Tags » Tamil

கடவுச்சீட்டு அலுவலகம் இனிமேல் பத்தரமுல்லையில்!

கொழும்பு புஞ்சி பொரள்ளை பகுதியில் இயங்கி வந்த இலங்கை குடிவரவு மற்றும் குடியகல்வு திணைக்களத்தின் பிரதான அலுவலகம் பத்தரமுல்லைக்கு இடமாற்றம் செய்யப்பட்டுள்ளது.

எதிர்வரும் 29 ஆம் திகதி முதல் இந்த அலுவலகம் பத்தரமுல்லையில் உள்ள சுஹூருபாய கட்டடத்தில் இயங்கவுள்ளது.

இதன் காரணமாக இலக்கம் 10 புஞ்சி பொரள்ளை ஆனந்த ராஜகருண மாவத்தையில் இயங்கிய திணைக்களத்தின் அலுவலகம் இன்று முதல் மூடப்பட உள்ளது…..

Tamil News

கோத்தாவுக்கு எதிராக நடவடிக்கை!

கோட்டாபய ராஜபக்ஷவுக்கு எதிராக அரசாங்கம் சட்ட நடவடிக்கை எடுப்பதை தவிர்த்து வருவதாக குற்றம் சுமத்தப்பட்டுள்ளது.

இடதுசாரிகள் இயக்கத்தின் இணைப்பாளர் சமீர பெரேரா இந்த குற்றச்சாட்டை முன்வைத்துள்ளார். கோட்டாபய ராஜபக்ஷவே வெள்ளை வான் கலாசாரத்தை நாட்டில் முன்னெடுத்து வந்தார். அவருக்கு எதிராக சட்ட நடவடிக்கை எடுக்கப்பட வேண்டும் என்ற போதும், அரசாங்கம் இந்த விடயத்தில் தாமதத்தை காட்டி வருகிறது.

அதேநேரம் மகிந்த, நாமல், பசில் போன்ற ராஜபக்ஷவினருக்கு எதிராக குற்றச்சாட்டுகளை முன்வைக்கின்ற அரசாங்க அமைச்சர்கள், கோட்டா மீதான குற்றச்சாட்டுகள் குறித்து எந்த கருத்தையும் வெளியிடுவதில்லை என்றும் அவர் சுட்டிக்காட்டியுள்ளார்.

Tamil News

The Chronicles of an Online Content Creator- A like for a like makes the whole world alike

Firstly, let us begin by understanding who among us is an online content creator. Before the advent of technology, we all had a small circle of friends with whom we shared all sorts of interesting information and gossips. 747 more words

Entertainment

இலங்கை அதிபரின் உத்தியோகபூர்வ வலைத்தளத்தில் சைபர் தாக்குதல்!

இலங்கை அதிபரின் உத்தியோகபூர்வ இணையத்தளமான பிறசிடன்ட் டொட் கவ் டொட் எல்கே (President.gov.lk) என்ற இணையத்தளத்திற்கு நேற்றையதினம் (வியாழக்கிழமை) இரவு சைபர் தாக்குதல் நடாத்தப்பட்டுள்ளது தெரியவந்துள்ளது.

இந்த இணையத்தளத்திற்குள் ஊடுருவிய இணையக் கொள்ளையர்கள் எச்சரிக்கையும் விடுத்துள்ளனர். இணையத்தளங்கள் தொடர்பாக இலங்கை அரசாங்கம் கவனம் செலுத்தத் தவறினால் மோசமான விளைவுகளைச் சந்திக்க நேரிடும் எனவும் அதில் எச்சரிக்கை விடுக்கப்பட்டுள்ளது.

செந்நிறத்தில் எழுதப்பட்டுள்ள இந்த வாசகங்களுக்கு இலங்கை இளையோர் அமைப்பு உரிமைகோரியுள்ளது.

இது குறித்து இலங்கையின் இணையத் தள தாக்குதல்களுக்கு எதிராக நடவடிக்கை எடுப்பதற்காக அமைக்கப்பட்டுள்ள சைபர் பாதுகாப்பு நிறுவனத்தின் தலைமை அதிகாரியான பொறியியலாளர் ரொஷான் சந்திரகுப்தவிடம் தொடர்புகொண்டு கேட்டபோது, இதுவரை தமக்கு முறைப்பாடுகள் கிடைக்கவில்லை என தெரிவித்தார்.

Tamil News

வடக்கிலிருந்து இராணுவம் அகற்றப்படமாட்டாது – இராணுவத் தளபதி!

வடக்கிலிருக்கும் எந்தவொரு இராணுவ முகாம்களும் அகற்றப்படமாட்டாது என இராணுவத் தளபதி லெப்.ஜெனரல் கிரிசாந்த டி சில்வா தெரிவித்துள்ளார்.

நேற்று (வியாழக்கிழமை) நடைபெற்ற செய்தியாளர் சந்திப்பிலேயே மேற்கண்டவாறு தெரிவித்துள்ளார்.

மேலும் அவர் தெரிவிக்கையில், வடக்கில் இராணுவ முகாம்கள் அகற்றப்படும் என வெளியான செய்தியில் எந்தவித உண்மையுமில்லை.

தேசிய பாதுகாப்பை உறுதிப்படுத்துவதற்காக சிறீலங்கா அரசாங்கம் எந்தவொரு நடவடிக்கையையும் மேற்கொள்ளும்.

ஒரு இராணுவ முகாம் எவ்வாறு இருக்கும் என்பதை அனைவரும் தெரிந்திருக்க வேண்டும். இராணுவத்தினருக்கான நிரந்தரமான தங்குமிட வசதிகளைக் கொண்டது தான் ஒரு இராணுவ முகாமாகும்.

எமது முகாமுக்குத் தேவையான பிரதேசத்தை மாத்திரம் நாம் பராமரிப்போம். ஏனைய பிரதேசங்களை விடுவிப்போம். சரியான இடங்களில்தான் நாங்கள் இராணுவ முகாம்களை அமைப்போம் எனவும் தெரிவித்தார்.

Tamil News

அடிப்படைச் சம்பளம் 40,000 ஆக அதிகரிக்கப்படும்!

தொழிலாளர்களின் அடிப்படைச் சம்பளம் 40,000 ரூபாவாக அதிகரிப்பதற்கு நடவடிக்கை எடுக்கப்படும் என பிரதமர் ரணில் விக்கிரமசிங்க தெரிவித்துள்ளார்.

ஐக்கிய தேசியக் கட்சியின் தலைமையகமான சிறீகொத்தாவில் நேற்று நடைபெற்ற செய்தியாளர் சந்திப்பிலேயே மேற்கண்டவாறு தெரிவித்துள்ளார்.

மேலும், தொழிலாளர்களின் ஆரம்ப அடிப்படைச் சம்பளத்தை 40 ஆயிரம் ரூபாவாக உயர்த்துவது தொடர்பில் அரசாங்கம் தொழில் கொள்வோருடன் பேச்சுவார்த்தைகளை நடாத்தி வருகின்றது.

இதற்கு அனைவரும் ஒத்துழைப்பு வழங்கவேண்டுமெனத் தெரிவித்த அவர், இந்த இலக்கானது அடுத்த இரண்டு வருடங்களுக்குள் சாத்தியப்படும் எனவும் தெரிவித்துள்ளார்.

வெளிநாட்டில் ஒரு தொழிலாளி ஆகக் குறைந்தது 300 டொலர் சம்பளத்தைப் பெற்றுக்கொள்ளக்கூடியதாக உள்ளது எனவும், அந்த நிலை எமது நாட்டிலும் உருவாக்கப்படவேண்டுமெனவும் தெரிவித்துள்ளார்.

அதன் மூலம் வெளிநாடு செல்வோரின் எண்ணிக்கை குறைக்கப்பட்டு, நாட்டின் முன்னேற்றம் கருதி மனிதவளம் முழுமையாக பயன்படுத்தப்பட வேண்டும் என்றும் பிரதமர் ரணில் விக்கிரமசிங்க தெரிவித்துள்ளார்.

Tamil News

சேலத்தில் வெடிகுண்டு கண்டுபிடிக்கும் மோப்பநாய் திடீர் பலி!!

வெடிகுண்டு கண்டுபிடிக்கும் மோப்ப நாய் உடல் நலம் சரியில்லாமல் திடீரென இறந்து போனது. சேலம் குமாரசாமிபட்டி ஆயுதப்படை மைதான பகுதியில் காவல் துறை மரியாதையுடன் அடக்கம் செய்யப்பட்டது.

சேலம் மாவட்ட காவல் துறையில் வெடிகுண்டு கண்டுபிடிக்கும் பிரிவு மற்றும் தடயங்கள் கண்டுபிடிக்கும் பிரிவு செயல்பட்டு வருகிறது. இந்த பிரிவில் 4 வயது நிரம்பிய ஆலிஸ் என்ற துப்பறியும் மோப்பநாய் ஒன்று செயல்பட்டு வந்தது.

இந்த துப்பறியும் மோப்பநாய் கடந்த ஒரு மாதமாக திடீர் உடல் குறைவால் சாப்பிடாமலும், தண்ணீர் குடிக்காமலும் இருந்து வந்தது.

இதையடுத்து ஆலிசை நாமக்கல்லில் உள்ள கால்நடை மருத்துவக் கல்லூரி மருத்துவமனைக்கு கொண்டு சென்று அங்கு சிகிச்சை அளிக்கப்பட்டு வந்தது.

அப்போது, ஆலிசுக்கு சிறுநீரக கோளாறு இருப்பது தெரியவந்தது. இதையடுத்து அதற்கான சிகிச்சை தொடர்ந்து அளிக்கப்பட்டது.

அதன் நிலைமை மேலும் மோசமானதால் சேலத்தில் உள்ள கால்நடை மருத்துவ மனையில் சேர்க்கப்பட்டு சிகிச்சை மேற்கொள்ளப்பட்டு வந்தது. இன்று அதிகாலையில் சிகிச்சை பலனின்றி ஆலிஸ் பரிதாபமாக இறந்தது.

இதைத்தொடர்ந்து ஆலிஸ் சேலம் குமாரசாமி பட்டி ஆயுதப்படை மைதான பகுதியில் போலீஸ் மரியாதையுடன் அடக்கம் செய்யப்பட்டது.

Tamil News