகாரைக்கான அனுமதியை கரைதுரைப்பற்று முன்னாள் பிரதேச செயலாளர் தந்துள்ளார்.

இந்த நாட்டில் யாரும் எங்கேயும் கோவில், பள்ளிகள் கட்டலாம் அது அவர்களின் பிரச்சனை. ஆனால் விகாரை கட்டுவது மக்களுக்குப் பிரச்சனையில்லை எனவும் அரசியல்வாதிகளுக்கே பிரச்சனை எனவும் தெரிவித்துள்ளார்.

இதேவேளை 2009 ஆண்டு யுத்தம் முடிவுக்கு கொண்டுவரப்பட்ட நிலையில் கொக்குளாய் பிரதேசத்தில் இடம்பெயர்ந்த மக்கள் 2010 ஆம் ஆண்டு செப்ரெம்பர் மாதம் மீள்குடியேற்றம் செய்யப்பட்டபோது விகாரை அமைப்பதற்கான காணி என தெரிவித்து குறித்த பிக்கு குறித்த காணியில் மக்களை மீள்குடியேற்ற அனுமதிக்கவில்லை என்பதுடன், இக்காணி மணிவண்ணதாசுக்குச் சொந்தமானது என்பதுடன் நீதிமன்றத்தில் வழங்கு நடைபெற்று வருகின்றமையும் குறிப்பிடத்தக்கது.

Sri Lanka